بريليانس كروس ولا سانديرو ستيب واي؟؟؟

[m_galal_elgalaly]

انهي سيارة افضل..بريليانس كروس ولا رينو سانديرو ستيب واي...انا دماغى ضربت خلاص من المقارنة بينهم...كل شوية اميل لواحدة عن التانية...البريليانس كروس عاجبانى الاوبشنز اللى فيها اوي وشكلها حلو وصالونها واسع وشيك...الستيب واي شكلها من برة تحفة و اشيك من البريليانس بصراحة وفيها اوبشنز مش زي البريليانس بس مقبولة بس صالونها من جوة مش قد كدة بصراحة وكل ما اشوفها من جوة تقفلنى من ناحيتها وفى الاول وفى الاخر فرنساوي.....ارجوا الافادة بموضوعيى يعنى محدش يقوللي دي صيني ولا دي مغربي والكلام ده.وشكرا

[S O P H O S]

كراي فقط حاسس انهم مش يفرقوا كتير
بس سانديرو افضل لقدام
والله اعلم ..

[mido_1491]

والله العظيم انا نفس حرتك دى

[m_galal_elgalaly]

فعلا الواحد احتار...البريليانس فعلا خايف انها بعد 3 سنين تبقى عاملة زي مانت بتقول وان سعر اعادة البيع مش هيبقى كويس...والستيب واي عاملين فيها حاجات تحس انهم عاملينها عشان يخنقوا على الناس زي ان المارشدير لمبة واحدة اللى بتنور وزي ان لمبة الاشارات جوة التابلوه مش بتنورلك الاشارة اللى انت فاتحها ولمبة الحزام اللى موجودة بس مش بتنور طبعا غير الكلاكس اللى فى دراع الاشارة والزراير اللى فى التابلوه كل الحاجات دي مخليانى قافل من العربية بس ارجع فى الاول والاخر اقول يا واد سيبك من الكلام ده دي حاجات صغيرة وخليك فى المضمون وهو فى الاول و فى الاخر دي اسمها رينو...الواحد فعلا محتار لان مش كل يوم هيقدر

[amrelsha3er]

بص ياباشا
مبدئيا كويس انك عارف الستيب واى واوبشنها من لمبه اشاره ولمبه مرشدير(الالمانى كده)
عموما اللى قولته ده بيختلف من حد للتانى بالنسبه ليا مش فارق زراير الازاز فى التابلوه ايه اللى فيها مشكله!!
دراع النور فيه الكلكس انا شايف ان كده احلى فى السواقه احسن مايبقى قدام فى الطاره لان انت كده كده ايدك حول الطاره ومش عليها من ادام فده اسهل والموضوع بالتعود
انا كنت متردد زيك كده لحد ماحسمت الموضوع وكان فى كزا مقارنه وكان ممكن اجيب اغلى من كده
بس بصراحه اللى جمد قلبى من ناحيتها كزا حاجه منها توكيل محترم
بمعنى ايه محترم توافر قطع غيار وقطع غيارها مش غاليه زى مالناس كانت عماله تقول
يعنى انا قبل الشراء سائل على فانوس امامى ليها بخمسمائه وشويه
لو رفعت سماعه تليفونك على غبور وقوله فانوس فيرنا امامى هيقولك سبعمائه وشويه
يبقى مين اغلى!!! قطع غيراها معمره اتفرج على الفانوس وخامته داخليه وخارجيه
شوف تقفيلها من تقفيل البريليانس مش هقولك عشان صينى فى عربيات صينى كويسه زى ام جى وعربيه معديه ال100الف
بصراحه الصينى يعيبه نه مش معمر وعتقد ان سعر اعاده البيع فى الاتنين واحد ولو ان الرينو تكسب
سعرها معقول جدا على اد امكنياتها والاوبشن اللى فيها وده اللى خلانى اتوكل على الله واجيبها
برليانس يمكن احلى من جوه بس ميغركش المظاهر المهم الحاجه تبقى معمره وتستاهل فلوسها وده اللى لقيته فى رينو
اولا واخيرا الموضوع راحه نفسيه لو مش مرتاح للرينو سيبك منها وهات البرليانس والعكس
اتفرج عليهم تانى وحكم عقلك وشوف متطلباتك ايه
وربنا يكرمك

