V5 vs داستر

[dr_k]

ارجو الافادة مين افضل وليه؟ داستر ولا v5 خصوصا انهم نفس السعر تقريبا

[dr_k]

ايه يا جماعة ما حدش عارف اي حاجة ولا ايه؟

[amrelsha3er]

v5 اللى هى اوكتافيا تقصد a5!??
ولا ايه!!

[S O P H O S]

v5 اللى هى اوكتافيا تقصد a5!??
ولا ايه!!

لا يا باشا
يقصد بريليانس ..

[Land_Cruiser]

ال v5 و الداستر بنفس السعر و اكيد ده سبب المقارنه اللى حضرتك طالبها . اكيد طبعا الاختيار هيكون حسب أولويات حضرتك و لكنى سوف أضع لك النقاط الأساسية و حضرتك تشوف منها اللى محتاجه

الجر الرباعى : موجود فى الداستر فقط
ناقل الحركه الاتوماتيك : فى ال v5 فقط
الشكل الخارجى : مسأله أذواق و لكن من وجهه نظرى ان التقليد من ماركه او موديل تانى حتى بيقلل من تصميم العربيه و بيخليها دائما فى المركز التانى
الكماليات : اكتر فى v5
التوكيل : توكيل رينو افضل
سعه الشنطه: الداستر اكبر (٤٧٥ لتر) بينما ال v5 السعه هى 430 لتر

[مدحت البلبيسى]

انصحك بالبريليانس احسن من الداستر واخل على قسم البريليانس وشوف التقرير والعربية معايا 9000كيلو زى الفل ماشاء اللة

[omskmaher]

الاعتماديه فى صالح الداستر والقوه والماركه اما الكامليات فى صالح البريليانس
انا انصح بالداستر

[dr_k]

يا جماعة انا كدة احتارت اكتر
انا برضه بركز على الاعتمادية واسعار قطع الغيار وسعر اعادة البيع

[dr_k]

انصحك بالبريليانس احسن من الداستر واخل على قسم البريليانس وشوف التقرير والعربية معايا 9000كيلو زى الفل ماشاء الله

انا قريت الموضوع ده كاملا بكل تعليقاته بس بصراحة ما جاوبش على اللى انا عايزه سؤالي هو عل العربية دي اعتمادية ومعمرة والعفشة هتستحمل الطرق وموضوع الجنط ال 17 ده لانه معقدني بصراحة فى السيراتو هي صحيح العربية جميلة جدا بس خايف اجيبها العربية ما تستحملش معايا لان مسألة التغيير بالنسبة ليا صعبة فى الفترة الجاية والعربية وهي جديدة بتبقى حلوة مهما كان نوعها
ونقدر نلخص الموضوع ده في سؤال بسيط لان العربية لسة جديدة
هل شركة بريليانس بتاريخها تقدر بال V5 تنافس الداستر بتاريخ شركة رينو المعروف ؟
مش بقول العربية تستحمل طول العمر بس على الاقل 5سنين

[amrelsha3er]

ياباشا داستر طبعا
لفرق شاسع بين فخامه وتقفيل وخامات وتوكيل و و و كتير اوى
اركب كده v5 فى معرض وشوف الخامات الصينى صينى مفيش امل برضو

[Land_Cruiser]

اعتقد فى الاول اى حاجه جديده بيبقى شكلها حلو و بتلمع لكن بعد سنتين تلاته بيبدأ الفرق يظهر بين ماركه و التانيه.اللى بيدور على كماليات فى المقام الاول هيروح لل V5 بس هيضطر يستحمل كونها تقليد صريح من ماركه تانيه و الله اعلم بالاعتماديه لأنها لسه نازله جديد بس انا بصراحه كمان لما شفتها من جوه جه فى دماغى على طول Made In China . بصراحه مش شايف اى سبب للنقل من ماركه تانيه بالطريقه دى فى حين ان الموديلات الاقل زى ال cross و ال frv تصميمهم حلو و مش تقليد من حد و لا حتى ألجالينا او السبلندور . فى نقطه كمان مهمه ان ال v5 مليانه كماليات لكن بصراحه دى سلاح ذو حدين فقد تكون سبب للمشاكل إذا بدأت تبوظ بعد فتره . بالنسبه للداستر عيبها الوحيد انها مانيوال و دى نقطه مهمه جدا لأن مش اى حد ممكن يدفع ١٣٦ الف جنيه فى عربيه مانيوال برضه خاصه انه ممكن يجيب عربيات كتير اتوماتيك إلا لو كان عنده اعتبارات تانيه اهم من ناقل الحركه زى العفشه و الجر الرباعى و التصفيح من تحت العربيه بالكامل و برضه معاه اسم الصانع العريق اللى بيضمن حد أدنى من الجوده و المواصفات الاوروبيه للأمان لا يمكن هينزل عنها بالاضافه الى انها موجوده فى السوق من ٢٠١١ .من وجهه نظرى ان المخاطره منحصره فى ال V5 لانها اول سنه تنزل عندنا و لسه لم تختبر بما يكفى للحكم عليها و خاصه من الحاجات اللى عليها علامات استفهام سعر الجالينا اللى نزل فجأه برضه بينما الداستر مفيهاش اى حاجه غير موضوع المانيوال و ان كان ده له سبب و هو علشان موضوع الدفع الرباعى مع التقيد ب موتور ١٦٠٠ سى سى لكن غير كده الموتور و التقفيل و الخامات و الثبات و الامان و العفشه و معاهم الماركه والتوكيل مضمونين و على فكره نفس الموضوع لينطبق على المقارنه بين العربيات الاوروبى و الصينى او الاوروبى و الكورى فدائما هتلاقى ان الاساسيات فى صالح الاوروبى بينما عدد الكماليات فى صالح الكورى و الصينى و ذلك لتعويض فرق الماركه و نتيجه لرخص الايدى العامله فى آسيا عن أوروبا و فرق الخامات و حاجات تانيه كتير فلو عربيه اوروبى نازله سعرها قليل هتلاقى كمالياتها قليله و لو عايز كماليات اكتر هتبقى بمبالغ عاليه قوى فى حين ان فى الصينى السعر قليل و الكماليات كتير و المخاطره برضه موجوده و المستهلك براحته يختار حسب اولوياته

