داستر ولا كارينز

[mm_nader]

السلام عليكم
اخواني واخواتي اعضاء هذا المنتدى الرائع اولا انا اوجه الشكر لكل اعضاء المنتدى على الكم الهائل من المعلومات اللي خلاني بصراحه عندي خبره كبيره جدا بالسيارات بعد ما كان سهل جدا يتضحك عليا
المهم انا عاوز حد يقولي اجيب كيا كارينز ولا رينو داستر انا بصراحه ميال شويه للرينو علشان سمعتها بس هي مش اوتوماتيك وانا كان معايا لانسر قرش اوتوماتيك وبرضه عاجباني الكارينز لاني محتاج عربيه عائليه واسعه تشيل كويس مع العلم ان انا مش بتاع غرو ولا سحب ولا كلام من ده بس بسافر كتير
واسف للاطاله

[محمد بدر]

بدون تردد ومش هتندم
تملك السيارة العائلية الأولى فى مصر
واسائل مجرب
الكاريــــــــــــــــــــــــــــــــــــــنز

[Land_Cruiser]

العربيتين حلوين بس حسب احتياجاتك تقدر تحدد أيهما انسب لك : لو أتكلمنا عن الداستر فهى ما شاء الله عاليه عن الارض وواسعه و ثابته على الارض و استهلاكها للبنزين معقول و تكييفها حلو بس فى بعض الحاجات فيها محتاجه تعود على أماكنها زى الكلاكس مثلا لانه فى دراع الاشاره و كمان أماكن ازرار الشباك لان اللى قدام فى التابلوه و بتاع اللى ورا فى الخلف .العيب فى الداستر انها مانيوال و سعر اعاده البيع بتاعها مش حلو بينما العيب فى الكارينز انها الموديل القادم منها هينزل جيل جديد مختلف تماماً فى الشكل و السعر كمان و نقطه تانيه ان موتورها ضعيف شويه على بودى العربيه. الداستر زى ما حضرتك عارف فى منها جر رباعى و فى منها عادى و نسخه الجر الرباعى فتيسها ٦ نقلات . هى المقارنه صعبه شويه بس كملخص لو بتدور على عربيه فيها الانتشار و سعر اعاده البيع و اسعار قطع الغيار و التصليح بره التوكيل مع اعتبار ان حكايه الشكل الجديد دى مش هتضايقك يبقى كارينز لكن لو الموضوع بتاع سعر اعاده البيع و المانيوال تحديدا مش هتضايقك يبقى الداستر النسخة الجر الرباعى تبقى اختيار ممتاز فى عربيه عفشتها ممتازه تستحمل البهدله (عفشه الاكس تريل) و فيها وسائل الامان و عاليه عن الارض و لو بتتكلم عن الداستر الدفع الثنائى قدام الكارينز يبقى الكارينز افضل

[Sehsss]

خد بالك إن الكارينز شكلها هايتغير السنة القادمة

[S O P H O S]

كارينز
مجرد راي ..

[mohamed_selim]

العربيتين حلوين بس حسب احتياجاتك تقدر تحدد أيهما انسب لك : لو أتكلمنا عن الداستر فهى ما شاء الله عاليه عن الارض وواسعه و ثابته على الارض و استهلاكها للبنزين معقول و تكييفها حلو بس فى بعض الحاجات فيها محتاجه تعود على أماكنها زى الكلاكس مثلا لانه فى دراع الاشاره و كمان أماكن ازرار الشباك لان اللى قدام فى التابلوه و بتاع اللى ورا فى الخلف .العيب فى الداستر انها مانيوال و سعر اعاده البيع بتاعها مش حلو بينما العيب فى الكارينز انها الموديل القادم منها هينزل جيل جديد مختلف تماماً فى الشكل و السعر كمان و نقطه تانيه ان موتورها ضعيف شويه على بودى العربيه. الداستر زى ما حضرتك عارف فى منها جر رباعى و فى منها عادى و نسخه الجر الرباعى فتيسها ٦ نقلات . هى المقارنه صعبه شويه بس كملخص لو بتدور على عربيه فيها الانتشار و سعر اعاده البيع و اسعار قطع الغيار و التصليح بره التوكيل مع اعتبار ان حكايه الشكل الجديد دى مش هتضايقك يبقى كارينز لكن لو الموضوع بتاع سعر اعاده البيع و المانيوال تحديدا مش هتضايقك يبقى الداستر النسخة الجر الرباعى تبقى اختيار ممتاز فى عربيه عفشتها ممتازه تستحمل البهدله (عفشه الاكس تريل) و فيها وسائل الامان و عاليه عن الارض و لو بتتكلم عن الداستر الدفع الثنائى قدام الكارينز يبقى الكارينز افضل

