لو سمحتم يا جماعة تساعدوني في الحيرة الشديدة دي

[M I D O]

لو سمحتم انا كنت محدد ميزانية 90 الف عشان اجيب عربية جديدة لاني استويت من المستعمل وكان نفسي الاقي عربية فيها وسائل امان زي اير باج و اي بي اس و اي اس بي و فتحة سقف بس للاسف مفيش الحجات دي غير في الصيني وانا قد ما انا حابب تجربة الصيني بس مرعوووووب من الصيني لانة زي البطيخة يا حمرا يا قرعة انت وحظك وكمان لان المبلغ الي هيندفع مش قليل و الواحد مش هيسحمل الصراحة ان فلوسة تترمي علي الارض المهم عشان ما اطولش علي حضراتكم انا بعد كتر البحث تيقنت اني مش هلاقي كل الي عاوزة في عربية واحدة الا بقي فوق ال 100 الف ودة مستحيل عشان كدة انا محتار حاليا بين البرسونا و الصني و الافيو و ممكن ازود شوية و تدخل معاهم الاوبترا و نيو اكسنت اقل فئة و سيراتو اقل فئة ياريت حضراتكم تفيديوني انهي افضل بس اهم حاجة وسائل الامان و الشكل لاني شاب وعاوز حاجة كويسة و اسف علي الاطالة و شكرا جزيلا مقدما

[Ghosts]

أكسنت RB ....

All New Hyundai Accent - YouTube

بس للأسف أقل فئة فيها بقت ب 110000 جنية ....
كل العربيات غليت اليومين دول عشان أرتفاع سعر الدولار و كل ما بتستنى كل ما العربيات ما بتغلى أكتر ....

[Ahmed Nasser]

صنى او اوبترا بس مفهومش فتحة سقف

[د.اشرف هنداوى]

جين 2 بدون شك: شبابية - ثابتة- فيها كل وسائل الأمان - شكلها جميل

و سيبك من فتحة السقف

[M I D O]

يا جماعة تولع فتحة السقف مش عاوزها المشكلة ان كل ما ابحث عن عربية الاقي ناس بتشتكي منها و فيها مشاكل انا عاوز عربية ميكونش فيها مشاكل خالص لاني لسة بدرس و مش عاوز وجع دماغ عاوز عربية تستحمل السفر و البهدلة كل يوم و طبعا وسائل الامان و الشكل و بس دة الي يهمني

[د.اشرف هنداوى]

ما فيش عربية مالهاش مشاكل ابدا

[seso100100]

نيسان صنى مانوال او اوتو فيها وسائل امان ٢ ايرباج و abs و ebd
من غير فتحة سقف

[amrelsha3er]

بص يامعلم مفيش عربيه من غير مشاكل بس فى مشاكل بسيطه ومشاكل كبيره
والزيرو عموما مشاكله بسيطه
انا ده تانى موضوع اقراه ليك هقولك ولك حريه الاختيار
الجين2 عربيه جميله موتور وسحب وثبات على السرعات ماشاء الله مفيش كلام وصاج قوى بس تقدر تستحمل شويه حاجات كده زى توافر قطع الغيار وندرتها بره شويه مقارنه بالكورى ومش فارق معاك سعر اعاده البيع متفكرش وهاتها
الصنى عربيه اعتماديه جدا قكع غيار موفره بنزين سعر اعاده ببيع بس انا مش بحبها وتقفيلها مصرى مش حلو لو يعجبك برضو ده هاتها
الايفو زى الجين2 بالظبط نفس العوامل ويمكن وكيلها احسن شويه من عز
نيو اكسنت حلوه بس صاجها ضعيف وخفيفه كثبات جين وافيو يكسبو طبعا سعر اعاده بيع كويس وكيل كويس برضو
عشان تختار من دول لازم تشوف انت نظام حياتك ايه ومقدرتك وسواقتك واللى يفرق اوى معاك واللى ميفرقش
واخيرا كل عربيه ليها ميزه وعيب
تحياتى

[M I D O]

