مش عارف الموضوع فى مكانه ولا لا بس دا العشم

[maaheer]

انا اشتريت عربية ريتمو موديل 80 معقولة بنسبة 80 فى المي

فبريكة حوض وشنطة رشة برة لون كورمبى بس مش عارف ليه فى الرخصة اللون ازرق

مكنة 1500 رخصة تنتهى 29/1/2013 وفحص 2013

سنتر وانزار كوتش تيوبلس وجنوط كاسيت فلاشة وسماعات على القد

انا اشتريتها من السوق وصاحبها من زهراء مصر القديمة المعادى واحنا فى السوق مكنش فيها بنزين اللمبة بتنور وتطفى اه على فكرة جميع العدادات شغالة ماعدا ال rpm عاوز مؤشر

المهم حطينا 10 لتر من البنزية اللى على الدائرى ووصلته المعادى وبعد كدا روحت على الزقازيق شرقية

حوالى 160 كيلو المشوار وعند البيت واللمبة راحت منورة تانى

كدا بقى الاستهلاك حلو ولا ايه ؟؟؟

ثانيا اكتشفت مشكلتين وانا ماشى

الاولى ان الغيار الاول والتانى فى الفتيس بيعضو يعنى باسمع الصوت اللى حضرتكوا عارفيه من الفتيس

ولقيت الباب بتاعى مع المطبات فى رزعة بسيطة كده

ممكن بعد اذنكم الحلول للمشاكل والنصيحة

اه الحوض فيه البار اللى ماسك بين الكرتيرتين هو الراجل اللى عاملة

الصالون جيد وطبعا استبن وطفاية

السعر بقا 10750 الف جنية حداشر الا ربع

ايه يا جماعة انضحك عليا ولا ايه

البوهية برة جيده جدا حاجات بسيطة جدا فى السقف

انا مبقى 1000 جنية لحد بكرة على منروح نعمل التوكيل ونجيب المخالفات