نيو صني ولا أكسنت أر بي ولا كيا ريو ؟؟

[mmohamed15]

انا حاجز العربيع تقريبا من شهر بس و الله الواحد شكله هيبدء يفكر في الريو الجديده خليجي تدفع شويه فلوس زياده احسن ما تخسرها كلها انا حاجز بس بدءت اليومين دول اشك في العربيه انا عارف ان عربيات نيسان حلوه بس مكنتش عايز اجيب الشكل القديم علشان مكنش بيتغير و لما لاقيت دي قولت اتوكل علي الله بس الاسبوعين للي فاتوا عملوا بلبله للواحد ايه رأي اصحاب العربيه و ايه رأي الناس اروح للريو بعد ما النيو اكسنت اثبتت فشلها و لا افضل علي صني المبلغ مش سهل ان الواحد يرميه كده و خلاص يريت نسمع ارائكم
هل استمر مع الصني
و لا اروح اشتري ريو جديد
و لا اروح للأكسنت ار بي

[shomany]

أنا متابع لاني في نفس حالتك

[Ahmed_Rahem]

المناقشة دى الافضل تكون فى قسم المقارنات لان هنا الاغلبية هتكون مع النيسان - حسب طبيعة القسم.
وارجو من الاعضاء تكون المناقشة عن تجربة ونقل معرفة مش سماعى فقط، والسلام ختام

[mmohamed15]

كلام حضرتك مظبوط بس من الاخر احنا عايزين رأي الناس اللي اشتروا العربيه مش اللي شافوها انا ملاحظ ان اللي اشتروها متعرضين لمشاكل كتير من الاخر انا متأثرت بالتعليقات الايجابيه عن العربيه لأني كنت عارف ان ننيسان عربيات كويسه بس التعليقات السلبيه اللي زادت خلت الواحد يفكر الف مره و يبدء يقلق

[khaled25_9]

اعتقد المشكله اللى فى النيو صنى حتى الان هى عدم توافر قطع غيار.
كان فى مشكله فى المساعدين الخلفى واتحلت, وتيل الفرامل اللى بيصفر واتحلت.... غير كده مالكى السياره يفيدوك اكتر.

[A.Adel]

أنا حقول لحضرتك رأيي المتواضع :

1. شكل و تابلوه من التسعينات
2. تجميع مصري مع 40 % مكونات مصري
3.الموتور تجميع هندي و الحاجة الوحيدة الياباني 100 % فيها
هي الفتيس فقط
4. سعرها اللي تقريبا زي الكوري و اللي في رأيي أفضل منها
ما عدا عوامل الأمان
5. قطع غيار غالية و مش موجودة
6. ال overprice اللي عليها


التوكيل مبالغ في سعرها لسببين

1. بيبيع على حس الموديل القديم
2.لانها تجميع مصري فـهو متحكم في السعر
ماسك السوق يعني لأن مهما نزل خليجي أو غيره ,مستحيل يبقى ارخص منه



peugeot 301 هتنزل قريب جدا و السعر متوقع يكون من 90-120 ألف
لو نزلت بالسعر ده ,تبقى في رأيي أفضل اختيار

All New Peugeot 301 - YouTube

ولو مستعجل ,دي بدايل أنا في رأيي شايفها افضل بكتير من الصني :

1. كيا ريو
2.accent rb
3.proton gen2 أو persona

[mmohamed15]

موضوع الاجزاء الهندي مش مشكله ببساطه لأني عارف ان المصانع اللي في اماكن مختلفه عن البلد الاصليه لازم تنتج بنفس الجوده يعني مثلا بنجيب قطع غيار في مصنعنا من الصين بس هي بأسم الشركه الاصليه اللي هي الماني بس بتصنع الاجزاء دي في الصين القضيه الاصليه في الحكم علي العربيه كواحده متاكمله اداء او صاج و ما الي ذلك

[A.Adel]

موضوع الاجزاء الهندي مش مشكله ببساطه لأني عارف ان المصانع اللي في اماكن مختلفه عن البلد الاصليه لازم تنتج بنفس الجوده يعني مثلا بنجيب قطع غيار في مصنعنا من الصين بس هي بأسم الشركه الاصليه اللي هي الماني بس بتصنع الاجزاء دي في الصين القضيه الاصليه في الحكم علي العربيه كواحده متاكمله اداء او صاج و ما الي ذلك

أنا ذكرت النقطة دي عشان أوضح إن مفيش أي مبرر لسعرها المبالغ فيه في رأيي

[assaf]

انا برضوا حاجز و بفكر ااجل الحجز كمان شهرين تلاته لحد لما يوفروا قطع الغيار لأن الواحد خاف

[limo81]

+11111

[a_bahaa14]

يا باشا العربية معايا من 2-9-2012 وهى بسم الله ما شاء الله عجبانى جدا فى ( وسائل الامان جربتها مرة واحده واثبت كفائه - استهلاك البنزين - العفشة - وسعها- صوت الماتور ) عيوبها بالنسبه ليا اختلاف التسارع عن الفيرنا -خفيفة بعد 160 بصورة كبيرة

[dodyam]

أنا حقول لحضرتك رأيي المتواضع :

1. شكل و تابلوه من التسعينات
2. تجميع مصري مع 40 % مكونات مصري
3.الموتور تجميع هندي و الحاجة الوحيدة الياباني 100 % فيها
هي الفتيس فقط
4. سعرها اللي تقريبا زي الكوري و اللي في رأيي أفضل منها
ما عدا عوامل الأمان
5. قطع غيار غالية و مش موجودة
6. ال overprice اللي عليها


