اوكتافيا ولا دأستر

[wael30003]

طبعأ انا عارف معظم الاعضاء هيقولوا ده سؤال طبعأ اوكتافيا بس كنت عايز مقأرنة موضوعية ويا حبذأ لو عن تجربة يعنى عيوب ومميزأت كل عربية واهمها
التوكيل
اسعار قطع الغيار
الصيانة بره التوكيل
مدى توافر قطع غيارها
قوة السارة من حيث التحما كام فى الميه خاصة فى طرقنا الجميلة
استهلاك البنزين

واخيرا اى حاجة انتوا شايفنها انا ما ذكرتهاش
سامحونى عن اى خطأ مطبعى عشان بكتب من الموبابل لانى مش فى البيت
شكرا كتير

[wael30003]

no comment

thanks

I am sorry

[beeronasr]

أنا معايا داستر و دى عربية محترمة مقدرش اقول حاجة و توكيل فوق المحترم - قطع غيار غالية بس سعرها فيها و مش اغلى من الاوكتافيا - بس دى فئة و دى حاجة تانية خالص و طبعا الرفاهية كلها لصالح الاوكتافيا

[Land_Cruiser]

هى المقارنه صعبه بصراحه بس ممكن أولويات حضرتك هى اللى تسهل عليك الاختيار. يعنى مثلا
- محتاج جر رباعى فى استخدامك و لا مش فارقه؟ ( لو الاجابه نعم يبقى داستر)
- محتاج فتيس اتوماتيك و لا ممكن تتأقلم مع المانيوال و النقلات القصيره؟ ( لو فتيس اتوماتيك ضرورى يبقى سكودا)
- محتاج رفاهيه و كماليات كشرط اساسى للاختيار (لو نعم تبقى سكودا)
- محتاج وسع داخلى و مساحات تخزين كبيره ؟ (لو نعم يبقى داستر)
- لو بنتكلم فى ان العربيتين زيرو موضوع اسعار قطع الغيار بره التوكيل مش هتبقى نقطه للمقارنه قوى لان اللى بيشترى زيرو بيعمل صيانه فى التوكيل علشان الضمان و بالنسبه للتوكيل قطع غيار الداستر ارخص و ان كان الفارق مش كبير
- لو فارق معاك سعر اعاده البيع ( يبقى الاسكودا تكسب)
- لو محتاج عفشه للاستخدام الشاق يبقى الداستر تكسب و ان كانت عفشه الاسكودا محترمه طبعا لكن الداستر اقوى منها و الكلام على نسخه الدفع الرباعى بالذات
- لو بنتكلم عن ان الاتنين زيرو ؛ الداستر ارخص بفارق محترم عن الاسكودا و دى نقطه فى صالح الداستر اكيد
- لو بنتكلم فى الانتشار اكيد الاسكودا منتشره اكتر طبعا لانها بتنتج من كام سنه و ما شاء الله مبيعاتها محترمه و الداستر نازله ٢٠١١

باختصار كده اللى عايز رفاهيه و اعتماديه و مش محتاج دفع رباعى و لا suv و حاطط فى دماغه سعر اعاده البيع الجيد هيفكر فى الاسكودا بينما اللى بيدور على سياره تتحمل البهدله و سعرها كويس و اعتماديه و suv ممكن يفكر فى الداستر

[ayman1204]

هى المقارنه صعبه بصراحه بس ممكن أولويات حضرتك هى اللى تسهل عليك الاختيار. يعنى مثلا
- محتاج جر رباعى فى استخدامك و لا مش فارقه؟ ( لو الاجابه نعم يبقى داستر)
- محتاج فتيس اتوماتيك و لا ممكن تتأقلم مع المانيوال و النقلات القصيره؟ ( لو فتيس اتوماتيك ضرورى يبقى سكودا)
- محتاج رفاهيه و كماليات كشرط اساسى للاختيار (لو نعم تبقى سكودا)
- محتاج وسع داخلى و مساحات تخزين كبيره ؟ (لو نعم يبقى داستر)
- لو بنتكلم فى ان العربيتين زيرو موضوع اسعار قطع الغيار بره التوكيل مش هتبقى نقطه للمقارنه قوى لان اللى بيشترى زيرو بيعمل صيانه فى التوكيل علشان الضمان و بالنسبه للتوكيل قطع غيار الداستر ارخص و ان كان الفارق مش كبير
- لو فارق معاك سعر اعاده البيع ( يبقى الاسكودا تكسب)
- لو محتاج عفشه للاستخدام الشاق يبقى الداستر تكسب و ان كانت عفشه الاسكودا محترمه طبعا لكن الداستر اقوى منها و الكلام على نسخه الدفع الرباعى بالذات
- لو بنتكلم عن ان الاتنين زيرو ؛ الداستر ارخص بفارق محترم عن الاسكودا و دى نقطه فى صالح الداستر اكيد
- لو بنتكلم فى الانتشار اكيد الاسكودا منتشره اكتر طبعا لانها بتنتج من كام سنه و ما شاء الله مبيعاتها محترمه و الداستر نازله ٢٠١١

باختصار كده اللى عايز رفاهيه و اعتماديه و مش محتاج دفع رباعى و لا suv و حاطط فى دماغه سعر اعاده البيع الجيد هيفكر فى الاسكودا بينما اللى بيدور على سياره تتحمل البهدله و سعرها كويس و اعتماديه و suv ممكن يفكر فى الداستر

ما شاء الله الاخ فسر لك كل شئ
بقى لك اختياراك انت وانت الاعلم به وليس نحن لان الفئتين مختلفين تماما ...