[m_galal_elgalaly]

بص ياباشا
مبدئيا كويس انك عارف الستيب واى واوبشنها من لمبه اشاره ولمبه مرشدير(الالمانى كده)
عموما اللى قولته ده بيختلف من حد للتانى بالنسبه ليا مش فارق زراير الازاز فى التابلوه ايه اللى فيها مشكله!!
دراع النور فيه الكلكس انا شايف ان كده احلى فى السواقه احسن مايبقى قدام فى الطاره لان انت كده كده ايدك حول الطاره ومش عليها من ادام فده اسهل والموضوع بالتعود
انا كنت متردد زيك كده لحد ماحسمت الموضوع وكان فى كزا مقارنه وكان ممكن اجيب اغلى من كده
بس بصراحه اللى جمد قلبى من ناحيتها كزا حاجه منها توكيل محترم
بمعنى ايه محترم توافر قطع غيار وقطع غيارها مش غاليه زى مالناس كانت عماله تقول
يعنى انا قبل الشراء سائل على فانوس امامى ليها بخمسمائه وشويه
لو رفعت سماعه تليفونك على غبور وقوله فانوس فيرنا امامى هيقولك سبعمائه وشويه
يبقى مين اغلى!!! قطع غيراها معمره اتفرج على الفانوس وخامته داخليه وخارجيه
شوف تقفيلها من تقفيل البريليانس مش هقولك عشان صينى فى عربيات صينى كويسه زى ام جى وعربيه معديه ال100الف
بصراحه الصينى يعيبه نه مش معمر وعتقد ان سعر اعاده البيع فى الاتنين واحد ولو ان الرينو تكسب
سعرها معقول جدا على اد امكنياتها والاوبشن اللى فيها وده اللى خلانى اتوكل على الله واجيبها
برليانس يمكن احلى من جوه بس ميغركش المظاهر المهم الحاجه تبقى معمره وتستاهل فلوسها وده اللى لقيته فى رينو
اولا واخيرا الموضوع راحه نفسيه لو مش مرتاح للرينو سيبك منها وهات البرليانس والعكس
اتفرج عليهم تانى وحكم عقلك وشوف متطلباتك ايه
وربنا يكرمك

اشكرك على ردك وافادتك...طيب معلش فى كام استفسار كدة
اولا :اخبار الفتيس معاك ايه ..هل ناعم معاك وسلس كدة ولا ايه عشان وانا بشوفها فى المعرض كنت بجرب الفتيس وهى واقفة حسيت انه ناشف شوية وكنت سامع صوت الغيارات عالى اوى.
ثانيا:هل فعلا بتحس ان صوت الموتور عالى..عشان فى ناس كانت معلقة على الموضوع ده.
ثالثا:هل فعلا بتحس بسخونة عند رجليك وانت سايق.
رابعا واخيرا:هل العربية من جوة واسعة وشنطتها كويسة..مع العلم انى متزوج ومعايا اطفال واللعربية اللى معايا دلوقتى نوبيرا ...انا عارف طبعا ان اكيد النوبيرا اكبر بس هل الفرق هيبقى جامد ولا مقبول...وجزاك الله كل خير

[amrelsha3er]

اشكرك على ردك وافادتك...طيب معلش فى كام استفسار كدة
اولا :اخبار الفتيس معاك ايه ..هل ناعم معاك وسلس كدة ولا ايه عشان وانا بشوفها فى المعرض كنت بجرب الفتيس وهى واقفة حسيت انه ناشف شوية وكنت سامع صوت الغيارات عالى اوى.
ثانيا:هل فعلا بتحس ان صوت الموتور عالى..عشان فى ناس كانت معلقة على الموضوع ده.
ثالثا:هل فعلا بتحس بسخونة عند رجليك وانت سايق.
رابعا واخيرا:هل العربية من جوة واسعة وشنطتها كويسة..مع العلم انى متزوج ومعايا اطفال واللعربية اللى معايا دلوقتى نوبيرا ...انا عارف طبعا ان اكيد النوبيرا اكبر بس هل الفرق هيبقى جامد ولا مقبول...وجزاك الله كل خير

