هيونداى i 10 أتوماتيك أم كيا بيكانتو أتوماتيك

[S.S.E]

الأختيار بين هيونداى i 10 أتوماتيك أم كيا بيكانتو أتوماتيك كلاهما 2013 بالنسبه للهيونداى الموجوده الفئه gl ب 76.500 ج 2 زجاج كهربا عدم وجود شبوره والكامله منها مش هتنزل أما البيكانتو أول فئه ب 81.000 ج أربع زجاج كهربا !!

محتار جداً ...... عايز أعرف العفشه وقطع الغيار وتستحمل الطرق بالنسبه للعربيتين , أرجو المساعده

[memo823000]

طبعا طبعا طبعا الكيا بيكانتو باكتساااااااح
اولا عشان كورى وال i10 هندى
شكل احلى كتير وافخم
ثبات وفرامل افضل عشان كوتش اعرض 14 بوصه مش 13
وطبعا موتور احدث واقوى 1250 سى سى 87 حصان مش 1100 سى سى 69 حصان طبعا شتان الفرق
وخلى بالك البكانتو ام 81000 2 زجاج كهرباء فقط انا طبعا بتكلم عن الوكيل

وان كنت تراجع نفسك وتبص على السانديرو الاوتوماتيك لو عايز حاجه اكبر واقوى بس سعرها 83500
واستلام بعد 3 شهور او 86500 استلام فورى
وطبعا فيها الامان احسن عشان فيها ايرباج للسائق وطاره مالتى وبلوتوث والفتيس ستب ترونيك زى الريو والار بى وموتور 1600 سى سى 110 حصان

[S O P H O S]

كراي
الاثنين متقاربين مع تفوق الكيا
ولكن اكبر وجه للتشابه هو ثمنهم الي الاثنين لا يستحقونه بصراحة ..

[seso100100]

كرأى البيكانتو افضل من حيث الشكل و قوة و عزم الموتور و تقفيل كورى

[dr.hazem]

الحقيقة الاتنين مبالغ في سعرهم جدا وفي اختيارات افضل لرينج السعر...
تحياتي

Sent from my SE Arc S using Forum Runner

[egytamer]

بصراحة خسارة الفلوس دي في العربيتين دول شوف اللوجان الاتوماتيك او حط فلوس بسيطة اكتر وهات حاجة اعلي لكن 80000 الف او اكتر في العربيتين دوا خساااااااااااااااارة

[Land_Cruiser]

الاسعار دى كتير عليهم قوى على أنهم عربيات صغيره و ممكن حضرتك تشوف حاجه فى رينج السعر ده بس تبقى فئه اعلى و اكبر على الاقل تبقى اخدت بفلوسك حاجه تستأهل التمن و لو حضرتك احتياجاتك متوافرة فيهم و اختيارك محصور ما بينهم يبقى الكيا البيكانتو تكسب

[S.S.E]

لو 81.000 ج على أول فئه أتوماتيك من البيكانتو طب ديه أحسن ولا ال byd أتوماتيك كامله بنفس السعر!!

[Abo Yasso]

نصيحه عن تجربه بلاش ال i10
عن تجربه خفيفه بشكل مش عادى
لو بتكلم فى المقارنه لا وجه لآقامه المقارنه

[mohamed_mesho3]

لو حابب الهاتش باك ,, هات سانديرو اوتوماتيك افضل بكتير اوى من العربيتين التعبانين دول
لو ممكن تركب سيدان هات لوجان اوتوماتيك انا كراى شخصى الافضل فى الفئة لحد 90 الف اوتوماتيك

[NourElmansy]

ولا دي ولا دي .

عربيات مبالغ في تمنهم جدا .. السعر العادل ليهم من 55 إلي 65 ألف ..

80 ألف دول يركبوك مرسيدس و bmw :) انت بتتكلم ازاي يا راجل

[ossamayk]

110

[S.S.E]

فى المقارنه كمان ال frv أتوماتيك 2013 الفئه ال 86 ألف جنوط وحساس وزجاج كهربا .......... دخلت دماغى أكتر