بص يامعلم مفيش عربيه من غير مشاكل بس فى مشاكل بسيطه ومشاكل كبيره
والزيرو عموما مشاكله بسيطه
انا ده تانى موضوع اقراه ليك هقولك ولك حريه الاختيار
الجين2 عربيه جميله موتور وسحب وثبات على السرعات ماشاء الله مفيش كلام وصاج قوى بس تقدر تستحمل شويه حاجات كده زى توافر قطع الغيار وندرتها بره شويه مقارنه بالكورى ومش فارق معاك سعر اعاده البيع متفكرش وهاتها
الصنى عربيه اعتماديه جدا قكع غيار موفره بنزين سعر اعاده ببيع بس انا مش بحبها وتقفيلها مصرى مش حلو لو يعجبك برضو ده هاتها
الايفو زى الجين2 بالظبط نفس العوامل ويمكن وكيلها احسن شويه من عز
نيو اكسنت حلوه بس صاجها ضعيف وخفيفه كثبات جين وافيو يكسبو طبعا سعر اعاده بيع كويس وكيل كويس برضو
عشان تختار من دول لازم تشوف انت نظام حياتك ايه ومقدرتك وسواقتك واللى يفرق اوى معاك واللى ميفرقش
واخيرا كل عربيه ليها ميزه وعيب
تحياتى

شكرا علي الرد يا باشا بص انا اولا يهمني تكون قليلة المشاكل يعني لو فيها مشكلة متوقفنيش تتصلح بعدين عادي ومتعملش مشاكل و كمان ميهمنيش سعر اعادة البيع لاني مش هفكر ابيع قبل 5 سنين و يهمني تكون عربية صاجها قوي وسريعة وثابتة جدا لاني للاسف مبعرفش اسوق غير علي سرعات فعاوز عربية ثابتة لحد 160 كدة متعومش مني و كمان يكون فيها فرامل abs & ebd و ايرباج عشان الواحد يسوق وهوة مطمن شويةو طبعا يكون شكلها شبابي و موفرة في البنزين دة كل الي يهمني

[eng.m7md.ali]

عايز ثبات يبقى الجين2 من غير كلام بس انسى الصني عشان خفيفة اوي على الطريق ومش هتديك اللي انت عايزه .. بالنسبة للجين 2 معاك لحد ال 180 وغرز كمان

عايز وسائل الامان بردو الجين2 والصني معاها

اعتقد انت جايب عربيات مفيهاش اي نوع من انواع وسائل الامان زي الاوبترا والافيو والاكسنت

وكمان السيراتو اعتقد الفئة دي مفيهاس وسائل امان

شوف انت محتاج ايه وانزل جرب واركب وسوق وبعد كدة قرر براحتك بعد ماتصلي استخارة

[MIVEC.A92]

صني اكيد بس حاول تخليك في الجديدة عشان فرق استهلاك البنزين كبير.

[amrelsha3er]

شكرا علي الرد يا باشا بص انا اولا يهمني تكون قليلة المشاكل يعني لو فيها مشكلة متوقفنيش تتصلح بعدين عادي ومتعملش مشاكل و كمان ميهمنيش سعر اعادة البيع لاني مش هفكر ابيع قبل 5 سنين و يهمني تكون عربية صاجها قوي وسريعة وثابتة جدا لاني للاسف مبعرفش اسوق غير علي سرعات فعاوز عربية ثابتة لحد 160 كدة متعومش مني و كمان يكون فيها فرامل abs & ebd و ايرباج عشان الواحد يسوق وهوة مطمن شويةو طبعا يكون شكلها شبابي و موفرة في البنزين دة كل الي يهمني

جين2 ياريس او افيو الاتنين حلوين طالما تفكيرك كده يبقى توكل على الله واحجز 2013 جين2

[د.اشرف هنداوى]

جين 2 او صني اوايفو

-ملاحظة اعتقد توكيل عز العرب احسن شويتين من اوماترا

[M I D O]

شكرا جدا ليكم يا جماعة علي الرد طيب دلوقتي الجين 2 و البرسونا بيقولو انهم زي بعض بالظبط الفرق الوحيد البرسونا الشنطة اكبر بمعني اصح سيدان هل كدة ينطبق عليها برضو كل المواصفات الي قلتها من ثبات و قوة و كل حاجة ولا تفرق عن الجين 2 لاني مايل شوية للبرسونا لاني مبحبش العربيات الهاتشباك

[د.اشرف هنداوى]

ما فيش فرق غير الشنطة و اعتقد البرسونا فيها مثبت سرعة زيادة

الثبات واحد