قدامي حل من اتنين ابيزا ولا جين تو

[Egyp]

الحقيقة كنت ناوي احجز الجين تو بس لقيت قدامي عربية ابيزا موديل 2007 اوتوماتيك فبريكة برة وجوة ماشية كيلو120000
فدلوقتي ايه الاحسن بالنسبة للثبات
قطع الغيار
استهلاك البنزين
قوة الموتور
العيوب المنتشرة في العربيتين
واسق للاطالة ولكم جزيل الشكر
اه ونسيت حاجة مهمة الجين تو اوتوماتيك بس موديل السنة

[Sehsss]

قطع الغيار.. الجين 2 أرخص بس في حاجات مش متوفرة في التوكيل
استهلاك البنزين.. الجين 2 استهلاكها عالي شويتين
قوة الموتور.. الجين 2 موتورها ما شاء الله جبار

[Motarjim]

خليك في الجين تو،
الجديد جديد برده، فضلا عن أن المستعمل غير مضمون بالمرة إلا من حد معرفة وثقة في زماننا هذا!
ضِف إلى ذلك إن 120 ألف كيلو عداد عالي، وموديل عدى عليه خمس سنين، واعتقد والله أعلم أن سيات إبيزا نادرًا لما تلاقي فيها حالة كويسة - وإن كانت فابريكة برا وجوا - لأن أغلب ملاكها شباب، وطريقة قيادة رياضية تعتمد على الشد والجري والغرز والتخبيط والترزيع وما إلى ذلك.

وربنا يوفقك لما فيه الخير لك.

[Motarjim]

[quote=sehsss;3874638353]قطع الغيار.. الجين 2 أرخص بس في حاجات مش متوفرة في التوكيل [صحيح ولكنها تتوفر بالحجز والانتظار، ولكني شوفت بعيني أنصاف جين تو أمامية وخلفية كاملة متقطعة في الحرفيين عند أكتر من محل قطع غيار]
استهلاك البنزين.. الجين 2 استهلاكها عالي شويتين [استهلاك البنزين يعتمد على طريقة القيادة، وإن كان استهلاك العربية مرتفع نسبيًا في الزحمة ووسط المدينة، ومثالي على الطرق السريعة مع القيادة المنتظمة الهادئة]
قوة الموتور.. الجين 2 موتورها ما شاء الله جبار تمام ما شاء الله [/quote]

تمام أخي الكريم، واتفق معك فيما ذهبت إليه، مع بعض الاستدراكات التوضيحية من وجهة نظري.
تقبل مروري.

[S O P H O S]

• الثبات : الاثنين ثبات رهيب في راي وحلوين جدا للشباب .
  
• قطع الغيار : نقطة تكفاء لان الابيزا الي حدا ما لو في فرق فالمقابل الجين بردوا التوكيل هيكرهك فبعض قطع الغيار يعني مفيش فرق يذكر فراي .
• استهلاك البنزين : منطقي ان جين 2 هيكون اعلي عن الابيزا .
• العيوب المنتشرة : (في راي) الجين التوكيل السئ وبعض قطع الغيار من التوكيل - السيات الانتشار المحدود علي فئة الشباب اكثر الي حدا ما ولكن مدام عربية حالة نظيقة من راي هتكون ثفقة ناجحة . --------
• ملاحظة بسيطة مقارنة عربية موديل السنة وزيرو ظلم للابيزا ..
• كلامي مجرد راي يحتمل الخطأ اكثر من الصواب ..
  

[Egyp]

قطع الغيار.. الجين 2 أرخص بس في حاجات مش متوفرة في التوكيل
استهلاك البنزين.. الجين 2 استهلاكها عالي شويتين
قوة الموتور.. الجين 2 موتورها ما شاء الله جبار

شكرا لحضرتك
استهلاكها عالي شويتين يعني مش اقتصادية ؟!!

[Egyp]

خليك في الجين تو،
الجديد جديد برده، فضلا عن أن المستعمل غير مضمون بالمرة إلا من حد معرفة وثقة في زماننا هذا!
ضِف إلى ذلك إن 120 ألف كيلو عداد عالي، وموديل عدى عليه خمس سنين، واعتقد والله أعلم أن سيات إبيزا نادرًا لما تلاقي فيها حالة كويسة - وإن كانت فابريكة برا وجوا - لأن أغلب ملاكها شباب، وطريقة قيادة رياضية تعتمد على الشد والجري والغرز والتخبيط والترزيع وما إلى ذلك.

