اية الفرق بين السويفت والهيونداى اكسيل

[A.samy]

اية الفرق بين السويفت والهيونداى اكسيل 1300 حيث ان سعرهم تقريبا مستعمل واحد وايهم افضل بأمانة .

[haitham83]

هيونداى طبعا يا معلم

[kimozibiza]

لا طبعا السويفت يبانى انت هتجيب اليبانى للكورى

[hazem_khidr]

لو حتقارن ال السويفت ال1300 بالهيونداي ال 1300
يبقي السويفت بالتاكيد
بص الاتنين نفس الصاج الرقيق لكن السويفت لو ياباني و بتكييف يبقي احسن من 1000 اكسيل
ثبات و قوه موتور و مواتير معمره بعكس الهيونداي.
تابلوه اشيك و راحه في الجلوس و كل شئ السويفت بصراحه.
لو حتقارن بقي السويفت ال1300 بالهيونداي ال 1500
الهيونداي حتتفوق بس علشان الكماليات زي الباور
انما حتي كسحب و جري السويفت تشد معاها و تصمد كمان
موتور السويفت بصراحه موتور مجنون و شرس لما يبقي نضيف

[nav man]

بس اخي حازم جاب من الاخر

[Nader]

الفرق بين الاتنين مش كبير خصوصاً لو هتقارن

الاكسيل الـ1300 بالسويفت

بانسبة للمواتير:

الاكسيل 75 حصان والسويفت 70 حصان... فرق بسيط

العشة:

- طرية جداً في الاكسيل لذلك هي ناعمة ولكن يعيبها الثبات بعد 120

وممكن التغلب على المشكلة دي بتغيير المساعدين لمساعدين غاز

او غاز على زيت.


- معقولة في السويفت لا هي ناعمة اكتر من اللازم ولا هي ناشفة اكتر من اللازم.



الصيانة:

الاتنين صيانتهم سهلة جداً وممكن اي ميكانيكي يشتغل فيهم

بسهولة.


انتشار قطع الغيار:

- الاكسيل قطع غيارها موجودة في كل مكان.

- السويفت قطع غيارها متوفرة بس في اماكن معينة.


اسعار قطع الغيار:

- قطع غيار الاكسيل رخيصة جداً وموجود منها اصلي

وكوري وتايواني وماليزي وتركي و و و


- قطع غيار السويفت اغلى طبعاً من الاكسيل بفارق

ملحوظ.


صورة للسويفت:



وصورة للاكسيل:




واخيراً الصاج في العربيتين خفيف جداً.


اما لو المقارنة بين السويفت والاكسيل 1500 يبقى مفيش وجة

للمقارنة غير عمر الموتور فقط بالنسبة للسويفت اما كل الباقي

يصب في مصلحة الاكسيل.