كروز ولا كارينز ولا فلوانس

[Diaby]

السلام عليكم ورحمة الله وبركاته
الموضوع ان والدى عايز يجيب عربية زيرو ف الفئة السعرية دي وانا عارف ان المقارنة فيها حاجات بعيدة شوية عن بعض يعنى اتنين سيدان ووارحدةsuv واتنين كورى وواحدة اوروبى :D
بس دول يعتبرو احسن العربيات ف الفئة دي بس هو داخلة دماغه اوى الكارينز الهاى لاين فانا بحاول اجمع معلومات عنهم واشوف انهو اللى مناسبة اكتر فعجبنى الكروز الجديدة والرينو فحرتب كده الاولويات اللى محتاجينها ف العربية
1-الثبات والامان دي اهم حاجة بالنسبالو ان العربية تكون ثابتة على السرعات 160/180 وتكون فيها وسائل امان
2-الاعتمادية وتوافر قطع الغيار خارج التوكيل طبعا وبسعر مناسب لان والدى مالوش تعامل مع التوكيل فمن المهم تكون اسعار قطع غيارها مش غالية ومعمرة
3-راحة ف السفر وعفشة كويسة لان بتبقي سفرياتو كتير ووسع الصالون
4-سحب وتجميع يكون كويس مش بطة :)
5-سعر اعادة بيع كويس لان والدى بيغير عربية باستمرار فمضمنش العربية تقعد سنة او اتنين ممكن يفكر يبيعها او حتى بعد 4 او 5 سنين تكون لسه ماسكة سعر
6-اخر حاجة الاوبشنز
وان شاء الله لو كارينز هتبقى خليجي هاي لاين لان زى ما قلتلكو ملوش تعامل مع التوكيل والكروز ان شاء الله هاي لاين والفلوانس هتبقى الفئة الوسط اللى ف حدود سعر الاتنين التانين
ياريت تشاركونى أرائكو ولو حد عندو فكرة عن كماليتهم والاسعار حاليا
وشكرا مقدما

[S O P H O S]

( فلوانس )

[Sehsss]

فلوانس

[hossam_elwani]

لو معامل سعر اعادة البيع مهم اوى لانك بتقول ممكن تتباع بعد سنه او اكتر يبقى عليك والكارينز مع انى بفضل الكروز وان اراد الله حشتريها

[hamada2u2000]

كروز

[moaaz]

بعد الموتور الكروز الجديد ....افضلها ...لانك هتبقا راكب شيفورلية بطعم الاوبل استرا

[med]

( فلوانس )

اشمعزا عشان نبقى عارفين بس الفلوانس بتبقى متفوقة عنهم بايه عشان الافادة العامة

فلوانس

نفس زات السؤال اللى فات

لو معامل سعر اعادة البيع مهم اوى لانك بتقول ممكن تتباع بعد سنه او اكتر يبقى عليك والكارينز مع انى بفضل الكروز وان اراد الله حشتريها

طب لو حاجة كسر زيرو او سيبنا من سعر اعادة البيع برضوالكارينز ؟؟؟

كروز

بس بصراحة انا ميال اوى للفلوانس وبدأت اقنع والدى بيها بسبب الامان اللى فيها والاوبشنز والفخامة فياريت حضرتك توضح الكروز احسن ف ايه

بعد الموتور الكروز الجديد ....افضلها ...لانك هتبقا راكب شيفورلية بطعم الاوبل استرا

انا شايف ان الموتور الجديد فرق حوالى 7 حصان اكتر او اقل من كده مش فاكر فهيفرق كتير عن اللى فات

[hossam_elwani]

على فكره الموتور الجديد بالنسبه لينا فى الكروز مش مجرد زيادة 7 حصان لالا ده بنية محرك مختلفة الى حد كبير وده منعكس على الاداء ككل

[Land_Cruiser]

معلومه صغيره بس احب أوضحها ان تصنيف الكارينز MPV وهى اختصار ل multi purpose vehicle و ليس SUV اللى هى Sport utility vehicle .

