حد يقارن لو سمحتم

[Mesho87]

انا معايا 50 الف اول عن اخر ومحتار بين 3 عربيات
لانسر كريستاله اوتوماتيك
فيرنا اوتوماتيك
فيرنا مانيوال
مع العلم انهم مختلفين فى سنوات الصنع
يعنى لانسر هتكون 98-99 بالكتير 2000
والفيرنا اوتوماتيك هتكون 2004-2005
انما الفيرنا مانيوال هتكون 2007-2008 واحتمال 2009
ياريت اللى عنده معلومه ميبخلش عليا اخوكم محتااااااااااار وآسف على الاطاله

[elpasha1]

بصراحة انا كنت فى الحيرة دى من كام شهر
واشتريت على اللانسر وكانت 98 كاملة اوتوماتيك
بصراحة بضرب نفسى بالجزمة بسبب قدم الموديل يعنى عربية هلكانة
و محدش بيبيع لانسر كرستالة99- 02 او ارنبة 97- 98 الا لما يكون خلص عليها لعده اسباب منها عربية يابانى - تكييف تلاجة- واسعة - قطع غيار عند البقال - بنزين 80 شغال 90 شغال برضة - ثبات بمعنى كلمة ثبات - صيانة سهلة- فتيس اوتو من اسهل ما يكن فى صيانتة
المشكلة ان العربية كانت عيوبها مستخبية ولاشيخ الصنيعية يعرف يجيبها صرفت وبعدين قرفت منها وبعتها بخسارة طبعا
انا راي الشخصى خليك فى الفيرنا االمانيول لانها هتكون مش اقل من 2008
والراى رايك فى الاخر



ملحوظة انا بعد اللانسر قررت اركب يابانى وبالفعل ركبت نيسان صنى 2003 كاملة اوتو ممتازة

[Mesho87]

بصراحة انا كنت فى الحيرة دى من كام شهر
واشتريت على اللانسر وكانت 98 كاملة اوتوماتيك
بصراحة بضرب نفسى بالجزمة بسبب قدم الموديل يعنى عربية هلكانة
و محدش بيبيع لانسر كرستالة99- 02 او ارنبة 97- 98 الا لما يكون خلص عليها لعده اسباب منها عربية يابانى - تكييف تلاجة- واسعة - قطع غيار عند البقال - بنزين 80 شغال 90 شغال برضة - ثبات بمعنى كلمة ثبات - صيانة سهلة- فتيس اوتو من اسهل ما يكن فى صيانتة
المشكلة ان العربية كانت عيوبها مستخبية ولاشيخ الصنيعية يعرف يجيبها صرفت وبعدين قرفت منها وبعتها بخسارة طبعا
انا راي الشخصى خليك فى الفيرنا االمانيول لانها هتكون مش اقل من 2008
والراى رايك فى الاخر



ملحوظة انا بعد اللانسر قررت اركب يابانى وبالفعل ركبت نيسان صنى 2003 كاملة اوتو ممتازة

مشكور على ردك ياباشا وانا فعلا ميال اكتر لفيرنا مانيوال لأن موديلها قريب بس خايف من ضعف العربيه من ناحية البدى بتاعها وكمان فراملها وعشان كده دخلت الكرستاله فى المقارنه على اعتبار قرب السعر طبعا انا نفسى حد يضحك عليا ويقولى ان الفيرنا ناشفه

[S O P H O S]

فيرنا مانيوال
او لانوس
والله اعلم ..

[elpasha1]

مشكور على ردك ياباشا وانا فعلا ميال اكتر لفيرنا مانيوال لأن موديلها قريب بس خايف من ضعف العربيه من ناحية البدى بتاعها وكمان فراملها وعشان كده دخلت الكرستاله فى المقارنه على اعتبار قرب السعر طبعا انا نفسى حد يضحك عليا ويقولى ان الفيرنا ناشفه

الكرستالة برضه صاجها ضعيف
الفيرنا ناشفة

[Mesho87]

فيرنا مانيوال
او لانوس
والله اعلم ..

مشكور s o p h o s بس الله يباركلك متوسعش المقارنه منى وتدخلى عربيات تانيه هم 3 عربيات وبختار منهم ومحتار كمان تخليهم اربعه ( انا بضحك معاك طبعا عشان متفهمش الرد غلط )
ومتشكر جدا على ردك ياجميل

[Mesho87]

الكرستالة برضه صاجها ضعيف
الفيرنا ناشفة

لو فعلا زى مابتقول الكريستاله صاجها ضعيف يبقا نخرجها من المقارنه عشان موديل قديم بس انا برضو لسه محتار لأنى من جوايا حاسس ان الفيرنا صاجها مش صاج اصلا ولو لاقدر الله جبتها وواحد ابن حلال خبطلى الرفرف هبقا مضطر اغيره لأن مهما كانت الخبطه انا حاسس انها مش هتستحملها

[elpasha1]

