نيسان صنى الجديده ولا رينو فلوينس

[limo81]

ببساطه ومن غير ما اطول عليكم , محتاج رأيكم

نيسان صنى الجديده ولا رينو فلوينس 2013

لأنى حاجز نيسان صنى 2013 من 3 شهور وشكلها مش جايه وكده كده انا ناوى اجيبها قسط تبع شركتى
فالزياده فى المقدم والقسط تعتبر بسيطه (بين الاتنين)

أفيدونا أفادكم الله

[fisha]

يعنى انا لو مكانك مش هحتار لان اكيد هختار فلوانس شكلها تحفة برا و جوا و هيا فئة اعلى من الصنى على ما اعتقد

[seso100100]

طيب ما تقول لنا انت حاجز مانوال و لا اتوماتيك و لو اشتريت الفلونس عايزها اى فئة ؟

[Hossam_hassan4]

فلونس فئه اعلي و المقارنه لا تصلح لو الفرق مش كبير اكيد فلونس من غير ما تفكر :) و شوف برضه الاسترا

[Land_Cruiser]

أيا كان اختيارك يا فندم لابد ان يكون عن اقتناع تام و مش اى حاجه متوفرة و خلاص لأنك هتدفع مبلغ كبير حتى لو كان تقسيط حضرتك هتدفعه برضه و معاه فوائد كمان فالأفضل تاخد الحاجه اللى مقتنع بيها. بص حضرتك العربيتين حلوين و ما شاء الله عليهم : اللى هتاخده من الفلوانس (بس خليك فى الفئه التانيه) تصميم شيك و تقفيل جيد و استهلاك بنزين معقول و عوامل الامان بتاعه الاوروبى و العربيه ما شاء الله منتشره أما اللى هتاخده من الصنى هو التوكيل و الثبات و الشنطه الواسعة لكن المشكله فيها فى الناحيه الجماليه فى شكلها خاصه من ورا و انا متوقع ان سعر اعاده البيع بتاع الصنى الجديده هيبقى ممتاز مع كل هذا العدد من الحجوزات . و برضه فى حل وسط انك تكلم تسأل عن الصنى الهاى لاين و تشوف نظام الحجز و الاستلام او تنتظر الصنى او تشوف الفلوانس بس هيبقى فى فرق سعر

[Hossam_hassan4]

أيا كان اختيارك يا فندم لابد ان يكون عن اقتناع تام و مش اى حاجه متوفرة و خلاص لأنك هتدفع مبلغ كبير حتى لو كان تقسيط حضرتك هتدفعه برضه و معاه فوائد كمان فالأفضل تاخد الحاجه اللى مقتنع بيها. بص حضرتك العربيتين حلوين و ما شاء الله عليهم : اللى هتاخده من الفلوانس (بس خليك فى الفئه التانيه) تصميم شيك و تقفيل جيد و استهلاك بنزين معقول و عوامل الامان بتاعه الاوروبى و العربيه ما شاء الله منتشره أما اللى هتاخده من الصنى هو التوكيل و الثبات و الشنطه الواسعة لكن المشكله فيها فى الناحيه الجماليه فى شكلها خاصه من ورا و انا متوقع ان سعر اعاده البيع بتاع الصنى الجديده هيبقى ممتاز مع كل هذا العدد من الحجوزات . و برضه فى حل وسط انك تكلم تسأل عن الصنى الهاى لاين و تشوف نظام الحجز و الاستلام او تنتظر الصنى او تشوف الفلوانس بس هيبقى فى فرق سعر

متاكد من نقطه الثبات دي :) ؟؟

[S O P H O S]

رينو كراي بصراحة ..

[Hosam_Optrawy]

فلوونس طبعا

المقارنة دى لا تجوز :)

[HOSSAM_GABRE]

الفرق بين الصنى الجديدة سوبر صالون اعلى فئة ( 112 الف ) , والفئة التانية فى الفلوانس ( الديناميك 142 الف ) = 30 الف جنية كاملين
لذلك لا يمكن المقارنة وخصوصا ان الفرق بين العربيتين فى الكماليات , الثبات , ضخم
اعتقد ان المفروض ان السؤال يكون بالصيغة التالية
هل الفرق بين الفلوانس تانى فئة والصنى اعلى فئة يستاهل فرق 30 الف جنية ؟ .

