مساعدة في الأختيار ؟؟ تويوتا كورولا - هيونداي النترا - ولا كيا سيراتو

[mohamed haggag]

ازيكم ياجدعاااااان

ساعدوني في اختيار افضل سيارة من الثلاثة ؟؟؟

.... تويوتا كورولا 2013

.... هيونداي النترا 2013

.... كيا سيراتو 2013 الشكل الجديد

طبعا هتكون زيرو وجديدة وعايز اعرف السبب في ترشيح اي واحد منهم
وشكراااااااااااا

[S O P H O S]

راي اللانترا تخرج من المقارنة من الاساس خصوصا بسعرها الخ
وتبقي بين الكيا والتويوتا فالمقارنة فقط
مش هقول راي لاني هميل للتويوتا شوية مع اعجابي بالكيا
بس مش هقولك تويوتا علشان متدفعش فلوس فصناعة وماتور الخ وعلي كلمليات قليلة فتقل فرحتك بالعربية ..

[ahmed mfo]

اعتقد تويوتا ستكون افضل
اعتماديه اكثر
معمره اكثر
مريحه
متينه

[mohamed haggag]

S O P H O S
عندك حق ياباشا انا عجباني التويوتا جدا بس المشكلة في الأوبشن فقيرة جدا
وبرضو مستحرم ادفع مبلغ زي دة في كوري في كيا او هيونداي
بس ماينفعش ازود انا الاوبشن اللي في التويوتا مثلا سواء في شكلها من برة او جوة

ahmed mfo
وهو دة اللي مخليني متمسك بيها بس موضوع الأوبشن دة مضايقني جدا

[AlGazar2]

طيب ما تبص على السوبارو الجديده
عربيه اعتمادية متقلش ابدا عن التويوتا و توكيل اتعدل و بقى متجاوب جدا مع اى شكوى من ملاك السياره و ده لسه متجرب الفتره دى
عربيه احسن من التويوتا فى رأى ثبات احسن عفشة احسن موتور احسن امان اكتر و سعرها مش مبالغ فيه زى التويوتا و قطع غيارها الاصليه فى التوكيل ارخص من تويوتا الاصليه فى التوكيل و صياناتها التقيله على 90 الف قبل كده تغيير زيت و فلاتر فقط و كمالياتها كويسه جدا جدا ( مش زى السيراتو طبعا عشان دى حنفيه اوبشنز و ضاربه فى قلبها بس من غير اى ثبات ولا امان نهائى جواها )

و فى الفلوانس برضه فى الكماليات و الامان و الثبات بس السوبارو احسن منها

و دى مواضيع عن تجاوب التوكيل مع مشكله ظهرت مع المستخدمين على سرعات فوق ال 180

http://www.nilemotors.net/Nile/327822-2012.html#post3874747049

http://www.nilemotors.net/Nile/329661-2012.html

و ده عن الصيانات

http://www.nilemotors.net/Nile/306463-2012.html

و ده عن اسعار قطع الغيار فى التوكيل

http://www.nilemotors.net/Nile/306114-2012.html

و ده موضوع عن العربيه

http://www.nilemotors.net/Nile/299629-2013-new-subaru-impreza.html

طبعا العربية دى لو عجبتك و جبتها ان شاء الله مش هاتندم بس دى عربيه للاقتناء مش بتاعه بيع بعد مده قريبه

[Sehsss]

أكيد الكورولا باكتساااااااح