ماذا تشترى فى حدود 170 - 190 الف جم

[mohammedrefaat]

انا بسال ايه العربيه اللى الواحد يقدر يتشريها فى حدود المبلغ ده 170-190 الف جم زيرو او تكون كسر زيرو يعنى عامله 20 الف او 30 الف كم بالكتير و تكون عربيه فيها كل حاجه ممكن الواحد يطلبها و تكون اتساعها كويس و ثباتها عالى و يكون ليها وكيل الى حد ما كويس ( بما ان كل وكلاء السيارات فى مصر نص كم)
انا فكرت فى المرسيدس او بى ام دبليو او فانتازيا او بيجو انا استبعدت الهوندا علشان واطيه جدا جدا على الارض و خصوصا كميه المطبات اللى عندنا فى البلد و ارتفاعتها الشاهقة تقولش المهندس اللى بيبنيها ده كان بيبنى سور علشان محدش يعدى من الشارع بس مالحقش يكمله

ياريت لو الاقى حد يكون عنده ايجابه كويسه ؟؟

[dede_dodo88]

Fantasia, Focus, Impreza, Astra

[Sehsss]

فورد فوكاس أو فانتازيا زيروووووو

[walid auto]

فولكس فاجن اماروك

[S O P H O S]

قشقاي ..

[yehiaseg]

من فضلك اعمل تست درايف ل الفورد فوكس السيدان هيه للامانه منقدرشي نقول واسعه بس معقوله لاسره صغيره. وتست درايف للامبريزا السوبارو وكمان شوف بالمره ال xv ممتازه كعربيه بس مش فيها كل حاجه . ولازم طبعا تجرب ال استرا المهم ماتستعجلشي خالص

[mohammedrefaat]

من فضلك اعمل تست درايف ل الفورد فوكس السيدان هيه للامانه منقدرشي نقول واسعه بس معقوله لاسره صغيره. وتست درايف للامبريزا السوبارو وكمان شوف بالمره ال xv ممتازه كعربيه بس مش فيها كل حاجه . ولازم طبعا تجرب ال استرا المهم ماتستعجلشي خالص

بصراحه انا نزلت و اتفرجت على الاسترا السيدان 2013 وبصراحه عجبتنى جدا جدا و اتفرجت على الفانتازيا جميله جدا بس الاسترا احسن ولما سالت الراجل فى المعرض قاللى الفانتازيا افضل لانها بقت شعبيه و تعرف تبيع و تشترى فيها فى اى وقت و فلوسها فيها غير ان وكيلها كويس اما الاسترا فسعر بيع زباله ووكبل ازبل اتفرجت على السوبارو امبريزا العربيه حلوه بس الوكيل و قطع الغيار و اعاده البيع يخلونى ابعد عنها تمام

[طارق _عبد السلام]

الفانتازيا

[mohammedrefaat]

الفانتازيا

اتصلت بارتوك اوتو من شوية و سالته احجز ازاى و بكام قاللى انه مافيش حجز لان العربيه مش موجوده دلوقت و قاللى انه مايعرفش الشحنه اللى جاية هاتيجى فيها ايه بالظبط و قاللى انه ماينفعش يحجز حاليا يا ريت لو تفيدنى فى الموضوع ده اتصلت قبل كده بسمير ريان و سالته على الفئة الثانية فى الفانتازيا قالى انها مش موجوده حاليا وانه هايبيعها ب 196 الف مع ان سعرها فى الوكيل 191 الف
تنصحنى اعمل ايه ؟؟؟

[yehiaseg]

تمام اوي , لازم برضو تروح تجرب الفورد والاسترا كركوبه وسواقه بس لازم تكون مجمع معلومات جامده قبل ماتروح، رأي شخصي عن الفانتازيا انا مقدرشي ادفع ١٨٠ الف في عربيه موجوده فعليا من ٧ سنين . وجهه نظر

[mohammedrefaat]

تمام اوي , لازم برضو تروح تجرب الفورد والاسترا كركوبه وسواقه بس لازم تكون مجمع معلومات جامده قبل ماتروح، رأي شخصي عن الفانتازيا انا مقدرشي ادفع ١٨٠ الف في عربيه موجوده فعليا من ٧ سنين . وجهه نظر

و الله انا كمان راى من رايك علشان كده شوفت الاسترا و ركبتها بس تعمل ايه فى البلد بتاعتنا و وكيل الاوبل لا فكرة السوق هاتتغير عن البيع و الشرا عن الاوبل المستعمل ولا وكيل اوبل هاينضف اكتر من كده و كفاية سمعته اللى زى الطبل

بخصوص الفورد فانا كان نفسى اركب فورد مونديو بس مش عارف اشوفها فين و سعرها كام ؟؟

[yehiaseg]

هيا المونديو موجوده في فكري جروب وكيل فورد عيبها الوحيد انها مانيوال فقط وفي منها مستويين واحد ب ١٩٠ والتاني ب ٢١٥ تقريبا، الي ب ١٩٠ دي فيها كل حاجه ماعدا البلوتوث وفتحه السقف وشويه حاجات ده من الرفايع مشكلتها فعلا انها مش اوتوماتيك وموتورها زي الفوكس ١٢٥ حصان و ١٦٠٠ سي سي بس.

