استطلاع ماذا تشترى فى حدود 100000 موديل 2012/2013

[MoH.SaLaDiN]

ولو حبيت تذكر اسباب اختيارك او مميزات العربية اللى بترشحها ولو كان فى تجربة شخصية تحب تضيفها وذلك من اجل الاستفادة العامة

[S O P H O S]

اعتقد ان الناس هتقول الصني والاوبترا والريو واحدة من الثلاثة
بس لو انا فكرت هزود سنه واجيب مستعمل حديث
-- سيفيك 2008 الي 2010
-- او سيات ليون 2008 بردوا لو عاوز هتشباك
مجرد راي يميل للخطأ اكثر من الصواب
بالتوفيق اخي الكريم ..

[MoH.SaLaDiN]

والله وجهة نظرك تحترم بل بالعكس انا اؤيدك تماما للاسف كل العربيات اللى فى السعر ده مش بتكفى متطلبات و طموح اللى راكبها يعنى معظمهم base line فا حتلاقى تقريبا مفيش وسائل امان كافية الا قليل اوي و حتى اللى موجودة فيها تكون مانيوال مش اتوماتيك فعلا انا مش متخيل ازاى يكون معاك 100000 ومش لاقى عربية جديدة حلوة عشان تشتريها
طبعا السعر ده يجيبلك حاجة مستعملة ممتازة بس للاسف سوق المستعمل فلى مصر كله غش عشان كده معظم الناس بتبعد عنه وانا اولهم

[MoH.SaLaDiN]

يالا يا رجالة nilemotors عايزين مشاركة عشان الناس تستفيد

[Mostafa.Mahran]

الاوبترا اوتو

اكتر عربية تعتبر اعتمادية و سهلة فى كل حاجة

[abogharib]

كيا ريو او نيسان صنى او اكسنت اربى
او تجيب مستعمل 2010-2011 سيراتو او ممكن سيفيك زى ما قال الاستاذ S O P H O S

[hpxp]

بص ياريس انا هكلمك علي الاوبترا لانها معايا وبرضوا مجربتش الباقي
الاوبترا كويسه جداااااااااا علي شغلنا عندنا صيدليه في بلد ارياف ومش كل الشركات بترحلنا هناك فبيبعتلنا الطلبيات علي الصيدليه التانيه الي في الزقازيق فهيا نفعانا في التحميل اوي
في الجري حلوة جدااااااااااااااا
والثبات بصراحه لحد الان مركبتش عربيه زيها في الثبات احسن من الكورولا والانسر
الفرامل (وحشه جداااااااااااااا) علي الرمل والمفاجئ بتزحف ولسه امبارح برضه كنت هلبس في تاكسي الحمار طلع عليا من التقاطع وانا جي بسرعتي قمت كابس فرامل علي الاخر فزحفت مني وكسرت الددريكسيون لمت خفيف لكن مش زي الabs
الباور ناعم جدااااا واحسن من اللانسر 500 مرة بس بتاع اللانسر اتقل
الامان بقي العربيات التانيه تكسب
الاوبترا مفهاش abs/ ايرباج
الفخامه برضو العربيات التانيه تكسب هنا نور العدادت اصلا اخضر
لكن شكل الطابلوة حلو
العزل
الاوبترا غلبت الكورولا واللانسر
______________________
بص ياريس مفيش عربيه هتديك كل حاجه شوف انت اختيارك ايه وساعتها حدد ايه الانسابلك
وشويه هجبلك تقرير مصور عن العربيه ان شاء الله

[MoH.SaLaDiN]

والله انا كانت مفاجأه ليا كلام حضرتك عن الاوبترا ان كنت فاكر انها مش حلوة بس بالنسبة لتجربة حضرتك فهى كده منافس بقوة مع بقية العربيات الموجودة فى الاستطلاع بس ناقص ان شكلها يتغير و يبقى جامد زى ما معظم العربيات طورت شكلها

[blazer]

الصنى الجديده افضل عربية فى المقارنة بعدها الاوبترا
لان الصنى على الاقل فيها 2 اير باج + abs + ebd + ba
وواسعه وتكيفها حلو واستهلاك البنزين فيها قليل جدا
انما متتوقعش من عربية فيها المواصفات دى انها تبقى فخمة زى السيفيك او الجيتا

[MoH.SaLaDiN]

طب ايه رأيكوا فى الجين 2 هى برده فيها اوبشنز كتير اوى و شكلها شبابى جدا مش عارف لما ركبت النيسان من جوه حسيت ان الخامات سيئة جدا بالمقارنة بباقى العربيات الموجودة فى الاستطلاع

[S O P H O S]

مشلكة الجين بعض قطع الغيار والتوكيل ..

[samyyousef]

يارس الجديدة

[MoH.SaLaDiN]

طبعا اليارس جميلة بس صغيرة اوي يعنى ما تنفعش عيلة

[hpxp]

اسف يا باشا علي التاخير
اتفضل انا عربيتي الساوي اعذرني مكنتش نظيفه قوي

صور تفصيليه للاوبترا

http://www.nilemotors.net/Nile/42059-a.html (شبيك لبيك .... الأوبترا بين يديك (صور تفصيلية))

(تقرير مصور ومفصل عن اوبترا 2009)http://www.nilemotors.net/Nile/216361-2009.html
ودي اهم مواضيع الاوبترا

http://www.nilemotors.net/Nile/38458-a.html

[hpxp]

والله انا كانت مفاجأه ليا كلام حضرتك عن الاوبترا ان كنت فاكر انها مش حلوة بس بالنسبة لتجربة حضرتك فهى كده منافس بقوة مع بقية العربيات الموجودة فى الاستطلاع بس ناقص ان شكلها يتغير و يبقى جامد زى ما معظم العربيات طورت شكلها

معاك حق ياباشا بس هوا شويه شغل بسيط فيها تبقي شقلبت شكلها زي رموش وجنط اسبور والاسبويلر بتاعها بتبقي ماشي بعربيه وهم
اما بالنسبه لكلامي فده لتجربتي وظروف الطريق وكده
يعني هي عربيه عمليه جدااااااااااااااااااااا
وقطع غيارها شبه رخيصه واي حد بيفهم فيها وهكذا وده المطلوب في عربيه تمشي بيها في مصر
تحط 90 اوو 92 بتمشي
في الطوالي 200/210 كيلو
والداخلي حولي 150/170 كيلو في الصفيحه
واي سؤال انا تحت امر حضرتك
وشرفنا برضوا في قسم الشفروليه :)