مقارنة أخرى فى فئة السبعينات ...

[Ahmed Hamdy]

سلام عليكم يا جماعة ..
ياريت تقولوا رأيكوا فى هذه المقارنة ..
- دايو لانوس كاملة (دلوقتى بـ 71000)
- رينو كليو
- رينو لوجان
- فيات سيينا

[sab3aawy]

ليه مش بتفكر فى الأفيو

انا شايف انها اختيار افضل من كل دا، وبعدين الميكانيكا بتاعتها كلها زى اللانوس وبالتالى قطع غيارها سهلة

[Ahmed Hamdy]

والله يا باشمهندس سبعاوى أنا كنت معجب بيها ..
بس كلام الناس هنا فى المنتدى لقيته مش مشجع ... ناس كتير قالت انها لانوس متنكرة وهى هى بس مغيرين شكلها من بره وبالتالى سعرها عالى ع الفاضى وتبقى اللانوس أحسن منها ..

بس لو ده رأى حضرتك يبقى تمام ..
أنا بتعجبنى آرائك جدا لأنها ناتجة عن خبرة جامدة جدا وتحليلية منطقية ليست سمعية اعتباطية ..

بس يا ريت حضرتك توضح النقطة دى .. هل فعلا الأفيو هى اللانوس ولا فى اختلاف ... ؟؟
فى كمان واحد صاحبى جابها كان بيقول انها كويسة بس عفشتها مش حلوة ...

[midodarrag]

فيات سيينا بجد عربية روعة
انا كان معايا موديل 2000 و لسة زى الفل
بس انا معنديش فكرة عن الموديل الجديد
انا سمعت انها بتتجمع فى البرازيل بس مش متاكد
بس موديل 2000 شنطتها كبيرة اوى و سحبها شديد دة غير انها ناعمة اوى
و صاجها تقيل جدا ...........
وسيبك من الكلام الى بيقول ان الفيات وحشة انا شايف ان السمعة السيئة دى بسبب ال 128 المصرية
و ربنا يوفقك فى اختيارك و اتمنى اكون افادتك

[MoToRiZeR]

السيينا الحالية و الباليو صيني مش برازيلي

[midodarrag]

السيينا الحالية و الباليو صيني مش برازيلي

صينى ازاى مش معقول شركة فيات العريقة تدى الصين توكيل صناعة عربياتها عشان مستوى عربياتها ينزل طب ازااااااااااااااااى ؟
ولا ايه يا جماعة؟

[zagy]

صينى فعلا من اول 2008. و ده على عهدة التوكيل نفسه اوماترا

[hazem_khidr]

اقرأ حضرتك الموضوع دا اكيد حيفيدك:)

http://www.nilemotors.net/Nile/showthread.php?p=350130&posted=1#post350130