البرسونا ولا الريو هاى لاين (هاتش باك)

[sabregas2010]

السلام عليكم ورحمه الله وبركاته
انا يا شباب بفكر جديا فى تغيير عربيتى النيو اكسنت 2010 اوتوماتيك وعايز اجيب عربية اقعد بيها فترة من غير ما افكر فى لاتغيير تانى ومحتار ما بين البرسونا والريو الهاى لاين (هاتش باك)
يا ريت كل واحد يقول رأيه بالاسباب مش مجرد اسم العربية وخلاص وده طبعا عشان انا وغيرى من اللى يهمهم الموضوع ده نستفيد بقدر الامكان من اصحاب الخبرة والمعلومات فى العربيات
وشكرا مقدما واسف للاطالة

[eng.m7md.ali]

انا افضلك الريو للاسباب الاتية :

-شكل جديد
-كماليات اكتر
-توكيل افضل
-سعر اعادة بيع غالباً هيبقى احسن
-تقفيل وخامات احسن من البيرسونا

بس طبعا البيرسونا احسن في حاجات كتير زي:

-ثبات
-تسارع
-استهلاك بنزين
-صاج
-امان
-فرامل
توافر قطع غيار


ولو مش مستعجل ممكن تستنى البريفيا ودي هتضرب عربيات كتير عشان الاتي:

-موتور 1600 تربو 142 حصان تقريبا
-فتيس 7 سرعات
-esp
-تقفيل وخامات
-gps
-عفشة وشاسيه ووثبات احسن بكتير جداً من " الريو "

وحاجات تانية كتير

وبالنسبة للسعر هيبقى تقريبا زي الريو الهاي لاين

[sabregas2010]

انا كنت بفكر فى البرسونا جديا وخصوصا ان سعرها قريب جدا ومعقول بس عدم توافر قطع الغيار فى التوكيل وخصوصا فى فترة الضمان موضوع مقلق وموضوع ضعف الفرامل ده مخوفنى اكتر الحقيقة ودى مواضيع فى منتدى بروتون يعنى مشاكل من اصحاب العربية مش من ناس بتتكلم وخلاص
يا ريت رايك يا فليكس باشا

[S O P H O S]

طبعا ريو
من راي فقط
والله اعلم ..

[Sehsss]

أكيد الريو أفضل

[eng.m7md.ali]

انا كنت بفكر فى البرسونا جديا وخصوصا ان سعرها قريب جدا ومعقول بس عدم توافر قطع الغيار فى التوكيل وخصوصا فى فترة الضمان موضوع مقلق وموضوع ضعف الفرامل ده مخوفنى اكتر الحقيقة ودى مواضيع فى منتدى بروتون يعنى مشاكل من اصحاب العربية مش من ناس بتتكلم وخلاص
يا ريت رايك يا فليكس باشا

والله ياباشا مشكلة توافر قطع الغيار في فترة الضمان بردو سارية لحد ماتخلص ضمان

انا عربيتي خلصت ضمانها يوم 10 -10 ويوم الاربع اللي فات غيرت المساعدين اللي كنت حاجزهم قبل الضمان مايخلص

كمان في ميزة كمان ان لو في عيب اشتكيت منه في فترة الضمان وظهر تاني بعد الضمان مايخلص بتتغير الاجزاء المطلوبة كأنك لسة في الضمان .. بشرط انك تعمل صياناتك في التوكيل عادي كأنك في الضمان

بالنسبة للقطع العادية موجودة برة عادي زي الاتيال والحاجات دي .. ولو لاقدر الله في حاجة كبيرة هتلاقيها استيراد ان شاء الله احسن من اسعار التوكيل

بالنسبة للفرامل للاسف اغلب اللي اشتكى منها كانت العربية جديدة وممكن ميكونش اتعود عليها فعلا لان مشوار البدال طويل عن الهيونداي اكسنت اللي مع حضرتك .. بس مش معنى كدة ان الفرامل مفيهاش مشكلة لا ممكن يكون فيها مشكلة فعلا وهنا يجي دور التوكيل انه يحلها .. معرفش يحلها ممكن تتجه لحماية المستهلك

انا كان عندي مشكلة في الفرامل حاسسها ضعيفة .. اللي تم في التوكيل انهم قالولي ده عيب في الماستر بتاع الفرامل وده برة الضمان لاني غيرت التيل برة

بعد ماخلصت مشوار التوكيل طلعت على بتاع الفرامل قالي هاخد هوا ومن الافضل تغير تيل الفرامل كمان .. وبعد التغيير العربية بقت احسن بكتير

ان شاء الله ربنا يوفقك للاختيار الصح واهم حاجة تجرب العربية قبل ماتشتري وتشوف موضوع الفرامل ده بالذات هيعجبك ولالا

[abogharib]

الريو افضل بس مشكلتها الكبرى استهلاك البنزين العالى جدا و كانها عربيه 6 سلندر :d

[amrelsha3er]

ازاى عربيه1400 واستهلاك بنزينها اعلى من البيرسونا اللى معروف عنها انها بتاكل بنزين !!!!؟؟؟
كراى ريو طبعا والاستاذ فيليكس لخص الموضوع

[S O P H O S]

استهلاك البنزين حتي لو عالي ك سوفت مثلا
مش هيكون اكتر من ال 1600 مثلا
فيها ايه عربية توكيل جيد وحلوة فأغلب المميزات وهي 1400 ومحرك كويس وبيستهلك زي ال 1600
ده معناه اسبها واخد ال 1600 مع بعض العيوب كالتوكيل مثلا (يبقي عملت ايه)
كلامي راي شخصي ليس الا ..