إعـــــــلان

Collapse

.

,
See more
See less

6 شهور جنان على الاقل للى بينوى يشترى عربيه جديد او مستعمل

Collapse
X
 
  • Filter
  • الوقت
  • Show
Clear All
new posts

  • 6 شهور جنان على الاقل للى بينوى يشترى عربيه جديد او مستعمل

    شغل جنان فعلا, اللى نوى انه يشترى عربيه بيجيلوا هسس فى نفوخه على الاقل 6 شهور, سواء هيجيب عربيه جديده او مستعمله.


    كل واحد فكر يجيب عربيه مثلا بـ 30 الف وياخد اونو ولا حاجه فى نفس المستوى يقولك طيب ما ازد واخش لـ 40 الف واخد لانوس مغرقه الدنيا وقطع الغيار (كالعاده الشعب بيقلد فى كل حاجه, واحيانا بتبقى ميزه), شويه تسحب معاه على الجديد ولو تقسيط ويروح داخل على الحاجات ام 60 الف, يلاقي مشاكل يقولك طيب ما اخد مستعمل نضيف بنفس المبلغ ويبقى كده وصل بالسلامه لمودلات الالفين مستريح, يلاقى الدنيا مش مظبوطه والناس بتلبس فى المستعمل وكلام عن قطع الغيار وقرف التوكيلات ويبقى خايف, يرجع للجديد بس يخش على 90 و100 الف, وتبقى عنيه على ام 130 الف, ويفكر يجيبها مستعمل, وهكذا القصه لحد ما يجيلوا نصيبوا وخلاص. دى قصه حقيقيه مش من نسج الخيال على فكره.

    انا هقول قصتى ببساطه شديده لان النفوخ قرب يضرب
    اولا انا معجب بالعربيه البروتون البيرسونا, كامكانيات وسعر وكمان تنفع لعيله يعنى مش صغيره, بس القرف والهبل اللى الناس بتشوفه مع التوكيل والعربيه نفسها احيانا حاجه تتعب الواحد نفسيا, وكنت ناوى اجيبها جديده ان شاء الله
    المهم قررت انى ابعد شويه عنها وافكر فى خيارات تانيه واضغط الميزانيه كمان عشان مزعلش عليها لما تتبهدل, وانا مليش فى القسط, المهم نزلت مصر اجازه عجبتنى الماتركس واكتشفت ان الشعب كله معجب بيها ومغرقه الدنيا مش مشكله المهم انها كويسه, وبعدين شوفتها معجبتنيش الكنبه اللى ورا ضيقه, العربيه كبيره من بره او عاليه بمعنى اصح لكنها صغيره ورا وكمان واطيه على الارض جدا, يعنى نفرين وزن تقيل يركبوا ورا والعربيه تزحف جنب اخوتها زى اللانوس, وبصراحه عنيا على الكارينز ومغرقه الدنيا بردوا طبعا وهى كويسه وعاليه على الارض نسبيا.

    المهم فى يوم عديت جنب معرض فى كوبرى القبه ولقيت حبى القديم البرسونا, حبيت اسأل عليها بغرض الفضول مش اكتر, لقيتها جديده مش مستعمله وسعرها 96 الف, المهم قولت ابوص عليها فضولا بردوا وانا بتفرج عليها كان جنبها سيراتو 2010 بحوالى 95 الف, جميله طبعا من بره ومن جوه (انا بتكلم على الشكل العام مش حاله العربيه) بس طبعا العربيه ضربت الرقم القياسى فى عدد السرقات, ومش ثابته على الطريق حسب معلوماتى لانى مركبتهاش (عشان محدش يزعل منى ), كل ده بقى مش مهم المهم وانا بتفرج على السيراتو لقيت عربيه تالته واقفه اسد جنبهم كدا, فولكس باسات, بقوله تبعك, قالى اه 71 الف موديل 2000 وعداد 140 الف, بصراحه وقفت ابوص ليها اكنى اول مره اشوف الباسات لانى كنت بقارنها باللى جنبها موديلات 2010 و2012, مع انها شكل قديم وطلع بعدها شكلين جداد تقريبا ولا حاجه, وساعتها افتكرت ان فى شركات كده سابقه الدنيا, مرسيدس, بى ام, وفولكس وغيرهم, يعنى مثلا تلاقى البى ام فيها abs من قرن فات والناس دلوقت بتشترى العربيات 2012 وabs اوبشن فيها جنان يعنى, غير انهم سابقين فى التصميم بتاع العربيه نفسه وشكلها الجمالى والفخامه بتاعتها.