نرجع بقى للمقارنه :
١- الكارينز :-
المزايا :
واسعه - مرتفعة عن الارض - شنطتها واسعه - سعر اعاده بيعها ممتاز - قطع غيارها متوفرة داخل وخارج التوكيل - سهوله الصيانه خارج التوكيل - توكيلها محترم
العيوب:
الموتور ضعيف على هيكل العربيه وده بيظهر فى المطالع و بالذات لو العربيه محمله بتبقى مكلبشه فى الارض- السنه القادمه هينزل منها جيل جديد مختلف تماما و اكيد هيبقى ليه تأثير على الشكل الحالى - فراملها متوسطه

٢- الفلوانس:-
المزايا:
واسعه - شنطتها كبيره - كمالياتها كويسه - موتورها محترم - توكيلها محترم - قطع غيارها متوافرة - فراملها جيده جدا - استهلاك بنزين جيد - سعر اعاده البيع متوسط
العيوب:
التكييف ضعيف شويه - طلعتها الاولى بطيئه حبتين

بالنسبه بقى الكروز انا معرفش فيها قوى و باقى الاعضاء ممكن يفيدوا حضرتك فيها اكتر منى علشان ما اظلمهاش

بالنسبه للاختيار النهائى لو انا اللى باختار فى أولويات محدده هى اللى هتحدد الاختيار ما بين الكارينز و الفلوانس
و هى مدى تقبل حضرتك لموضوع ان الهيكل تقيل على الموتور اللى بيخنق العربيه احيانا و تانى حاجه نزول شكل جديد السنه القادمه إذا كنت بتفكر فى كارينز و المزايا سعر اعاده البيع الكويس الى الان بس معرفش لما الشكل الجديد ينزل هيبقى ايه بصراحه .
بالنسبه للفلوانس هى يمكن موضوع التكييف و ان كان عادى بالنسبه للاوروبى بس هو اقل من الاسيوى وسعر اعاده بيعها اقل من الكارينز و هتضطر تتعامل مع التوكيل و العربيه زيرو افضل من التعامل مع حد بره و لعلمك التوكيل محترم جدا فى التعامل لكن غير كده هى ممتازه بصراحه و صفقه رابحه

[med]

على فكره الموتور الجديد بالنسبه لينا فى الكروز مش مجرد زيادة 7 حصان لالا ده بنية محرك مختلفة الى حد كبير وده منعكس على الاداء ككل

يعنى الكلام اللى كان بيتقال ان موتورها ضعيف وانها تقيلة ده خلاص
ومعلش سؤال هو حضرتك استلمت ولا لسه؟؟

معلومه صغيره بس احب أوضحها ان تصنيف الكارينز MPV وهى اختصار ل multi purpose vehicle و ليس SUV اللى هى Sport utility vehicle .

نرجع بقى للمقارنه :
١- الكارينز :-
المزايا :
واسعه - مرتفعة عن الارض - شنطتها واسعه - سعر اعاده بيعها ممتاز - قطع غيارها متوفرة داخل وخارج التوكيل - سهوله الصيانه خارج التوكيل - توكيلها محترم
العيوب:
الموتور ضعيف على هيكل العربيه وده بيظهر فى المطالع و بالذات لو العربيه محمله بتبقى مكلبشه فى الارض- السنه القادمه هينزل منها جيل جديد مختلف تماما و اكيد هيبقى ليه تأثير على الشكل الحالى - فراملها متوسطه

٢- الفلوانس:-
المزايا:
واسعه - شنطتها كبيره - كمالياتها كويسه - موتورها محترم - توكيلها محترم - قطع غيارها متوافرة - فراملها جيده جدا - استهلاك بنزين جيد - سعر اعاده البيع متوسط
العيوب:
التكييف ضعيف شويه - طلعتها الاولى بطيئه حبتين

بالنسبه بقى الكروز انا معرفش فيها قوى و باقى الاعضاء ممكن يفيدوا حضرتك فيها اكتر منى علشان ما اظلمهاش

بالنسبه للاختيار النهائى لو انا اللى باختار فى أولويات محدده هى اللى هتحدد الاختيار ما بين الكارينز و الفلوانس
و هى مدى تقبل حضرتك لموضوع ان الهيكل تقيل على الموتور اللى بيخنق العربيه احيانا و تانى حاجه نزول شكل جديد السنه القادمه إذا كنت بتفكر فى كارينز و المزايا سعر اعاده البيع الكويس الى الان بس معرفش لما الشكل الجديد ينزل هيبقى ايه بصراحه .
بالنسبه للفلوانس هى يمكن موضوع التكييف و ان كان عادى بالنسبه للاوروبى بس هو اقل من الاسيوى وسعر اعاده بيعها اقل من الكارينز و هتضطر تتعامل مع التوكيل و العربيه زيرو افضل من التعامل مع حد بره و لعلمك التوكيل محترم جدا فى التعامل لكن غير كده هى ممتازه بصراحه و صفقه رابحه

