ايه هي أحسن عربية في مصر؟

[mody3on]

السلام عليكم ، أولاً اعتذر عن الغياب الطويل عن المنتدى الجميل ده لظروف الدراسة :)
انا كنت بفكر بصراحة ايه احسن عربية الواحد يقدر يجيبها في مصر ، لو قلنا مثلا في من 80 الف لحد 200-240 الف جنيه ..
مشكلة معظم العربيات الغالية زي الباسات والجيتا والجولف وال 508 اولاً قطع الغيار الغالية واعادة البيع مش كويسة ، بجانب البنزين 95 ، يا اما العربية تكون بنزين 92 بس هورس باور ضعيف زي الجولف والجيتا القديمة ، الفوكاس مثلاً مشكلتها بنزين 95 ، الكورولا طبعاً برة الحسابات ، العربيات الصغيرة زي الفييستا والكورسا اولاً هورس باور ضعيف ثانياً انتشار ضايع وكماليات قليلة ومفيش ESP ، طبعاً برضه الالنترا والاكسنت والفيرنا والكروز والحاجات دي برة المقارنة عشان وسائل امان تعبانة ، والتيدا برضه مفيهاش ESP
مفيش تقريباً عربية في مصر هورس باور عالي وبنزين 92 ووسائل امان كويسة ( على الاقل 2 ايرباج و ABS-EBD و ESP وايموبلايزر ) غير السيفيك ، وبتكلم عالقديمة طبعا اللي مشكلتها انك صعب تلاقي واحدة VTi بحالة نضيفة
انتوا رأيكوا ايه بقى :))

[Mohyeldin1974]

رايى الشخصى المتواضع ان افضل سياره لمواصفات الطرق المصريه وفيها كل الاوبشنز بدون esp هى الاوكتافيا وبسعر وسط بين كل الانواع اللى ذكرتها
بتفكرنى بسمعة البيجو 504 فى السبعينات والتمنينات

[Hosam_Optrawy]

الالنترا طبعا :) ههههههههههه

حمد الله على السلامه يامودى باشا

والله موضوع احسن عربيه دا بيفرق من شخص لأخر حسب متطلباته زى ما انت عارف

بس رأيى ان العربيه اللى فيها معظم النقط اللى ذكرتها هى الأوبل أسترا الجديدة

[AlGazar2]

فى رأيى العربيه الى فيها الى انت عايزه كله الا سعر اعاده البيع هتكون السوبارو سواء امبريزا او اكس فى و ممكن بعديها الرينو و البيجو و السيتروين

[Land_Cruiser]

هى مش احسن عربيه لأن مفيش عربيه كلها مميزات فقط و ملهاش عيوب أيا كان نوعها. هو السؤال يبقى ايه انسب عربيه لى فى ضوء احتياجاتى اللى هى كذا و كذا و كذا لان اى حد هيرد على حضرتك و ان كان طبع هدفه ا هو انه يفيدك إلا ان الرد ممكن يبقى مضلل شويه لانه هينصحك بناء هى اولوياته الشخصيه مش اولوياتك انت و بالتالى اختياراته ممكن تكون مختلفه عن اختياراتك يعنى مثلا اللى راكب عربيه ملهاش شنطه و الموضوع ده عامله مشاكل اول حاجه هيتفرج عليها فى اى عربيه عايز يشتريها هتلاقيها اكيد الشنطه و كذلك اللى كان راكب عربيه مانيوال و جاله شد عضلى منه هيشوف اى عربيه اهم حاجه لازم تكون فيها هى الفتيس الاتوماتيك لان دى اهم حاجه تعبته من العربيه اللى راكبها و هكذا

[mhmhmh75]

شارك اعلى فئة وكرولا ليست سيئة

[mody3on]

رايى الشخصى المتواضع ان افضل سياره لمواصفات الطرق المصريه وفيها كل الاوبشنز بدون esp هى الاوكتافيا وبسعر وسط بين كل الانواع اللى ذكرتها
بتفكرنى بسمعة البيجو 504 فى السبعينات والتمنينات