    المهم قررت اعمل لفه على عربيات من نفس الوضع مستعمل, قبل ما اكمل محدش يقولى انت بتقارن بين فئات مختلفه وسنين تصنيع مختلفه, وقطع غيار قليله او اغلى, انا عارف وكل حاجه وليها عيوب ومميزات, انا بدور على عربيه عائليه وعاليه على الارض لان اللى بيحصل فى الشوارع جنان مش طبيعى وطبعا بسعر معين. المهم لقيت اتنين من المانيا واتنين من فرنسا
    طبعا الفولكس الباسات ماشى معاك السعر حلاوه لحد 2002 مثلا وبعدين يضرب فجأه, قولت لا انا عاوز سعر وكمان سنه تصنيع.
    نروح على سكودا A4, مع انى مش حابب شكلها (ازواق محدش يزعل) بس جامده طبعا بشكل عام, المهم هتلاقى السعر حلاوه لحد 2004 او 2005 ودى اقل عربيه سمعت مشاكل عنها من اصحابها, طبعا انا بتكلم على مشاكل عربيه مش توكيل او قطع غيار غاليه وكده.
    قولت نكمل ونشوف بقيت الحبايب, روحت على الفرنساوى لقيت الرينو الميجان, هتكلم على موديل 2008 بس, عشان عشان ابقى بعدت عن المشاكل بتاعتها اللى فى النسخ القديمه خصوصا مشكله الفتيس بتاعه 2005 والنسخه بتاعه 2008 تقريبا مسمعتش ليها مشاكل, وكنت شوفت اختها الاحدث الفلوانس وركبتها, تحفه فنيه طبعا, بس بردوا العربيه اكبر مشكله فيها الصيانه صعبه ومشاكلها قاتله, بمعنى انها توقف العربيه فورا مش تمشى حتى وتستر شويه لحد ماربنا يفكها علينا بحد يصلحها, مع انى كنت معجب بالفلوانس وكنت ناوى عليها جديد كمان النسخه اللى تحت الهاى لاين عشان مش بحب الدلع الزياده .
    المهم سيبت الرينو ورحت لقرايبهم فى بيجو, لقيت 307 موديل 2008 عشان شكل جديد مع ان الاقدم تحفه, بس اهو السعر ماشى معانا حلاوه فى نفس الكلام بتاع اخواتها اللى فاتوا, وكمان كان فى مشاكل فى الدينامو الدينامو فى النسخ الاقدم واتحل او قل بعد كده.

    فى عربيه كمان بس انا استبعدتها وهى الفورد فوكاس, ودى ركبتها بتاع سنه وكانت موديل 2006, وبصراحه العربيه حماله قسيه وبهدلتها ومقالتش لا, وكنت بسافر بيها اكتر من الف كم مع توقف مرتين كل مره بتاع ربع ساعه ومشتكتش ماشاء الله بس العربيه مصر شبه منعدمه, مع انى اعرف ناس معاهم الفوكاس بس مسألتش على وضعها لان مشوفتها فى شهر كامل غير مره واحده او اتنين بس فى الشوارع.
    كل دول بيتكلموا من 70 الف مثلا الى 85 الف وحسب الحاله اكيد

    السؤال بقى اللى بيطرح نفسه, لو مكانى تعمل ايه؟
    وهل ممكن تجيب واحده من دول ولا ايه وليه؟


    انا ناوى اشترى خلال شهور قليله, ان شاء الله لما انزل مصر تانى....