[limo81]

أولاً انا متشكر جداً على مشاركاتكم

طيب ما تقول لنا انت حاجز مانوال و لا اتوماتيك و لو اشتريت الفلونس عايزها اى فئة ؟

انا كنت حاجز الاوتوماتيك وبعد كده غيرت للسوبر صالون .... وبالنسبه للفلوانس هى اول فئه اوتو 132000 فيها الحاجات اللى انا عايزها

الفرق بين الصنى الجديدة سوبر صالون اعلى فئة ( 112 الف ) , والفئة التانية فى الفلوانس ( الديناميك 142 الف ) = 30 الف جنية كاملين
لذلك لا يمكن المقارنة وخصوصا ان الفرق بين العربيتين فى الكماليات , الثبات , ضخم
اعتقد ان المفروض ان السؤال يكون بالصيغة التالية
هل الفرق بين الفلوانس تانى فئة والصنى اعلى فئة يستاهل فرق 30 الف جنية ؟ .

سوبر صالون=112000 & فلوانس=132000 (فرق 20000 جنيه)
هى دى النقطه ...انا من الزهق والملل بتاع حجز العربيه من الوكيل كنت هجيبها من بره ب 117000 يعنى كده المسأله قربت من فئات تانيه خاااااالص
وانا الصراحه لما التمن زاد كده مستخسر ادفع المبلغ ده كله فى العربيه
انا كان عاجبنى فيها اول ما نزلت تمنها(100000) وفيه كل حاجه "safey"
بس دلوقتى ؟؟؟؟؟

[تامر.محمد]

الفلوينس بالتأكيد

[Land_Cruiser]

لو كانت ميزانيتك تسمح تجيب الفلوانس بس الفئه التانيه اللى هى ب ١٤٢ الف اكيد لا تتردد و هاتها إنما لو بتتكلم على الفئه الاولى اللى هى ب ١٣٢ الف فى فرق سعر جامد اعتقد انه كتير على الفرق ما بين العربيتين كامكانيات يعنى الفلوانس افضل لكن مش بكل الفرق ده على الفئه الأولى ففى الحاله دى ممكن الصنى الهاى لاين تبقى اوفر و تؤدى الغرض و اكيد ما تشتريش الصنى باوفر برايس لان دى فلوس مرميه فى الارض و افتكر الكلام ده كويس لو سمحت

[limo81]

بس انا قريت البروشور بتاع العربيه
الفئه الاولى فيها حاجات كتير كويسه....والا انت ايه رأيك

[Land_Cruiser]

بس انا قريت البروشور بتاع العربيه
الفئه الاولى فيها حاجات كتير كويسه....والا انت ايه رأيك

اانا ما قلتش عليها وحشه ولا حاجه بس فرق السعر كبير و الفروقات ما تستاهلش كل ده .مش 20 الف جنيه لكن الفًه التانيه تستاهل

[yalahwy2010]

طيب ما تفكر تشترى حاجة مستعملة استعمال خفيف.....وتكون الفئة التانية اوتوماتيك فى الفلوانس طبعا
مع احترامى للصنى.....ماينفعش تفكر تقارنها بالفلوانس
ورأى أغلب الأعضاء مظبوط بالنسبة لكماليات الفئة التانية اوتوماتيك.....لأنها فئة تمنها فيها....والكماليات اللى فيها ممتعمة وتحببك فى العربية
فا لو الفلوس الكاش مش متوفرة ولازم تجيب زيرو.....أنا لو منك...أزنق نفسى وأجيب الفلوانس الفئة التانية اوتوماتيك.....ولو الفلوس مش جاهزة ...ممكن حضرتك تستنى كام شهر وتكمل عللى اللى موجود...وتجيب الفلوانس......لأن بصراحة الواحد ما بيشتريش عربية كل سنة.....فا الموضوع محتاج صبر وتوخى الحذر
وبالتوفيق