وربنا يوفقك لما فيه الخير لك.

حضرتك موافق معاك بشدة وده رايي
العداد عالي قوي وده مقلقني و ميال اكتر للبروتون في حتة انها جديدة زيروووو مضمونة عن الابيزا

[Egyp]

[QUOTE=Motarjim;3874638366]

قطع الغيار.. الجين 2 أرخص بس في حاجات مش متوفرة في التوكيل [صحيح ولكنها تتوفر بالحجز والانتظار، ولكني شوفت بعيني أنصاف جين تو أمامية وخلفية كاملة متقطعة في الحرفيين عند أكتر من محل قطع غيار]
استهلاك البنزين.. الجين 2 استهلاكها عالي شويتين [استهلاك البنزين يعتمد على طريقة القيادة، وإن كان استهلاك العربية مرتفع نسبيًا في الزحمة ووسط المدينة، ومثالي على الطرق السريعة مع القيادة المنتظمة الهادئة]
قوة الموتور.. الجين 2 موتورها ما شاء الله جبار تمام ما شاء الله [/quote]

تمام أخي الكريم، واتفق معك فيما ذهبت إليه، مع بعض الاستدراكات التوضيحية من وجهة نظري.
تقبل مروري.

قطع الغيار حضرتك انا مش خايف منها لان المفروض اجي ادور علي ده علي الاقل بعد سنتين مثلا
انما سمعت ان الجين تو اكتر حاجة بتبوظ مكن الازاز وموتور المساحات هل ده صح ؟!!

استهلاك البنزين اكيد مش اعلي من 132 اللي معايا هههههه
بس بجد هل اقتصادية ولا لا .. لان البنزين هيبقي 92 فانا عايز حاجة برضه موفرة

الحمد لله ان موتورها قوي وحضرتك وضحت ده لان دي نقطة مهمة وكمان طلعتها ماشاء الله
شفت كام فيديو علي اليوتيوب بتجيب 140 هوااااا

[Egyp]

• الثبات : الاثنين ثبات رهيب في راي وحلوين جدا للشباب .
  
• قطع الغيار : نقطة تكفاء لان الابيزا الي حدا ما لو في فرق فالمقابل الجين بردوا التوكيل هيكرهك فبعض قطع الغيار يعني مفيش فرق يذكر فراي .
• استهلاك البنزين : منطقي ان جين 2 هيكون اعلي عن الابيزا .
• العيوب المنتشرة : (في راي) الجين التوكيل السئ وبعض قطع الغيار من التوكيل - السيات الانتشار المحدود علي فئة الشباب اكثر الي حدا ما ولكن مدام عربية حالة نظيقة من راي هتكون ثفقة ناجحة . --------
• ملاحظة بسيطة مقارنة عربية موديل السنة وزيرو ظلم للابيزا ..
• كلامي مجرد راي يحتمل الخطأ اكثر من الصواب ..
  

التوكيل معتقدش أسوأ من توكيلات تانية زي اوماترا مثلا او الامل بتاع بي واي دي
العربيتين شبابي وان كنت بشوف ان الجين تو اوسع ودي نقطة في صالحها بالنسبة ليا
هي مقارنة ظالمة بس انا في الموقف ده دلوقتي وقلت اسالكم وانتوا قدها وقدود
وشكرا لرأي حضرتك وكلامك المميز

[Sehsss]

شكرا لحضرتك
استهلاكها عالي شويتين يعني مش اقتصادية ؟!!

هي معدلها اعلي شويتين من الطبيعي بتاع العربيات الـ1600 سي سي

[eng.m7md.ali]

بما اني سوقت ال2 وسافرت بيهم الغردقة اقدر اقوولك ان ال2 زي بعض في الثبات تقريبا
التوفير في الوقود طبعا للابيزا
قطع الغيار للابيزا سواء استيراد او جديد ارخص من الجين2 الى حد ما