مع تحيزى للكارينز و لو انت عارف حدودها هتحس انها ممتازه ( حدودها نها مش بتاعة غرز من الثبات و تقيله سنه فى الطلعه .... و ماظنش ان الداستر هتفرق كتير غير لو فى فرق فى الوزن) بس المقارنه اللى فوق دى موضوعيه تماما

بس ارجع و اقولك لو رجع بى الزمن هجيب كارينز برضه :)

[AHMED REFAT]

انت حددت فى اختيارك انك عايز عربية عائلية .. يبقى الكاربنز وتوكل على الله ..
مع مراعاة شوية حاجات كده للافااادة ... الكارينز عربية كورى قطع غيارها معروفة ومحددة القيمة وكل الناس عرفاها وموجودةجوه التوكيل وخارجه وبكثرة لكثرة انتشار العربية نفسها .. سعر اعادة لبيع حلو .. كماليتها حلوة بالنسبة ليها وانصحك بالهاى لاين .. انا كنت جايبها خليجة 2011 عربية ممتازة .. يعيبها حاجتين بكل امانة .. العربية بطيئة فى الطلعة وسحبها وحش جدا مع التكييف والتحميل .. وبتاكل بنزين لان موتورها ضعيف عليها ... لو عايز تطلع من الموضوع ده يبقى استنى الشكل الجديد ها يكون اصغر حجما ومتوقع ان يكون فيها الموتور gdi ال 140 حصان هاتبقى حلوة .. بس سعرها هايكون اغلى طبعا ... الهاى لاين دلوقتى ب 140 الف على ما اعتقد اللى ها تنزل اول شريحة منها ها تكون فى حتة ال 140 الف .
اما الداستر فعربية ما زال انتشارها قليل جدا ..وقطع غيار الرينو غالى .. وفيعهموديلات عليك وعلى التوكيل ومش منوفرة اوى فى السوق .. وسعر اعادة بيعها وحشة قوى .. وعربية مانيوال وما ادراك مثلا لو على المحور ولا على كوبرى اكتوبر ها تروح بيتك مش قادر تمشى على رجليك الشمال ..بلاش
لو عايز اى سؤال عن الكاربنز الحالى انا تحت امرك عن اى معلومة انا هافيدك فيها كويس
وربنا يوفقك الى ما فيه الخير لك

[amrelsha3er]

انا شوفت العربيتين واتفرجت اكتر على الداستر بصاحه عربيه ركوبه هو فعلا انا من راى لاند كروزو هو بس سعر اعاده البيع والسوق لصالح الكارينز انما غير كده يبقى داستر طبعا عربيه واسعه من جوا شنطتها بحر
عفشه بتاعتها زى الاكس تريل يعنى يابانى موتورها قوى الناس شايفه موضوع الكلكس وزراير الازاز ده عيب انا مش شايفه عيب هو الفرنساوى كده وعلى فكره العربيه دى مش متجمعه فى المغرب لا دى مواصفات اوروبى متجمعه فى رومانيا هى هى اللى فى بعض دول اوروبا ماعد اللى بتنزل امريكا وكندا اوبشن مختلف شويه عن مصر واوروبا شكلها اجمل وافخم من الكارينز ولو هتجيب ال 4×4 احسن كمان
اراى الشخصى الداستر