فعلا انا كنت ناسى انها mvp ومعرفش ايه اللى جاب suv :D
يعنى رأى حضرتك الفلوانس احسن انا فكرت اننا نجيب حاجة كسر زيرو احسن على اساس ان اول مالك يبقى شال جزء من الخسارة ساعتها مش هيفرق اوى سعر اعادة البيع

[med]

ومعلش سؤال تانى لو حد يعرف انا عملت العضوية دي مكان med وكنت عايز اعرف الغي القديمة لان على ما اعرف قوانين المنتدى مينفعش اعمل عضويتين

[MoH.SaLaDiN]

الاوروبى يكسب فى جميع المقاييس وماتفكرش فى سعر اعادة البيع كتير لانك لو اشتريت عربية فى فخامة واوبشنز الفلوانس مش حتفكر تبيعها اصلا وبرده ادخل على منتدى الرينو عشان تعرف اكتر لو كان ليها مشاكل او لا وبالتوفيق ان شاء الله فى الشراء

[هاني شقدف]

هقلك ع حاجه حصلت معيا انا كل اصحابي والي اعرفهم حذروني من الرينو .بالنسبه ل اعاده البيع بلذات /فان اما شفت الفلوانس بجد فيها سحر وتخليك تتغاضي عن اي شي وانا بالنسبالي عربيه العمر (بس اهم شي ربنا يسترها من الحوادث واي شي غير طبيعي )لان ممكن تجيب مرسيدس او بي ام وتخلي عشتك هباب المهم انا اعمل الي عليا واحافظ ع السياره والباقي باه ع ربنا /فانا انصحك ب الفلوانس وانسا حكيه اعاده البيع دي لان العربيه مفيهاش ولا كلمه

[Ultramisho]

ارجو حذف هذه المشركة للتكرار مع خالص الشكر للادراة

[Ultramisho]

يعنى الكلام اللى كان بيتقال ان موتورها ضعيف وانها تقيلة ده خلاص
ومعلش سؤال هو حضرتك استلمت ولا لسه؟؟

فعلا انا كنت ناسى انها mvp ومعرفش ايه اللى جاب suv :d
يعنى رأى حضرتك الفلوانس احسن انا فكرت اننا نجيب حاجة كسر زيرو احسن على اساس ان اول مالك يبقى شال جزء من الخسارة ساعتها مش هيفرق اوى سعر اعادة البيع

حكاية كسر زيرو فكر فيها كويس
بصراحة انا شخصيا مابحبش موضوع كسر الزيو دي
ليه؟
العربية عاملة زي البني آدم لما تيجي تلينها زي ما الطفل بيبتدي يمشي اذا حملت عليه كتير بيعاني من خلل في المشي يعني لو واحد قرصلك عليها في التليين شوف هيبقى موتورها حالته ايه وكمان في سؤال ليه الي اشترى هيبيع بسرعة اوي كده بخسارة صحيح ممكن واحد لا قدر الله يحصله ظروف بس الغالبية بيبيعوا علشان ظهرت عيوب في العربية رخمة او لتعلموا فيها ولينوها غلط

وبرضه هتبقى غالية
يعني انا لو عاوز اوفر اجيب عربية زيرو ارخص بس مااجيبش عربية حد خد وشها وياعالم عمل فيها ايه
اصل العربية عاملة زي البرميل الي وشه عسل وآخره لموأخذه والنصاحة انك تاخد وشه ولما تشم ريحة ال... تبقى تبيعها مش تاخدها من غير وش

مجرد رأي

أما المقارنة فرأيي لو مايهمكش التكييف الثلاجة ويهمك الفخامة يبقى فلونس ولو ممكن تضحي بشوية اوبشنز ويهمك التكييف الساقع يبقى كروز ولو مايهمكش التكييف اوي (يعني وسط) وعاوز وسع واعادة بيع سهله يبقى كارينز لازم تحدد اولوياتك بدقة ومش هتاخد كل حاجة ابدا

تحياتي