احترت بجد .. جين 2 ولا لانسر

[batros]

ازيكوا يا اجمد شباب :

المشكله ببساطه ان انا معايا لانوس وما ادراكو ما الانوس .. عموما ممكن ادبر فى حدود 65 بالعافية اجيب ايه بيهم مع العلم انى محتاجه عربية اوتوماتيك عشان الحياه بقت صعبة اوى بالمانوال وكمان انا مشاويرى كتير (4000 كم فى الشهر )
المهم بعد بحث لقيت ان المقارنه محصوره بين الجين 2 والانسر ال 1300 (عشان لو 1600 هتكون الحاله مش تمام)
تنصحونى بايه ؟
مع الاخذ فى الاعتبار انى
بمشى كتير بالعربية زى ما قلت وده يتطلب حاجه مش بتاكل بنزين
- بسافر كتير وده يتطلب موتور كويس
قطع غيار متوفره ورخيصه

عارف انى هتعبكوا معايا بس مش لاقى اجدع من شباب المنتدى ده ينصحونى

[M I D O]

ازيكوا يا اجمد شباب :

المشكله ببساطه ان انا معايا لانوس وما ادراكو ما الانوس .. عموما ممكن ادبر فى حدود 65 بالعافية اجيب ايه بيهم مع العلم انى محتاجه عربية اوتوماتيك عشان الحياه بقت صعبة اوى بالمانوال وكمان انا مشاويرى كتير (4000 كم فى الشهر )
المهم بعد بحث لقيت ان المقارنه محصوره بين الجين 2 والانسر ال 1300 (عشان لو 1600 هتكون الحاله مش تمام)
تنصحونى بايه ؟
مع الاخذ فى الاعتبار انى
بمشى كتير بالعربية زى ما قلت وده يتطلب حاجه مش بتاكل بنزين
- بسافر كتير وده يتطلب موتور كويس
قطع غيار متوفره ورخيصه

عارف انى هتعبكوا معايا بس مش لاقى اجدع من شباب المنتدى ده ينصحونى

هية الجين 2 تحفة طبعا بس لازم تكون حالتها كويسة و عربية قوية جدا بس موضوع استهلاك البنزين بتاعها جوة البلد كتير شوية وعلي الطريق المفتوح جميل جدا علي حسب ما قرات وبالنسبة للانسر برضو قرات عنها شوية انها عربية كويسة بس موضوع 1300 دة علي العربية مخلي العربية سحبها اقل شوية خصوصا الاتوماتيك وكمان لو معا التكييف بيكون ضعيف اوي بس البنزين هيكون قليل اكيد يعني في الاستهلاك بحيث انها 1300 وكدة انا قلت الي اعرفة وربنا يوفقك في الاختيار ان شاء الله ولا تنسي الاستخارة استني برضو باقي الاعضاء يمكن اكون غلط في حاجة وهما ادري مني

[Sehsss]

طالما بتدور على حاجة موفرة في البنزين وهاتعمل بيها كيلو متر كتير تبقى اللانسر أفضل

[S O P H O S]

فكر فالكورولا او الياريس
توفير فالبنزين وقطع غيار واعتمادية
مجرد راي ليس الا ..