[ayman1204]

الداستر ان شاء الله
انت بتكلم فى عربية 4×4
على عفشة يابانى وركوبة فرنساوى ..... تقفيل رومانى
الكلام مختلف يا بيه عن الكورى تماما

[amrelsha3er]

الداستر ان شاء الله
انت بتكلم فى عربية 4×4
على عفشة يابانى وركوبة فرنساوى ..... تقفيل رومانى
الكلام مختلف يا بيه عن الكورى تماما

+111111

[amrelsha3er]

ياباشا انت هتنزل من يابانى هتركب كورى ولا فرنساوى؟!!! بصرف النظر عن الماركات :)

[Ahmed_Adham]

الداستر ان شاء الله
انت بتكلم فى عربية 4×4
على عفشة يابانى وركوبة فرنساوى ..... تقفيل رومانى
الكلام مختلف يا بيه عن الكورى تماما

ياباشا انت هتنزل من يابانى هتركب كورى ولا فرنساوى؟!!! بصرف النظر عن الماركات :)

كلامكو معقول بس حد عاقل يركب عربيه مانيوال 6 سرعات في زحمه مصر؟ ده انا بالاتوماتيك رجلي بتفأفأ

[wael30003]

يبقى الداستر النسخة الجر الرباعى تبقى اختيار ممتاز فى عربيه عفشتها ممتازه تستحمل البهدله (عفشه الاكس تريل) و فيها وسائل الامان و عاليه عن الارض

من لك بمعلومة ان العفشة بتاعتها عفشة الاكس تريل

- معروف ان العربية سعرها معدى -

- دى نيسان - يعنى يابانى اللى جاب اليابنى للفرنساوى

ارجو التوضيح فقط

وشكرا

[wael30003]

على فكرة يا جماعة انا معجب جدا بالداستر

من حوالى 10 ايام كنت فى التجمع الخامس قريب من سكنى

دخلت down town فى جوة مركز وجيه اباظة معرض سيارات

فى كل الماركات اللى تحبها

انا سبت كله ورحت للداستر

ودخلتها وركبتها

نفس شكل اللوجان من جوه

بس اوسع بكتير رغم ان اللوجان واسعة

4×4

عاليه عن الارض

بصراحة وهو الاهم فى عندى ميزتين

اولا العفشة تستحمل طرق مصر لان نصف طرق مصر كانك ماشى على مدقات بدون مبالغة وانا شايف انا لازم اركب عربية تستحمل الطرق الوعرة فعلا وعرة جدا

ثانيا بتحمى اللى جواها غالبا مش هتلاقى ميكروباص يدخل فيك بغباء ...هيكون ليك هيبة شوية مستواك فى الارتفاع فى نفس مستواه

ولو لا قدر الله حصل حادثة بتحمى ينسبة اعلى من الملاكى العادى

[Land_Cruiser]

من لك بمعلومة ان العفشة بتاعتها عفشة الاكس تريل

- معروف ان العربية سعرها معدى -

- دى نيسان - يعنى يابانى اللى جاب اليابنى للفرنساوى

ارجو التوضيح فقط

وشكرا

افهم حضرتك. فيه تحالف عالمى و شراكه دوليه بين. رينو و نيسان و بمقتضاها رينو بتستعير حاجات من نيسان و ممكن العكس عادى و ده زى الرينو السكالا اللى هى هى النيسان صنى بالضبط و معلومه مؤكده ان عفشه الداستر الجر الرباعى هى بتاعه الاكس تريل . هو الموضوع مش محتاج انه يكون فى شراكه على فكره لان ممكن اى شركه تشترى نظام تعليق او موتور من شركه تانيه و تستخدمه زى ما بعض الشركات الصينى ما بتشترى مواتير و فتيسات من ميتسوبيشى و الموضوع ده شائع و اللى انا متأكد منه ان النسخة الجر الرباعى من الداستر عفشه اكس تريل من اولها لاخرها