مشكلة الاوكتافيا زي الجيتا الموتور بتاعها تعبان جداً للاسف وكمان مفيهاش esp

الالنترا طبعا :) ههههههههههه

حمد الله على السلامه يامودى باشا

والله موضوع احسن عربيه دا بيفرق من شخص لأخر حسب متطلباته زى ما انت عارف

بس رأيى ان العربيه اللى فيها معظم النقط اللى ذكرتها هى الأوبل أسترا الجديدة

الله يسلمك يا حسام باشا :)
الاسترا فعلاً اختيار حلو جداً ، مشكلتها شوية في الاعتمادية بس

هى مش احسن عربيه لأن مفيش عربيه كلها مميزات فقط و ملهاش عيوب أيا كان نوعها. هو السؤال يبقى ايه انسب عربيه لى فى ضوء احتياجاتى اللى هى كذا و كذا و كذا لان اى حد هيرد على حضرتك و ان كان طبع هدفه ا هو انه يفيدك إلا ان الرد ممكن يبقى مضلل شويه لانه هينصحك بناء هى اولوياته الشخصيه مش اولوياتك انت و بالتالى اختياراته ممكن تكون مختلفه عن اختياراتك يعنى مثلا اللى راكب عربيه ملهاش شنطه و الموضوع ده عامله مشاكل اول حاجه هيتفرج عليها فى اى عربيه عايز يشتريها هتلاقيها اكيد الشنطه و كذلك اللى كان راكب عربيه مانيوال و جاله شد عضلى منه هيشوف اى عربيه اهم حاجه لازم تكون فيها هى الفتيس الاتوماتيك لان دى اهم حاجه تعبته من العربيه اللى راكبها و هكذا

بشكل عام ، عربية بنزين 92 موتور كويس كماليات كويسة قطع غيار مش غالية اعتمادية كويسة ، مش طلبات مستحيلة يعني المعضلة بس في البنزين

[Hossam_hassan4]

فيات برافو اعتقد ما بتقولش لا 92 :)

[Land_Cruiser]

موضوع البنزين ده هيبقى من الاولويات . ممكن قشقاى و لو ارخص شويه ممكن فلوانس

[mohamedomar777]

اوكتفيا او جيتا

[mody3on]

فيات برافو اعتقد ما بتقولش لا 92 :)

البرافو تربو يعني 95 اساسي

موضوع البنزين ده هيبقى من الاولويات . ممكن قشقاى و لو ارخص شويه ممكن فلوانس

الفلوانس فعلاً من الاختيارات الممتازة ، القشقاي مفيهاش esp

[seso100100]

افضل الاختيارات من حيث قوة الموتور و الكماليات و نظام esp هى
1-اوبل استرا كوزمو موتورها 115 حصان و سعر رائع 167 الف جنيه و فيها esp
2- فورد فوكس 125 حصان ب 190 الف مش عارف فيها esp ولا لأ
3- بيجو 508 156 حصان ب 210 الف اعلاهم فى السعر و فيها esp واقرب عربية الى مواصفاتك وتتميز بأنها اقواهم فى الموتور
و يعيب العربيات البيجو و الاسترا و الفوكس سعر البيع
4- سوبارو امبريزا 115 حصان ب180 الف دفع كلى يعنى مش محتاج esp و يعيبها ضعف سعر اعادة البيع و موتورها متوسط القوة
5-رينو فلونس 105 حصان ب 167 الف بكماليات رائعة و فيها esp يعيبها ضعف المحرك ولكن تتميز بكماليات عالية جدا و بنزين 92.
6- اوكتافيا فانتازيا اليجانس 102 حصان ب 215 لا يوجد بها esp و لكن يوجد asr و msr يعيبها ضعف المحرك نسبيا و تتميز بسعر اعادة بيع جيد و بنزين 92 .

اكثر عربية متوافقة مع مواصفاتك هى بيجو 508

[طارق _عبد السلام]

اوكتافيا فانتازيا اليجانس

[azakareya]

البرافو تربو يعني 95 اساسي

لأ 92 عادي .. أنا معايا من سنتين و ما فيش مشاكل بسببه

[amrelsha3er]

جولف5
هوندا سيفيك طبعا