[mohammedrefaat]

هيا المونديو موجوده في فكري جروب وكيل فورد عيبها الوحيد انها مانيوال فقط وفي منها مستويين واحد ب ١٩٠ والتاني ب ٢١٥ تقريبا، الي ب ١٩٠ دي فيها كل حاجه ماعدا البلوتوث وفتحه السقف وشويه حاجات ده من الرفايع مشكلتها فعلا انها مش اوتوماتيك وموتورها زي الفوكس ١٢٥ حصان و ١٦٠٠ سي سي بس.

لو الفوكاس زى المونديو فى قوة الموتور يبقى الفوكاس افضل لانها ارخص و كمان فيها كل الامكانيات تقريبا

[طارق _عبد السلام]

اتصلت بارتوك اوتو من شوية و سالته احجز ازاى و بكام قاللى انه مافيش حجز لان العربيه مش موجوده دلوقت و قاللى انه مايعرفش الشحنه اللى جاية هاتيجى فيها ايه بالظبط و قاللى انه ماينفعش يحجز حاليا يا ريت لو تفيدنى فى الموضوع ده اتصلت قبل كده بسمير ريان و سالته على الفئة الثانية فى الفانتازيا قالى انها مش موجوده حاليا وانه هايبيعها ب 196 الف مع ان سعرها فى الوكيل 191 الف
تنصحنى اعمل ايه ؟؟؟

فعلا انا سمعت من ناس كتير
ان العربيه مش موجوده او بتشطب من السوق والموجود بيباع بأوفر برايس
لخوف بعض الناس من موتور وفتيس الموديل الجديد لاوكتافيا خلى الاقبال على
الفانتازيا زاد
ربنا يوفقك لما هو خير لك ان شاء الله

[mohammedrefaat]

فعلا انا سمعت من ناس كتير
ان العربيه مش موجوده او بتشطب من السوق والموجود بيباع بأوفر برايس
لخوف بعض الناس من موتور وفتيس الموديل الجديد لاوكتافيا خلى الاقبال على
الفانتازيا زاد
ربنا يوفقك لما هو خير لك ان شاء الله

استاذ طارق انا لسمه مكلم المسئول عن المبيعات فى مركز الاقصى وقالى كام حاجه كده حبيت اقلك عليهم و فى ضوئهم حضرتك انصحنى :

الفناتزيا موجوده باوفر برايس 5000 جم للبيز لاين 7000 السبورت الاليجانس مش موجوده و لو موجوده فالاوفر برايس بتاعها 10000 جم

الشكل الجديد هاينزل لى شهر 4 ان شاء الله و هايبقى احلى من الموجود حاليا امكانيات و شكل
قاللى ن الناس خايفه من الشكل الجديد من حيث الموتور و الفتيس و قاللى ان اللى هاينزل هينزل موتور 1600 cc زى الموجود حاليا بس هايبقى 126 حصان مش 102 بس الفتيس هايبقى DSG فوضحتله ان المشكله فى الفتيس بالنسبه ليا او لاى حد بيشتريها دلوقت قاللى ماتخافش انا روحت كرواتيا و حضرت الندوه الافتتاحية عن العربيتين الاوكتافيا و الرابيد و قاللى انهم فى سكودا غيروا وحدة المياترونيك اللى كان فيها المشاكل كلها و انها هاتبقى حاجه تانى غير الموجوده حاليا و انه هاينزل دعايه كبيره فى التليفزيون و الجرائد على العربيه و على الفتيس تحديدا علشان تطمن الناس و طلبت رايه اذا كنت اشترى الشكل الموجود حاليا ولا اللى لسه هاينزل نصحنى و قاللى استنى اللى لسه هاينزل لانه افضل بكتير و اكدتله على موضوع الفتيس قاللى المشكله بتاعته اتحلت و مش هايبقى فيه مشاكل ان شاء الله

بناء على ما سبق ... تنصحنى بايه ؟؟؟