اشترى كيا ريو 2004 ولا لانوس 2 ؟؟

[wael salah]

سلام عليكم
انا محتار اجيب كيا ريو 2004 و لا لانوس 2
حد هنا جرب اى حاجة فيهم يفيدنى انه واحدة احسن فى التعامل و الاداء قطع الغيار و التصليح والصيانة و البيع بعد مدة اذا احتج الى ذلك . ممكن حد يفيدنى فى الاختيار :)

[truss]

لانوس 2 قطع غيارها متوفرة و رخيصة, و ميكانيكية كتير بيشتغلوا فيها, و سعر اعادة البيع جيد

الريو ما اعرفش عنها حاجة

[devil_storm]

لانوس 2 افضل طبعا لان الريو 2004 لم تنتشر لمشاكل التوكيل المعروفة فى هذا الوقت و القضايا اللى كانت مرفوعة.
اللانوس 2 افضلك فى اسعار قطع الغيار و توافرها و سهولة الصيانة و سعر اعادة البيع

[mohamedrabia]

اولا المقارنة في صالح الانوس
وثانيا ممكن تقارن بين الانوس وبين السيفيا

[wael salah]

شكرا لكم

شكرا لكل اللى رد و افادتنى كتير مشاركتكم انا معايا فلوس فى رنج 38-40 الف كدة ايه طيب احسن حاجة اجيبها فيها كل المواصفات اللى قلت عليها فى اول الموضوع ممكن حد يفيدنى فى ده لان دى اول عربية لى و مش عارف اختار ايه

[yoyhmh]

لانوس او اكسنت فيهم اللى انته عايزه

[S O P H O S]

واضح ان الراي العام فصالح لانوس
مع اني جربت ريو وبصراحة شايفها عربية كويسة
والله اعلم ..

[mostafaelfayed]

سلام عليكم
انا محتار اجيب كيا ريو 2004 و لا لانوس 2
حد هنا جرب اى حاجة فيهم يفيدنى انه واحدة احسن فى التعامل و الاداء قطع الغيار و التصليح والصيانة و البيع بعد مدة اذا احتج الى ذلك . ممكن حد يفيدنى فى الاختيار :)

رأيي الشخصي هات الريو ال 2004 لسبب اولا لسه ليها موديلات جديدة و انتاج ... ثانيا في منها كتير .. هيه اي نعم هتخسر اكتر من اللانوس عند اعادة البيع ... بس عمتن انا شايف ان الريو افضل لأن لسه ليها انتاج .. و بعدين توكيل كيا اسمع انه محترم ... و غبور دلوقتي خرف كتير فياريت خليك مع الكيا

[Mostafa.Mahran]

اللانوس اسهل فى قطع الغيار و اعادة البيع و الانتشار

[mostafaelfayed]

أسف على الخطأ .. بس انا شايف ان الريو اكبر و امتن و احلى من اللانوس كعربية ... و عربية اتقل من اللانوس ... اللانوس انا مكنش عندي بس سوقت عربيات لانوس كتير جدا ... و للأسف خفيفه جدا ... الريو 2004 سوقتها بس افضل و سافرت بيها كمان ... معرفش ايه اللي خلاني اتكلم على غبور مع انه ملهوش علاقه بالموضوع اساسا عمتن استخير ربنا صلي صلاة استخاره قبل ما تقرر و انزل و اتوكيل على الله .. و اتمنى انك تتوفق في الاختيار و اسف على الاطالة

[mohamedrabia]

هات هيوانداي جيتز تقفيل كوري وعربيه ممتازة

[kajo]

انا معايا كيا ريو 2004 و الحمدلله كله تمام و قطع الغيار موجوده بس الانوس ارخص بحاجات بسيطه و بالنسبه للميكانيكا أي ميكانيكي بيشتغل في الكوري و الياباني يشتغل فيها عادي و خد بالك الاعتماديه و قوه الصاج و البنزين و الصالون مع الكيا ريو بس الانوس اقوي كماتور فقط ,لذلك عن تجربه شحصيه للسيارتين ارشحلك الريو