جين تو & هيونداي كوبيه & e36

[Arch Mohamed S]

مساء الخير
زي ما العنوان بيقول انا المفروض اني هشتري عربية في حدود الستينات
ف عاوز اعرف موضوع قطع الغيار مين الاحسن و قلة الأعطال و دي اهم حاجة
انا بصراحة ميال للكوبيه عشان شكلها مش بيهمني سرعة لأني مش بجري
و هل ينفع احول الكوبيه لأوتوماتيك ولا ؟ انا سمعت انها نفس موتور النترا 2006 بس شكل الفتيس من جوة مش هو هو يبقا ازااااي
و شكرا مقدما

[S O P H O S]

هو حضرتك هتجيب عربية علشان تفضل تغير وتحول وتتعب نفسك
انا راي كده تعب وملوش داعي
كلهم عربيات لو حالة نظيفة هتبقي قدام كده قلة اعطال الفروق بين نوع العربيات
والتوكيلات وقطع الغيار
لو حضرتك بتقارن الجين 2 مع الكوبيه انا هختار الجين (كراي)
اما عن ال e36 مش هتكلم عنها لانها لو حالتها نظيفة يبقي هي عربية بتوصف نفسها
والله اعلم ..

[Arch Mohamed S]

طيب تمام ناس كتير برضو قالتلي بلاش العب في العربية و طبعا البي ام هتبقي ممتعة اكتر لو مانيوال يبقا كده جين تو ان شاء الله لأني عاوز اوتو :(

شكرا علي ردك :)

[S O P H O S]

العفو يا باشا
وانتظر بردوا راي الاخوة للافادة ..

[SHNORY]

جين 2 لانها احدثهم موديلا
البي ام حتكون موديل قديم ومحدش بيبعها الا لما يفركها ويطلع عينها
والكوبيه مقدرش افيدك فيها

[Arch Mohamed S]

جين 2 لانها احدثهم موديلا
البي ام حتكون موديل قديم ومحدش بيبعها الا لما يفركها ويطلع عينها
والكوبيه مقدرش افيدك فيها

انا برضو كنت حاطط البي ام في اخر الاختيارات عشان موديل قديم و خلفي يعني محدش هيبقا محافظ عليها

الكوبية كانت عجباني عشان شكلها بس طلعت قطع الغيار اللي برة غالية و كمان هنا في قسم هيونداي مفيش ملاك ليها كتير فبعدت عنها

هي انشاء الله جين2 صاج قوي موتور كويس قطع غيار بنتنتشر كل سنة عن التانية شكل شبابي

شكرااااااا علي ردك يا باشا

[Mohab.Nabil]

جين 2 او كوبيه

انا شخصيا لو بختار هفضل الكوبيه

و الجين 2 قطع غيارها مش رخيصة اوى برضه

و استبعد البى ام عشان قديمة و صعب تلاقى حالة نضيفة و كده كده هتصرف عليها بقالها حوالى 20 سنة مثلا ماشية فى الشارع طبيعى ان حالتها مش هتبقى زى عربية ماشية بقالها 6 او 7 سنين

[NourElmansy]

التلات عربيات كل واحدة فيهم شخصية مختلفة عن التانية ..

انا لو بختار .. حقول جين2

فرق الموديل و الاعتمادية يكسب :)