التوكيل مبالغ في سعرها لسببين

1. بيبيع على حس الموديل القديم
2.لانها تجميع مصري فـهو متحكم في السعر
ماسك السوق يعني لأن مهما نزل خليجي أو غيره ,مستحيل يبقى ارخص منه



peugeot 301 هتنزل قريب جدا و السعر متوقع يكون من 90-120 ألف
لو نزلت بالسعر ده ,تبقى في رأيي أفضل اختيار

all new peugeot 301 - youtube

ولو مستعجل ,دي بدايل أنا في رأيي شايفها افضل بكتير من الصني :

1. كيا ريو
2.accent rb
3.proton gen2 أو persona

اسمحلى أختلف معاك فى بعض النقاط
أحب أولا أوضح انى مالك للعريبة من نص تسعة والحمدلله راضى عن أدائها بالنسبة لمتطلباتى كعربية عائلية

شكل التابلوه بتاع الشكل القديم كان فعلا أفضل بسبب المساحات اللى فيه بس الشكل الجديد حلو و دى أذواق ممكن نختلف فيها

موضوع التجميع المصرى طب ما الشكل القديم تجميع مصرى و أثبت نفسه بس طبعا فى ملاحظات بسيطة بالتأكيد على التجميع
ومكونات العربية موتور و فتيس يابانى و فوانيس و كاوتش صينى و معظم الباقى هندى و الفرش و الزجاج والبطارية و ضفيرة الكهرباء مصرى
بس فى الآخر صنع بواسطة نيسان وتحت إشرافها

سعرها مش زى الكورى لانها أقل منه فى السعر و أعلى فى الامكانيات
الأوفر برايس العيب على اللى بيشجعه و بيشترى بيه و معظم العربيات عليها اوفر برايس مش الصنى بس زى النيو اكسنت و اللوجان و السبورتاج و غيره
وفى مشكلة فعلا فى قطع الغيار حتى الآن و مع الوقت ان شاء الله تتحل

وموضوع البيجو كان نفسى يوضح ايه الأوبشن بتاعها علشان اقدر اقارن
والله اعلم توكيلها هينزلها بكام و برضه مدى توافر قطع غيارها فى بداية نزولها و بكام و لو حد يقدر يستنى خلاص هو طبعا حر يستنى و يقارن

موضوع ان الاكسنت و الريو افضل من وجهة نظرى الشخصية لما ركبت الريو مثلا و السيراتو و الاوبترا اخدت قرارى انى اشترى الصنى
ثم الريو اعلى فى السعر واوبشن آه اعلى بس ضيقة جدا بالنسبة للصنى و كذلك الاكسنت سعرها اعلى و دى بأة اوبشن أقل و برضه ضيقة
وطبعا ما ننساش ميزة الصنى فى توفير البنزين و كذلك خدمة ما بعد البيع شخصيا اتعاملت مع مركزين السبع و اوتو ايجيبت ودى كانت أكتر حاجة بأدور عليها فى العربية و الحمدلله كانوا تمام
.

[Hosam_Optrawy]

كيا ريو افضل

مفيش ميزه للصنى غير ان سعرها ارخص

[د.هشام]

مدام حجزتها وﻣﻘﺘﻨﻊ بيها يبقي حتشتريها في الاخر، توكل علي الله.، العربية فعلا ﻣﻤﺘﺎﺯﺓ

[A.Adel]

اسمحلى أختلف معاك فى بعض النقاط
أحب أولا أوضح انى مالك للعريبة من نص تسعة والحمدلله راضى عن أدائها بالنسبة لمتطلباتى كعربية عائلية

تمام مختلفناش و أنا أصلا متكلمتش عن أداء العربية خالص

شكل التابلوه بتاع الشكل القديم كان فعلا أفضل بسبب المساحات اللى فيه بس الشكل الجديد حلو و دى أذواق ممكن نختلف فيها

احنا ممكن نختلف في مين أحسن ,دي أذواق
لكن ده ميمنعش إن الاتنين تصميمهم قديم فعلا

موضوع التجميع المصرى طب ما الشكل القديم تجميع مصرى و أثبت نفسه بس طبعا فى ملاحظات بسيطة بالتأكيد على التجميع
ومكونات العربية موتور و فتيس يابانى و فوانيس و كاوتش صينى و معظم الباقى هندى و الفرش و الزجاج والبطارية و ضفيرة الكهرباء مصرى
بس فى الآخر صنع بواسطة نيسان وتحت إشرافها
سعرها مش زى الكورى لانها أقل منه فى السعر و أعلى فى الامكانيات


الشكل اللي فات على الاقل كانت موتور و فتيس يابني 100 %
و معرفش الحقيقة إذا كان فيها مكونات هندي ولا لأ ؟؟
يا ريت تقولي لو تعرف

أنا لما قلت الكلام ده ,كنت ببرر وجهة نظري إن العربية متستاهلش تمنها خالص
عربية 40 % مصري و متجمعه هنا
يا راجل ده حتى الموتور منزلينها باللي متجمع في الهند
و منزلينها بفتيس auto مش cvt

و منزلينها بموتور 99 (90 net) مش ال 108 (99 net)
(الموتور ال 108 ده مابيتجمعش فالهند ده بيبقى ياباني 100 % و بينزل مع فتيس CVT )

و بيضحكوا على الناس و يقولهم 108 حصان
(الموتور ده فعلا يقدر يطلع 108 حصان بس اللي بينزل مصر 99 (90 net) و ده اللي بينزل مع الفتيس الاوتو )

و بقيتها هندي ما عدا الفتيس

و بعد كل ده تقولي إنها ارخص و امكانياتها أحسن !!!!!!!!

عموما ربنا يباركلك في عربيتك


.