نصيحة لوجه الله

[shehataeltahan]

انا هجيب الشهر ده با>ن الله عربيه جديدة بالتقسيط وخلاص حصرت اختيارى بين 2 رينو لوجان (سيارة امكاناتها كويسة بس مش كل الميكانيكية بيفهمو فيها سعرها مغرى جدا بالنسبة لامكاناتها بس قطع غيارها غاليه شوية زى تيل فرامل ب200 جنيه بالتركيب ) وشيفروليه افيو (كمالياتها قليله وسعرها غالى بس سوقها ماشى جامد والناس اللى ركبتها بترشحها عندى واحد ركبها 4 سنين بيشكر فيها جامد والميكانيكيه بيفهموا فيها
بس على المنتديات الناس بتخوفنى منها وبتشكر فى اللوجان وانا بجد محتار والوقت قرب ومش عارف اخد قرار فرجاء الرد بسرعة

[abogharib]

لوجان طبعا الافيو مش حلوه

[tamerosman]

لوجان ستب واى

[AlGazar2]

لوجان طبعا يا باشا كفايه توكيلها محترم
الافيو تغور من وش منصور

و للعلم اللوجان فى ميكانيكية بيفهموا فيها بس مش زى الافيو طبعا الافيو ماتور لانوس اساسا و اللوجان ماتور ميجان بس مش فاكر انى موديل + تيل الافيو الاصلى فى التوكيل ممكن تلاقيه اكتر من 200 جنية اساسا

[Ahmed_Adham]

اللي بيشكر في الافيو في الغالب مركبش غيرها الا يمكن عربيات قديمه موديلات التمانينات والتسعينات مش بعد كده لكن الافيو عفشتها عفشه مراجيح وأنا كنت شايف موضوع هنا لواحد مصري في السعوديه بيشتكي منها على طرق السعوديه فما بالك هما في مصر. وبعدين خد بالك انت مش هتشتري قطع غيار كل يوم (بما ان العربيه هتبقى زيرو) لكن هتركب العربيه كل يوم.

[Land_Cruiser]

لوجان

[Dracola55555]

والله هيا وجهات نظر ,,, لكن أنا من خلال تجربتى الشخصيه اعتقد ان الانوس أفضل من اللوجان . فمن المنطق أن تكون الافيو أفضل بكثير من اللوجان,,,, وهات الافيو ومش هتندم باذن الله طبعا

[S O P H O S]

كراي ليس الا لوجان
والله اعلم ..

[fisha]

لوجان

[wawamoha]

الراجل احتار كده
اجر دي يوم و د ي يوم لو سويق عربيات - و اللي ترتاح فيه توكل عل الله

[Mostafa_Nour]

السلام عليكم

لو حضرتك تقفيل اللوجان مش مشكلة كبيرة بالنسبالك أنا أرشحهالك بشدة (يفضل اللى فيها فرامل abs) أكتر من الأفيو .

وماتنساش الاستخارة.
بالتوفيق ومبروك مقدما .

[Marlboro011]

حلوة فكره التاجير كده بالنسبالى محتار بين الميجان والسكودا اوكتافيا ٢٠٠٠ وركبت الاسكودا كتير لكن ما ركبتش ميجان انا ائجر ميجان ونشوف الدنيا وتحياااااااااتى للجميع

[Sehsss]

إياك والأفيو، عيوبها كتير جدا وخصوصا العفشة ولفات الأر بي إم

[Hmatchy]

فكر فى البريلليانس fsv ثبات وعربية تقيلة ومحترمة وموفرة فى البنزين وتوكيل محترم بس عيبها قطع الغيار غالية سنه ولو انها ابتدت ترخص بعد انتشارها بس لو مش بتفكر فيها ابعد عن الافيو صاجها ضعيف ومتورها بياكل بنزين وتوكيلها مش كويس