  • #2
    والله انا فى نفس موقفك تماما مع اختلافات بسيطه
    بس فى راى الشخصى وفى حدود 85 الف تقدر تجيب كورولا 2004 او 5 زى الفل
    عائليه شنطه صالون فخامه سحب اقتصاديه قطع غيار صنايعيه توكيل عاليه عن الارض بياعه تكييف وتابلوه واهم حاجه اقتصاديه فى ظل ظروف البنزين اللى هيغلى فى مصر ده
    انا برشحها لان كان معايا 2006
    ان الله لا يغير ما بقوم حتى يغيروا ما بأنفسهم

    Comment


    • #3
      نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

      مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى
      [img3]http://s11.postimg.org/5u651o4eb/bsmlhe41104899dnj0zx5.gif[/img3]

      Comment


      • #4
        سوق المستعمل ده واسع اوي :) و الاختيارات كتيره و الفروق في الفلوس طفيفه خاصه في الفئه دي بس انا رايي تجيب حاجه مش ماشيه كتير يعني مثلا فلونس ماشيه بتاع 20000 او 30000. مازدا 3 ماعتقدش مثلا ان فلونس تفرق كتير عن فانتازيا جديده صح ليه تقارنها بa4 موديل 2004 !!!

        Comment


        • #5
          المشاركة الأصلية كتبت بواسطة Mohamed.Ramah مشاهدة المشاركة
          نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

          مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى
          +1

          Comment


          • #6
            السلام عليكم
            اولا مينفعش مقارنه بين الزيرو واي عربيه مستعمله خالص
            رايي الفوكاس انا اتوهمت بالعربيه وكنت فاكر ان قطع غيارها عليا لكن اكتشفت انها زي اللانسر كدا والعربيه تحفه وتقدر تجيب حاله كويسه لانها ملهاش سوق والوكيل الجديد عامل شغل حلو
            التويوتا خصوصا الشكل بتاع 2005 سعرو مبالغ فيه جدا في مصر عشان محبوب اللانسر احسن ممكن تجيب حاله و موديل اعلى
            الاوكتافيا a4 كويسه جدا بس مجربتهاش بس منتشره جدا وقطع غيارها كتير

            Comment


            • #7
              انا لما لفيت لفتك دي جبت ميجان
              ما كانش الباسات ظهر قدامي فما فكرتش فيها , لكن اظن كنت هاخاف من قطع الغيار
              فكرت في بي ام 316 اول الالفينات , و برده خفت من قطع الغيار

              الميجان انا شايفها متوسط لكل دول لو اعادة البيع مش فافلة معاك اوي , عربية لو صنتها كويس هاتصونك زي ما قالوا لي, ممكن يبقى لها شوية وجع دماغ لكن انا عادي اني اهتم بيها , و رفاهيتها و فخامتها و كمالياتها وثباتها محترمين جدا

              دي خلاصة حسبتي
              ما زغللش عيني اي عربية و انا راكب الميجان الا السيفيك 2010 , كان قدامي بنفس المبلغ ادور على سيفيك 2007 basic , و لقيت الميجان بالنسبة لي افضل عشان الكماليات و الموديل (2010) و الكيلومتر
              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

              [sor2]http://imageshack.us/a/img838/2058/8l0n.jpg[/sor2]

              Comment


              • #8
                انا برضو فى حيرتك وكنت معجب باخت البيرسونا (جين2) بس محصلش نصيب فيها مع انى بجيب زيرو
                بص لو حضرتك هتجيب مستعمل فى رنح الاسعار دى
                انا شايف الانسر البومه 2008 او 2009 1600سى سى عربيه اعتماديه ومفهاش مشاكل وبتاعه سفر وبتاعه شغل
                وكل حاجه وقطع غيارها فى اى حته
                ده احسن ليك من الجديد ولا قسط ولا بنك ولا وجع قلب وعربيه فلوسها فيها يعنى ممكن تبيع متخسرش
                صلى استخاره وسيبها على ربنا واسعى :)
                [FONT=Comic Sans MS]elsha3er[/FONT]