بص ياباشا
الفتيس ناعم جدا وغيارته قريبه جدا فى موضوع فى قسم رينو انا عامله اسمه ستيب واى بالتفصيل خش واقراه هيفيدك وع ذلك هكرر الكلام تانى عشان خطرك هنا
زى ماقلتلك الفتيس ناعم جدا والغيارات قريبه يعنى غالبا مبتجبش الاول ده الا والعربيه واقفه تديها التانى فى الغالب لو مهدى فى اشاره او مطب موضوع الصوت وهى فى المعرض ده ملوش اى علاقه وهى ماشيه انا كنت زيك وخايف من الصوت ده برضو وانا بتفرج عليها بس وهى ماشيه مفيش الهوا فى الفتيس
صوت الموتور اه عالى نسبيا بس وانت جوا ومشغل الكاسيت والعوامل المحيطه مش بتحس بحاجه اعلى اكتر للى بره من اللى جوه وفى ناس قالت بعد ال5الاف الصوت بيتحسن لان انا لسه مكملتش الف ك
موضوع السخونه ده لمابتسوق لمسافات طويله نص ساعه ولا ساعه ديركت مثلا حسيت بيها مره واحد بس مش سخونه تلسع يعنى لا دفا كده من ناحيه الدواسه مش الدواسه نفسها اللى سخنه لا سخونه بسيطه جايه من ورا الدوسات ودى ناوى اقولهم عليها فى الصيانه
العربيه وسعها معقول جدا كاكنبه وشنطه حلوين جدا انت اكيد اتفرجت وشوفت شنطتها حلوه وبتشيل وخاصه انها عاليه
انا قولتلك بمنتهى الحياديه اللى فى العربيه وليك حريه الاختيار
ربنا يوفقك واى استفسار انا تحت امرك

[m_galal_elgalaly]

بص ياباشا
الفتيس ناعم جدا وغيارته قريبه جدا فى موضوع فى قسم رينو انا عامله اسمه ستيب واى بالتفصيل خش واقراه هيفيدك وع ذلك هكرر الكلام تانى عشان خطرك هنا
زى ماقلتلك الفتيس ناعم جدا والغيارات قريبه يعنى غالبا مبتجبش الاول ده الا والعربيه واقفه تديها التانى فى الغالب لو مهدى فى اشاره او مطب موضوع الصوت وهى فى المعرض ده ملوش اى علاقه وهى ماشيه انا كنت زيك وخايف من الصوت ده برضو وانا بتفرج عليها بس وهى ماشيه مفيش الهوا فى الفتيس
صوت الموتور اه عالى نسبيا بس وانت جوا ومشغل الكاسيت والعوامل المحيطه مش بتحس بحاجه اعلى اكتر للى بره من اللى جوه وفى ناس قالت بعد ال5الاف الصوت بيتحسن لان انا لسه مكملتش الف ك
موضوع السخونه ده لمابتسوق لمسافات طويله نص ساعه ولا ساعه ديركت مثلا حسيت بيها مره واحد بس مش سخونه تلسع يعنى لا دفا كده من ناحيه الدواسه مش الدواسه نفسها اللى سخنه لا سخونه بسيطه جايه من ورا الدوسات ودى ناوى اقولهم عليها فى الصيانه
العربيه وسعها معقول جدا كاكنبه وشنطه حلوين جدا انت اكيد اتفرجت وشوفت شنطتها حلوه وبتشيل وخاصه انها عاليه
انا قولتلك بمنتهى الحياديه اللى فى العربيه وليك حريه الاختيار
ربنا يوفقك واى استفسار انا تحت امرك

جزاك الله كل خير .....وانا فعلا استفدت من اجاباتك القيمة و ان شاء الله انا لسة قدامى شهر تقريبا هعيد التفكير جديا فى الستيب واي لأنى كنت مايل اكثر للبريليانس كروس بصراحة.