persona ولا sunny

[Egyp]

الحقيقة انا استقريت علي العربيتين دول وهحجز واحدة منهم بكره ان شاء الله

انا ميال للبرسونا من حيث كل حاجة لكن خايف من سعر اعادة البيع لكن انا مش هبيع قبل 4 سنين اقل واجب فاشايف لو في الاربع سنين دول جبت العربية ب 95 الف وبعتها ب 70 الف يبقي حلو قوي 15 الف في اربع سنين

والصني طبعا مش محتاجة كلام الشكل مش حلو قوي والموتور سامع انه ضعيف شوية خصوصا الاوتو و التقفيل المصري اللي مليان عيوب

فانا من اراء الناس استشفيت ان البرسونا احسن في كل حاجة بس الصني تكسب في الوسع وسعر اعادة البيع

فانا محتار دلوقتي اي حد يدلني اعمل ايه ؟؟

[SonaSteel]

صلي استخارة وربنا ييسرلك الخير والدنيا هاتتيسرلك لوحدها ان شاء الله

ادام مستريح لحاجة وقريت عنها وعارف اللي فيها يبقي توكل علي الله علشان متبقاش قاعد في عربية انت مخنوق منها

[shady_hamdy]

الصنى لاسبلاب كتيير منها اسعار قطع الغيار و التوكيل و الصنى موتورها قوى على فكرة و التسارع كويس جدااا

[Egyp]

جزاكم الله خيرا ياجماعة
والله انا بقالي اكتر من اربع شهور عمال اروح من عربية لعربية لحد ما استقريت علي دول

انا والله سالت بتاع ستين واحد النسبة كانت اكتساح للبرسونا محدش قالي الصني مع ان منهم ناس معاها صني 2010 و 2009

مش عارف فانا نقلت الكلام زي ما اتقال بكل امانة

انا دلوقتي بفكر مثلا لو دخلنا معامهم الكورولا 2009

بغض النظر دي مستعملة ودول زيرو ايه الاحسن من كله

[eng.m7md.ali]

الصنى لاسبلاب كتيير منها اسعار قطع الغيار و التوكيل و الصنى موتورها قوى على فكرة و التسارع كويس جدااا

فعلا الصني عشان ملهاش قطع غيار في التوكيل :))

مشكلة البيرسونا بالنسبة ليك هيا اعادة البيع .. ولو جبت العربية ب 95 دلوقتي وحبيت تبيع بعد 4 سنين هتجيبلك اقل من 65 الف كمان ... والله اعلم بكرة فيه ايه ممكن الجمارك تنزل وممكن العربيات تغلى اكتر

من رأي اللي ترتاحله دوس فيه

[S O P H O S]

لو دخلت كورولا ياباني
نظيفة وفابريكا يبقي هي بكل تأكيد
واعتقد محدش هيختلف علي كده حتي لو الزيرو زيرو
فالكورولا كورولا بردوا ..

[Hosam_Optrawy]

العربيتين ليهم مشاكلهم شخصيا افضل البيرسونا عشان الموتور والعفشه والثبات والشكل , وبالنسبه لاعادة البيع ممكن يبقى احسن للصنى بس الفرق مش هايكون كبير اوى والله اعلم المستقبل فيه ايه فى ال 4 سنين الجايين

الكورولا 2009 هاتبقى بكام ؟ بيتهيألى سعرها اعلى من الاتنين , وبيتهيألى هاتكون ال mmt فبلاش منها لو 2010 اوتو عادى ماشى

[S O P H O S]

انا فكلامي قولت كورولا ياباني
لو mmt جنوب يبقي لا طبعا
مجرد راي ..

[SonaSteel]

لو الصني الشكل القديم ........ بقيت تنزل اوتو ايرباج واحد بس ومن غير ABS ,EBD,BA

]بقي خليك في البيرسونا

لو الكرولا الشكل الجديد اوتو عادي توكل علي الله ........ مع ان الmmt الناس بتشعر لي فيه بس اعتقد مشاكلة كتيرة

[Motarjim]

متابع

[Egyp]

جزاكم الله خيرا
الحقيقة حصل ظروف والمبلغ اتصرف منه جزء فهضطر استني شوية
وشاكر لردودكم و تعبكم معايا
وعسي ان تكرهوا شيئا وهو خير لكم

[amrelsha3er]

ايه موضوع mmt اللى فى كرولا ده ياجماعه وفى انهى موديل !!

[A.Adel]

جزاكم الله خيرا
الحقيقة حصل ظروف والمبلغ اتصرف منه جزء فهضطر استني شوية
وشاكر لردودكم و تعبكم معايا
وعسي ان تكرهوا شيئا وهو خير لكم

إن شاء الله خير :)

و ربنا أكيد كاتبلك حاجة أحسن

[S O P H O S]

ايه موضوع mmt اللى فى كرولا ده ياجماعه وفى انهى موديل !!

ده الفتيس للعربية الكورولا الجنوب افريقي يا باشا
وموديل 2008 و 2009
تحياتي ليك ..

[M I D O]

برسونا طبعاااااااا معا ان علي ما اسمع توكيلها زبالة بس العربية تحفة و الصني مالهاش قطع غيار حاليا و الي موجود غالي اوي