                Comment


                • #9
                  ربنا معاك

                  Comment


                  • #10
                    المشاركة الأصلية كتبت بواسطة Mohyeldin1974 مشاهدة المشاركة
                    والله انا فى نفس موقفك تماما مع اختلافات بسيطه
                    بس فى راى الشخصى وفى حدود 85 الف تقدر تجيب كورولا 2004 او 5 زى الفل
                    عائليه شنطه صالون فخامه سحب اقتصاديه قطع غيار صنايعيه توكيل عاليه عن الارض بياعه تكييف وتابلوه واهم حاجه اقتصاديه فى ظل ظروف البنزين اللى هيغلى فى مصر ده
                    انا برشحها لان كان معايا 2006
                    الكرولا حلوه طبعا لكنها مش واسعه لما جربتها, وغاليه عشان تويوتا, وبقيت كلام حضرتك موافقك تماما, بس الكرولا مش فى دماغى

                    المشاركة الأصلية كتبت بواسطة Mohamed.Ramah مشاهدة المشاركة
                    نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

                    مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى
                    كلام حضرتك مظبوط, بس انا نويت اضغط السعر, ومقدرش على القسط مش بعرف انام وعليا فلوس (ربنا يسد ما علينا كلنا), غير قصص الفوائد والربا وبحس بان قسط العربيات نصب عالى جدااا, عشان كده انا ملتزم بالمبلغ ده

                    المشاركة الأصلية كتبت بواسطة Hossam_hassan4 مشاهدة المشاركة
                    سوق المستعمل ده واسع اوي :) و الاختيارات كتيره و الفروق في الفلوس طفيفه خاصه في الفئه دي بس انا رايي تجيب حاجه مش ماشيه كتير يعني مثلا فلونس ماشيه بتاع 20000 او 30000. مازدا 3 ماعتقدش مثلا ان فلونس تفرق كتير عن فانتازيا جديده صح ليه تقارنها بa4 موديل 2004 !!!
                    المستعمل والجديد كمان بقى سوقهم واسع مع دخول العربيات الصينى كمان, والفلوانس بالمواصفات دى مش هتقل عن 100 الف, انا بقارن بحاجتين انا ملتزم بيهم, السعر وعائليه, مع وضع الاحدث والافخم فى الاعتبار واكيد الحاله :)

                    المشاركة الأصلية كتبت بواسطة mohmdabdo مشاهدة المشاركة
                    السلام عليكم
                    اولا مينفعش مقارنه بين الزيرو واي عربيه مستعمله خالص
                    رايي الفوكاس انا اتوهمت بالعربيه وكنت فاكر ان قطع غيارها عليا لكن اكتشفت انها زي اللانسر كدا والعربيه تحفه وتقدر تجيب حاله كويسه لانها ملهاش سوق والوكيل الجديد عامل شغل حلو
                    التويوتا خصوصا الشكل بتاع 2005 سعرو مبالغ فيه جدا في مصر عشان محبوب اللانسر احسن ممكن تجيب حاله و موديل اعلى
                    الاوكتافيا a4 كويسه جدا بس مجربتهاش بس منتشره جدا وقطع غيارها كتير
                    انا مقارنتش جديد بمستعمل بس انا قولت التدرج الطبيعى للكائن المصرى وهو بيشترى عربيه وهو بينتقل من مستوى لمستوى عشان يجيب عربيه زى اى كائن تانى :)
                    وموضوع مقارنه الجديد بالمستعمل بقت وارده جدا الايام دى, يعنى مثلا تجيب العربيات اللى انا قولت عليها (العربيات دى اتوماتيك وياما اعلى فئه او اللى تحتها يعنى مش Basic) ولا تجيب اسبرانزا A11, انا عارف ان الفرق كبير بين الاتنين , بس السعر واحد وده المبلغ اللى معاك هتعمل ايه؟, فكر كده وهتلاقى نفسك محتار

                    اما الفوكاس فهى قليله جداا فى مصر وهتلاقى ناس مسمعتش عنها اصلا مع انها عن تجربه تحفه, اما اللانسر البوما فدى من العربيات اللى بحترمها جدا وقعدت معايا فتره وحاطتها اختيار اخير لو زهقت من البحث, بس انا بصراحه عايز اغير لحاجه اعلى شويه, والتويتا زى ما انت قولت مبالغ فيها اللانسر افضل بالنسبه ليه منها

