ضرووووورى رينو لوجان ولا نيسان صنى ؟؟؟؟

[sherifMB]

السلام عليكم ورحمة الله
الموضوع انى محتار جدا جدا من مدة ما بين (الرينو لوجان اوتو) و(النيسان صنى الجديدة اوتو)

الصنى الجديدة شكلها عاجبنى ووسائل امانها وصيانتها واعادة بيعها وزواياها عاجبنى جدا
...بس تقريبا كتيييييير (حتى من بعض ملاكها)يقولولى ابعد عنها لان الموديل الجديد وحش اوى وورق ومفيش ثبات وفيها مشاكل كتير ده غير قطع الغيار لسه مش متوفرة خالص وسعرها بقا اوفر اوى عليها

أما اللوجان لقيتها أعلى من الصنى واوسع نسبيا سواء كنبة او شنطة وعفشتها احلى واريح وحسيت برفاهية من جوه اكتر بكتير من الصنى وكمان فيها دراع مالتى فانكشن ف الدركسيون :) و يواس بى مش موجودين ف الصنى وقطع غيارها توفرت ..كل ده غير انها ارخص باكتر من 20 الف ..(مع انى بتكلم بصرف النظر عن فرق الفلوس .. المهم القيمة مقابل السعر)
.. بس ف نفس الوقت وسائل امان اللوجان اقل من الصنى علشان ال abs وال abd وفيها ايرباج واحد (بالرغم انى سمعت كذا مرة ان ثباتها اعلى من الصنى !!!) وبرده اعادة بيعها ممكن تكون اقل زيها زى اى عربية فرنساوى او اوروبى

فلو سمحت عاااايز أراءكم ولو حد عنده اى معلومة ياريت يضيفها وميبخلش بيها علينا ,, او حتى حد عنده اى رأى مختلف عن اللى قتله ؟؟؟
مع العلم انى من المحلة الكبرى
وشكرا جزيلا

[mohamed_mesho3]

الصنى افضل كتير اوى من اللوجان ,, بس الفرق ما يستاهلش ال 20 الف
لكن الصنى عربية اعتماديتها اعلى بكتير اوى اوى اوى من اللوجان , عربية سعر اعادة بيعها اعلى بكتير اوى اوى اوى من اللوجان
مع ذلك اللوجان اوسع , اللوجان اعلى , اللوجان سحبها اقل , اللوجان امانها اقل , الاتنين تقفيلهم وحش
عموما العربيتين ادامك لو ال 20 الف هيفرقوا معاك اوى يبقى توكل فى اللوجان
و لو مش هيفرقوا معاك اوى توكل على الله فى الصنى ( صفقة ناجحة جدا قيمة مقابل امكانيات )

[S O P H O S]

ممكن هتشباك ؟؟
ممكن ياريس الجديدة ؟؟!!

[Sehsss]

ما تنساش وسائل الأمان اللي موجودة في الصني زي الـ abs والفتيس الأوتو الممتااااز عكس فتيس اللوجان الأوتو