سيارة فى حدود80-88

[alking2011]

السلام عليكم
كنت عايز مساعدتكم لأن أنا محتار و مش عارف أجيب أيه كنت هجيب أسبيرانزا تيجو جديدة و بعد كده لاقتها غليت و بيقولو 2013 ب 92 ألف رغم أنها نفس الشكل و مفيش أى فرق قولت خلاص أجبها كسر زيرو لكن فى ناس بتخوفنى منها قولت أجيب رينو سانديرو ستيب واى و لكن أنا عايز عربية تكون كبيرة و عملة زى الجيب فمشعارف هل الفلوس دى ممكن تجيب حاجة تكون زى الجيب سواء جديد أو مستعمل غير التيجو ؟؟؟؟ و ميكونش موديل قيدم يعنى 2010 بالكتير يا ريت لو حد يساعدنى و طبعا تكون 1600 سى سى عشان البنزين

[abogharib]

كيا كارينز واسعه و عائليه و كمان 1600 بس بصراحه مش عارف سعر المستعمل فيها بالظبط ممكن تشوف فى كونتكت كار

[alking2011]

شكرا ليك بس الكيا الكارنز أنا ركبتها عيبها أنها عربية سحبها ضعيف جدا و غير كدا معجبتنيش من جوه

[amrelsha3er]

ايه اللى موقف حضرتك عن الستيب واى وهى نفس الفئه السعريه واقل سعرها 81ونص فى رينو!!

[alking2011]

و الله أنا كلمت واحد فى سمير ريان و قالى أنها مش فى نفس حجم التيجو و أنها أصغر أنا لسه ماشوفتش العربية على الواقع هنزل بكرة أنشاء الله أشوفها فى المعرض لان أنا مش قادر أحدد من الصور حجم العربية دى عامل أزاى و نظمها أيه

[S O P H O S]

ابعاد العربية :
قاعدة العجلات - 2589 مم
الطول - 4024 مم
العرض - 1753 مم
الارتفاع - 1550 مم
الوزن - 1170 كجم
سعة صندوق الامتعة (الشنطة) - 320 لتر ..

[kliken]

الرينو اصغر فعلا من التيجو
الكارينز هتلاقيها اغلى من الرينج ده هى واسعه جدا من جوه بس ارتفاعها عن الارض مش عالى اوى و موتورها تجميعه ضعيف شويه

[amrelsha3er]

انزل اتفرج طبعا واحكم بنفسك

[alking2011]

أنا شفوفت التيجو النهاردة بالفعل عربية واسعة جدا و جميلة من الداخل