                    المشاركة الأصلية كتبت بواسطة تامر.محمد مشاهدة المشاركة
                    انا لما لفيت لفتك دي جبت ميجان
                    ما كانش الباسات ظهر قدامي فما فكرتش فيها , لكن اظن كنت هاخاف من قطع الغيار
                    فكرت في بي ام 316 اول الالفينات , و برده خفت من قطع الغيار

                    الميجان انا شايفها متوسط لكل دول لو اعادة البيع مش فافلة معاك اوي , عربية لو صنتها كويس هاتصونك زي ما قالوا لي, ممكن يبقى لها شوية وجع دماغ لكن انا عادي اني اهتم بيها , و رفاهيتها و فخامتها و كمالياتها وثباتها محترمين جدا

                    دي خلاصة حسبتي
                    ما زغللش عيني اي عربية و انا راكب الميجان الا السيفيك 2010 , كان قدامي بنفس المبلغ ادور على سيفيك 2007 basic , و لقيت الميجان بالنسبة لي افضل عشان الكماليات و الموديل (2010) و الكيلومتر
                    الميجان جميله, بس محسوكه حسب ما حسيت, لكن فى عربيات بتاعت مرمطه :) انا عايز من دى مش عشان هتتبهدل معايا, لا بس عشان انا متبهدلش معاها, زى قصه البيرسونا عربيه حلوه لكن هتبهدلنى ان عطلت ووقعت فى ايد الوكيل, الميجان وكيلها حلو وده يشفعلها كتير, وتفضل الميجان اختيار موجود ولكن اقلهم.
                    هو حضرتك جبت الميجان موديل كام؟ وبكام؟ ومن اد ايه؟ وانه فئه؟ مش مهم تقولى رقمها:)

                    المشاركة الأصلية كتبت بواسطة amrelsha3er مشاهدة المشاركة
                    انا برضو فى حيرتك وكنت معجب باخت البيرسونا (جين2) بس محصلش نصيب فيها مع انى بجيب زيرو
                    بص لو حضرتك هتجيب مستعمل فى رنح الاسعار دى
                    انا شايف الانسر البومه 2008 او 2009 1600سى سى عربيه اعتماديه ومفهاش مشاكل وبتاعه سفر وبتاعه شغل
                    وكل حاجه وقطع غيارها فى اى حته
                    ده احسن ليك من الجديد ولا قسط ولا بنك ولا وجع قلب وعربيه فلوسها فيها يعنى ممكن تبيع متخسرش
                    صلى استخاره وسيبها على ربنا واسعى :)
                    هى اختيار فعلا لكن اخير عشان التغيير مش اكتر, وان شاء الله هصلى استخاره

                    Comment


                    • #11
                      انا ممكن انصحك فى حدود المبلغ بتاعك تجيب عربيه اوكتافيا a4 اوتوماتك و هيكون موديل 2006 او 2007 و هاتبقى حالتها حلوه اوى كمان و العربيه دى عن تجربة حمارة شغل و العربيه حلوه من جوه و شنطتها تشيل فيييل و تكيفها جميل جدا وفتيسها ماشاء الله عليه انا معايا واحده 2003 بمشى بيها 200 كم/الساعه و الله ولا تحس بيها ومابتكلش بنزين وفيها كمبوتر رحلات و كمبيوتر اعطال و وكيلها محترم اوى و اسعار قطع الغيار فى المتناول مش غاليه اوى ولا حاجه
                      صلى استخاره وربنا يوفقك ان شاء الله