[dr_k]

اعتقد فى الاول اى حاجه جديده بيبقى شكلها حلو و بتلمع لكن بعد سنتين تلاته بيبدأ الفرق يظهر بين ماركه و التانيه.اللى بيدور على كماليات فى المقام الاول هيروح لل v5 بس هيضطر يستحمل كونها تقليد صريح من ماركه تانيه و الله اعلم بالاعتماديه لأنها لسه نازله جديد بس انا بصراحه كمان لما شفتها من جوه جه فى دماغى على طول made in china . بصراحه مش شايف اى سبب للنقل من ماركه تانيه بالطريقه دى فى حين ان الموديلات الاقل زى ال cross و ال frv تصميمهم حلو و مش تقليد من حد و لا حتى ألجالينا او السبلندور . فى نقطه كمان مهمه ان ال v5 مليانه كماليات لكن بصراحه دى سلاح ذو حدين فقد تكون سبب للمشاكل إذا بدأت تبوظ بعد فتره . بالنسبه للداستر عيبها الوحيد انها مانيوال و دى نقطه مهمه جدا لأن مش اى حد ممكن يدفع ١٣٦ الف جنيه فى عربيه مانيوال برضه خاصه انه ممكن يجيب عربيات كتير اتوماتيك إلا لو كان عنده اعتبارات تانيه اهم من ناقل الحركه زى العفشه و الجر الرباعى و التصفيح من تحت العربيه بالكامل و برضه معاه اسم الصانع العريق اللى بيضمن حد أدنى من الجوده و المواصفات الاوروبيه للأمان لا يمكن هينزل عنها بالاضافه الى انها موجوده فى السوق من ٢٠١١ .من وجهه نظرى ان المخاطره منحصره فى ال v5 لانها اول سنه تنزل عندنا و لسه لم تختبر بما يكفى للحكم عليها و خاصه من الحاجات اللى عليها علامات استفهام سعر الجالينا اللى نزل فجأه برضه بينما الداستر مفيهاش اى حاجه غير موضوع المانيوال و ان كان ده له سبب و هو علشان موضوع الدفع الرباعى مع التقيد ب موتور ١٦٠٠ سى سى لكن غير كده الموتور و التقفيل و الخامات و الثبات و الامان و العفشه و معاهم الماركه والتوكيل مضمونين و على فكره نفس الموضوع لينطبق على المقارنه بين العربيات الاوروبى و الصينى او الاوروبى و الكورى فدائما هتلاقى ان الاساسيات فى صالح الاوروبى بينما عدد الكماليات فى صالح الكورى و الصينى و ذلك لتعويض فرق الماركه و نتيجه لرخص الايدى العامله فى آسيا عن أوروبا و فرق الخامات و حاجات تانيه كتير فلو عربيه اوروبى نازله سعرها قليل هتلاقى كمالياتها قليله و لو عايز كماليات اكتر هتبقى بمبالغ عاليه قوى فى حين ان فى الصينى السعر قليل و الكماليات كتير و المخاطره برضه موجوده و المستهلك براحته يختار حسب اولوياته

تسلم يا باشا بصراحة جبت من الاخر وقلت اللى انا حاسه وبحاول اكدب نفسي
البريليانس فعلا جديدة وده لا ينفي ولا يمنع انها ممكن تكون كويسة فعلا لكن انا ماعنديش استعداد اخاطر بصراحة