استاذ ميشو
اعربيات مصر كلها صاجها ضعيف لو عاوز تركب حاجة صاجها قوى يبقى خليك فى اللادا او الشاهين
حاجة تانية : العربيات بتتخبط وهى واقفة فمش فارقة فى صاج بقى

[Mesho87]

استاذ ميشو
اعربيات مصر كلها صاجها ضعيف لو عاوز تركب حاجة صاجها قوى يبقى خليك فى اللادا او الشاهين
حاجة تانية : العربيات بتتخبط وهى واقفة فمش فارقة فى صاج بقى

ياباشا طول بالك عليا شوية انااول مره اشترى والمبلغ اللى معايا زى ماتقول كده تحويشة العمر فخايف احطه فعربيه وافضل اصرف عليها بعد كده كمان وانت كان رأيك فيرنا مانيوال عشان هتكون جديده شويه وانا مقتنع جدا بالفكره دى بس عندى ميول للأوتوماتيك وانت راجل راكب اوتوماتيك وفاهم وان شوارعنا بقت محتاجه اوتوماتيك معلش استحملنى بس لأنى فعلا محتار جدا جدا ومش عارف اخد قرار

[elpasha1]

ياباشا طول بالك عليا شوية انااول مره اشترى والمبلغ اللى معايا زى ماتقول كده تحويشة العمر فخايف احطه فعربيه وافضل اصرف عليها بعد كده كمان وانت كان رأيك فيرنا مانيوال عشان هتكون جديده شويه وانا مقتنع جدا بالفكره دى بس عندى ميول للأوتوماتيك وانت راجل راكب اوتوماتيك وفاهم وان شوارعنا بقت محتاجه اوتوماتيك معلش استحملنى بس لأنى فعلا محتار جدا جدا ومش عارف اخد قرار

انا ماقصدش
طيب ما تزود شوية وتجيب نيسان 2002- 2004 وبتكون فى حدود من 55000 الى 58000
يابانى 100/100 - صاج قوى - 1300 cc
زى اللى معايا

[Mesho87]

انا ماقصدش
طيب ما تزود شوية وتجيب نيسان 2002- 2004 وبتكون فى حدود من 55000 الى 58000
يابانى 100/100 - صاج قوى - 1300 cc
زى اللى معايا

ياريت كنت اقدر والله ياباشا بس مفيش المهم انت ايه رأيك فى هوندا 93 او بولو 2001 انا معروض على العربيتين دول وفى نفس رنج الاربيعينات اللى معايا اصل انا فى ناس كتيييير خوفتنى من الفيرنا عشان الثبات بتعاها وانها عربيه خفيفه

[amrelsha3er]

ياباشا بلاش فيرنا بجد
هوندا سيفيك si موديل93 او 94 تكييف وازاز كهرباء وفتحه سقف بس متكونش متهانه
عربيه شبابيه وليها سوق لحد انهارده وفى ناس دكاتره شغالين فيها فى كزا حته
وبيليق فيها كل حاجه
بولو 2000 او 2002 برضو حلوه بس يعيبها صغرها مش اكتر وعربيه موفره جدا ف البنزين وبتجرى برضو مش وحشه
صلى استخاره على الاتنين دول وتابع على كونتاكت وشوف حاجه نضيفه مش ملعوب فيها هوندا واتفرج برضو على البولو واللى ربنا ييسرهولك هيبقى قدرك
تحياتى

[a7medsh3rawi]

حضرتك اول اختياراتك لانسر اتوكل على الله وصلى استخاره لانها عربيه كفاءه وموتور وعفشه وبودى وثبات ماشاء الله عليها انما الفيرنا مش عربيه اصلا ودايما بتعمل حوادث وممكن تروح سوق السيارات يوم الجمعه فى مدينة نصر وفى نفس المكان يوم الاحد ودور على واحده مش ماشيه كتير وفابريكه برا وجوه وربنا يكرمك ان شاء الله.

[ahmed legend]

حضرتك اول اختياراتك لانسر اتوكل على الله وصلى استخاره لانها عربيه كفاءه وموتور وعفشه وبودى وثبات ماشاء الله عليها انما الفيرنا مش عربيه اصلا ودايما بتعمل حوادث وممكن تروح سوق السيارات يوم الجمعه فى مدينة نصر وفى نفس المكان يوم الاحد ودور على واحده مش ماشيه كتير وفابريكه برا وجوه وربنا يكرمك ان شاء الله.

+111

[Mesho87]

ياجماعه والله كتر الف خيركم
بس بالنسبه لقطع الغيار والميكانيكيه اللى بيفهموا فى الهوندا او البولو اسأل فين انا بجد مجتاج مساعده من احلى واجمد اعضاء
وبالنسبه للانسر لسه مش عارف لأن مفيش حاجه كويسه وقعت اقدامى لحد دلوقتى كله كان متهان مش اوى بس متهان مش اللى هى يعنى وادينى لسه بفكر وبجمع معلومات