اركب ايه بعد الشارك الجي تي؟؟؟

[khaledmekawy2008]

بعد ما استغنيت عن محبوبتي اللانسر الشارك الجي تي اللي هي 2000 سي سي بكل كمالياتها اللي كانت رافعة راسي قدام اي عربية في فئتها او اعلي منها او حتي اي 2000 سي سي بقالي مدة بفكر اركب ايه بعد الشارك مش عارف كل ما افكر فالياباني دماغي تروح يا للشارك يا اما السيفيك فقط لا غير والمشكلة اني عايز عربية احس فيها بفرق عن الشارك من حيث الموتور والثبات وفي نفس الوقت مفهاش مشاكل ومعمرة وتستحمل وتوكيلها كويس
انا بعشق العربيات الياباني لانها بتعيش وبتستحمل كتير ومشاكلها قليلة

العربية اللي هجبها هتكون مستعملة خصوصا اني هغير ان شاء الله بعد سنة

فياريت اعرف رايكوا ايه فالحيرة اللي انا فيها دي وايه العربية اللي هحس فيها بفرق واني ركبت حاجة اعلي
ورينج السعر لغاية 150 الف
ياريت تفيدوني لاني خايف اكون ندمت اني بعت الشارك

[S O P H O S]

كراي لو يابانـــي
يبقي مفيش غير الــسيــفيــك
والله اعلم ..

[fisha]

سيفيك تحفة فنية بس لو هتعرف تتعامل انها واطية عن الارض مع انها مش عيب بس فى الطرق عندنا عيب غير كدا العربية مفيش كلام عليها

[amrelsha3er]

هتركب بعد الشارك ايه ده سؤال مهم فعلا ومحير
يبقى فعلا ياسيفك ياالمانى بقى

[i_Am_Legend]

الامبريزا الجديدة...وعموما سوبارو..اعلي عربية في الياباني...وممكن تشوف اللينيا الجديدة..

[AlGazar2]

الامبريزا الجديدة من غير كلام احسن من الشارك الى فى مصر بمراحل

[Saeed-Taha]

مازدا سوبارو سيفك او ألمانى بقى

[yyy]

استني الاوكتافيا الجديده 2013

هوا انت بعت الشارك ليه ؟
وياريت تبعتلي سعر بيعها علي الخاص علشان انا بفكر فيها و عاوز اعرف رينج الاسعار الفعلي مش اسعار كونتاكت ؟

[omar-saad]

بعد ما استغنيت عن محبوبتي اللانسر الشارك الجي تي اللي هي 2000 سي سي بكل كمالياتها اللي كانت رافعة راسي قدام اي عربية في فئتها او اعلي منها او حتي اي 2000 سي سي بقالي مدة بفكر اركب ايه بعد الشارك مش عارف كل ما افكر فالياباني دماغي تروح يا للشارك يا اما السيفيك فقط لا غير والمشكلة اني عايز عربية احس فيها بفرق عن الشارك من حيث الموتور والثبات وفي نفس الوقت مفهاش مشاكل ومعمرة وتستحمل وتوكيلها كويس
انا بعشق العربيات الياباني لانها بتعيش وبتستحمل كتير ومشاكلها قليلة

العربية اللي هجبها هتكون مستعملة خصوصا اني هغير ان شاء الله بعد سنة

فياريت اعرف رايكوا ايه فالحيرة اللي انا فيها دي وايه العربية اللي هحس فيها بفرق واني ركبت حاجة اعلي
ورينج السعر لغاية 150 الف
ياريت تفيدوني لاني خايف اكون ندمت اني بعت الشارك

هو فى لانسر شارك gt فى مصر؟

[homos99]

انت هتقولي على اللانسر عموما ما شاء الله عربية اعتمادية وعفشة وثبات ومواتير وقطع غيار زي الفل والسيفيك هايلة بس موديل 2010.

[IronHead]

السيفيك والامبيزا اللى عندنا ال1600 اداء اقل من الGT
انت كان حلك تقلبها EVO عشان همنا ملكس حل غير حاجه فيها turbo بس التربو عايز 92
يا اما بقى هتتضر تكع عشان تجيب BMW 320

[Formulator]

شوف
دايما مشكلة النزول من عربية عالية (لانسر GT 2.0 أو غيرها)..
مش بس قوة الموتور (الـ150 حصان اللى مش هتلاقيهم إلا فـ عربية تربو زى الجولف-البرافو أو e90)،

لكن المشكلة الأكبر هى الهاندلينج والثبات اللى كانوا mated مع الباور دى؟!!!

يعنى
- أنا أعرف كتييييييير نزلوا من عربيات جامدة بس جيل-فات (e46-فكترا B2 أو حتى 406)
ولما باع لقى الفلوس اللى معاه تجيبله عربية كورى-يابانى جديدة؟!!

لو هو بيجرى ورجله ثقيلة عـ العربية..
للأسف بيبقى disappointed وأحيانا بتحصل كوارث بقى:
بياخد ملف متعود ياخدة بسرعة عالية،
بيأخر الفرامل ومتعود ان فرامل عربيته القديمة بتسعفه،
أو ممكن بياخد غرزة وبيدور عـ الـkick (اللى خد عليها) ولقاها متجيبوش؟؟!!
وسيبك من الكلام حساسية السواق للعربية وتعمل أيه وماتعملش أيه...etc
دا الواحد بيركب عربية غير عربيته مشوار واحد، بينسى

فـ الآخر
دور على عربية عالية used عشان ماتضايقش؟!!
(ده لو انت Spirited-driver وبتستمتع بركوب العربيات).

Rgds،

[khaledmekawy2008]

سيفيك تحفة فنية بس لو هتعرف تتعامل انها واطية عن الارض مع انها مش عيب بس فى الطرق عندنا عيب غير كدا العربية مفيش كلام عليها

المشكلة عندي مش في انها واطية المشكلة اني عايز ثبات اكتر من الشارك بغض النظر عن اي حاجة

[khaledmekawy2008]

الامبريزا الجديدة...وعموما سوبارو..اعلي عربية في الياباني...وممكن تشوف اللينيا الجديدة..

انا معرفش اي حاجة عن السوبارو وكمان مش منتشره زي باقي العربيات وخايف من توكيلها وقطع غيارها فياريت لو عندك معلومات كافية تعرفهالي بالتفصيل اما بالنسبة للينيا انا مبفكرش فيها خالص

[khaledmekawy2008]

الامبريزا الجديدة من غير كلام احسن من الشارك الى فى مصر بمراحل

الشارك اللي معايا مكنتش زي الشارك اللي فمصر دي الشارك الجي تي اللي بتنزل فالخليج