برجاء المساعدة فى الاختيار لانى خلاص تعبت

[Mostafa.Mahran]

المبلغ المتاح من 60 لحد 65
العربية مانيوال
المسافة اليومية حوالى 200 كيلو و أغلبها طرق طوالى و سريعة
الصيانة الدورية و الاهتمام بالعربية هيتم بصورة منتظمة ان شاء الله
العربية ممكن تقعد معايا فترة طويلة 5 سنين مثلا

المطلوب من العربية
العربية تبقى ثابته و ماسكة نفسها
مفيش استعداد للاعطال الكتيرة و المفاجأة
الفرامل تبقى كويسة و تكييف و باور و مش عاوز اكتر من كده
قطع الغيار تبقى منتشرة و اسعارها معقولة

من الاخر عاوز عربية عملية و بتاعة شغل و تستحمل البهدلة

الحاجات الى فكرت فيها
1- لانوس كسر زيرو
2- اوبترا 2006 او 2007
3- ماتريكس 2006
4- اوكتافيا a4 موديل 2000 او 2001
5- بروتون جين 2 2007
6- هيونداى الانترا 2006
7- ميتسوبيشى لانسر 2004
8- نوبيرا 2008


العربية الى معايا دلوقتى اوبل استرا موديل 2000 و بصراحة عربية محترمة جدا و حمالة اسية و ثبات محترم و قطع الغيار مقارنة بالعمر الافتراضى معقولة بس للاسف لازم اغيرها و اجيب حاجة تانية

ايه العربية الى ممكن تكون مناسبة و لحد كام كيلو العربية تعتبر معقولة و تستحمل انها تعيش 5 سنين قدام مع الصيانة الدورية و انا بدور على حاجة عملية مش اكتر

[S O P H O S]

كلامك في ما عدا الثبات الي هو متوسط فالكورولا 2002 لحد 2004 وهتكون في رنج 70
ولو مش متقبلها يبقي جين وتستحمل عز العرب
مقدرتش اقول لانوس علشان الثبات بردوا والفرامل
والله اعلم ..

[Mostafa.Mahran]

انا فكرت فى اللانوس علشان هى احدث موديل بس للاسف لما جربتها لقيتها وسيلة مواصلات و بعيدة عن العربيات فى كل حاجة

الاوكتافيا اقرب واحدة للاوبل بس الخوف من الموديل لان هيبقى بقالها 11 سنة و ممكن تفتح بقها

[Mostafa.Mahran]

هو فى ايه يا جماعة هو انا بسأل فى منتدى تخصصه غير العربيات؟

[Land_Cruiser]

ممكن تدور على نيسان صنى كمان و فيها كل اللى حضرتك بتدور عليه وممكن تبقى تقريبا موديل 2007 او 2008 مانيوال و السعر حسب الحاله طبعا

[mido140]

اوكتافيا طبعااا كفاية انك هتركب الماني

[seso100100]

هيونداى الانترا 2006
افظل النترا نزلت على الاطلاق و تعتبر من العربيات الفلتة التى لن تتكرر
هاتها اتوماتيك كاملة سعرها فى حدود ٧٠ الف جنيه واسعة و ثابتة جدا على الطريق و الافضل تكون توكيل

[Mostafa.Mahran]

انا الحمد لله خلاص استقريت على عربيتين يا اوكتافيا 2001 او النترا 2006 قدامى العربيتين بتوع ناس معرفة و الاتنين معدوش ال80 الف كيلو و الواحد هيختار واحدة منهم ان شاء الله بس الميل الاكتر للاوكتافيا بصراحة

[motoxp]

الالنترا 2006 المانيوال يا باشا

عربية حماله اسيه قطع غيار اصليه رخيصة

ثبات ممتاز و تكييف

الاوكتافيا احسن بس هتستحمل الاتى ( قطع غيار غاليه - اعادة بيع ثقيله - الصنايعيه فيها قليلين ) عكس الهيونداى الالنترا خالص

خلى بالك الالنترا كمان موديل حديث 2006 الاوكتافيا 2001 ( فرق السنين لصالحك)

[amrelsha3er]

اوكتافيا لو حالتها حلوه وعدادها كده هاتها طبعا عربيه ركوبه