                      Comment


                      • #12
                        المشاركة الأصلية كتبت بواسطة mohammedrefaat مشاهدة المشاركة
                        انا ممكن انصحك فى حدود المبلغ بتاعك تجيب عربيه اوكتافيا a4 اوتوماتك و هيكون موديل 2006 او 2007 و هاتبقى حالتها حلوه اوى كمان و العربيه دى عن تجربة حمارة شغل و العربيه حلوه من جوه و شنطتها تشيل فيييل و تكيفها جميل جدا وفتيسها ماشاء الله عليه انا معايا واحده 2003 بمشى بيها 200 كم/الساعه و الله ولا تحس بيها ومابتكلش بنزين وفيها كمبوتر رحلات و كمبيوتر اعطال و وكيلها محترم اوى و اسعار قطع الغيار فى المتناول مش غاليه اوى ولا حاجه
                        صلى استخاره وربنا يوفقك ان شاء الله
                        الاوكتافيا من كل النواحى رائعه ماشاء الله, واقل عربيه فى اللى انا ذكرتهم مشاكل وكمان منتشره نوعا ما, والناس بتحترمها واكيد قطع الغيار متوفره وكمان الصيانه, شكرا على النصيحه, ان شاء الله هصلى استخاره وربنا يقدم اللى فيه الخير
                        ممكن سؤال بس بخصوص الاوكتافيا, هو شكلها اتغير فى سنه ايه؟

                        Comment


                        • #13
                          المشاركة الأصلية كتبت بواسطة memo_sms مشاهدة المشاركة
                          الاوكتافيا من كل النواحى رائعه ماشاء الله, واقل عربيه فى اللى انا ذكرتهم مشاكل وكمان منتشره نوعا ما, والناس بتحترمها واكيد قطع الغيار متوفره وكمان الصيانه, شكرا على النصيحه, ان شاء الله هصلى استخاره وربنا يقدم اللى فيه الخير
                          ممكن سؤال بس بخصوص الاوكتافيا, هو شكلها اتغير فى سنه ايه؟
                          هى الاوكتافيا a4شكلها ماتغيرش خالص غير لحد ما وقفت انما الموديل قبل 2000 هاتلاقى الفانوس اللى ورا فيه لمبه واحده بالعرض و اللى بعد 2000 فيه لمبتين بالعرض
                          بعدين نزل حاجه اسمها a5 كانت تقريبا 2005 بس مانصحكش بيها الa4 فتيسها وتكيفها احسن من الa5
                          علشان كده عالجو الحاجات دى فى الفانتازيا
                          و الاوكتافيا عموما عربيه ركوبه تقفل الازاز و تشغل التكييف وهاتحس انك قاعد فى صالون بيتكم مش فى صالون العربيه

                          Comment


                          • #14
                            المشاركة الأصلية كتبت بواسطة Mohamed.Ramah مشاهدة المشاركة
                            نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

                            مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى
                            +1 ....

                            Comment


                            • #15
                              المشاركة الأصلية كتبت بواسطة memo_sms مشاهدة المشاركة
                              [COLOR=Blue]
                              الميجان جميله, بس محسوكه حسب ما حسيت, لكن فى عربيات بتاعت مرمطه :) انا عايز من دى مش عشان هتتبهدل معايا, لا بس عشان انا متبهدلش معاها, زى قصه البيرسونا عربيه حلوه لكن هتبهدلنى ان عطلت ووقعت فى ايد الوكيل, الميجان وكيلها حلو وده يشفعلها كتير, وتفضل الميجان اختيار موجود ولكن اقلهم.
                              هو حضرتك جبت الميجان موديل كام؟ وبكام؟ ومن اد ايه؟ وانه فئه؟ مش مهم تقولى رقمها:)
                              هي فعلا مش بتاعة مرمطة , لكن في المقابل اغلب العربيات اللي ذكرتها اقل من الميجان كركوبة , حتى الA4
                              لو مش ناوي تمرمطها يبقى تمام , لو ناوي يبقى هاتمرمطك طبعا
                              ماحدش فينا جاب العربية عشان تمرمطه , هي معادلتها احترمها تحترمك

                              انا جبت عربيتي اول فئة اوتو 2010 عاملة 20 الف كيلو , ب96 الف من التوكيل
                              مثبت سرعة تكييف بكر مرايات ضم 6 اير باج , abs ebd , جنوط حديد , كارت تشغيل

                              و للعلم , لها ناس بتشتغل فيها برة , لكن طبعا مش كتير اوي زي غيرها , و لها قطع غيار استيراد متوفرة , و قطع غيار غير اصلية حتى موجودة

                              و استهلاكياتها مش غالية
                              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                              [sor2]http://imageshack.us/a/img838/2058/8l0n.jpg[/sor2]

                              Comment

                              Working...
                              X