مقارنة بين كيا سول وتيريوس وفوكس هاتشباك

[وائل الجندي]

السلام عليكم
انا عضو جديد بالمنتدى وأتمنى منكم مساعدتي لأني في غاية الحيرة
انا مقيم بالسعودية وان شاء الله هنزل مصر نهائي بعد حوالي سنة وعايز اشتري سيارة أستخدمها فترة بقائي فالسعودية وانزل بيها مصر وانا نازل ومحتار بين كذا سيارة
وارجو من حضارتكم ان تساعدوني بخبرتكم لان خبرتي بالسيارات ضعيفة
وانا هيكون بعد مساعدتكم عوامل اختياري هي الاتي :
1- قوة السيارة وتحملها وأدائها
2- شكلها ومظهرها الخارجي والداخلي والكمليات الي فيها
3- قطع الغيار وسهولة الصيانة
4- سعر اعادة البيع
5- سعر الجمارك وياريت لو حد جمرك عربية قبل كدة يقولي تجربته العملية في كدة وليس الحسبة المعروفة للجمرك

وانا محتار بين الثلاث عربيات الأتية
كيا سول
تيريوس
فوكس هاتشباك
رينو فلوانس
بيجو 308
واتمى منكم الي عنده اختيار أخر كويس يقولهولي
طبعا انا استبعدت عربيات كتير بسبب الأفة الكبرى لكل مصري مغترب ال1600 سي سي
وشكرا لكم منتظر ردودكم

[tamerosman]

اﻻوكتافيا الطلب عليها ضعيف فى السعودية و ممكن تاخدها بسعر كوبس

الفليوينس الخليجة اقل من المصرى و الرينو بالذات يفضل يكون بضمان التوكيل

التريوس خﻻص راحت عليها و السول ثباتها و ركوبتها افضل

لو ﻻقيت سبورتدج 1.6 تبقى لقطة علشان سعرها فى مصر مبالغ فيه لكثرة الطلب عن المعروض

بﻻش قشقاى علشان جمركها فى مصر وكيل اقل من جمرك الخليجى علشان التوكيل فى مصر بيسترودها من اوروبا

االفورد فى مصر لسا مش واخد حقه و نصيحة بﻻش فورد و كذلك البيجو نفس الكﻻم

[Sehsss]

فوكس

[وائل الجندي]

طيب يا اخ تامر ليه بتستبعد الفوكاس في ناس بتقول انها في مصر قطع غيارها معقولة
وبالنسبة للسول متعرفش أيه ظروف قطع غيارها وصيانتها والاوكتافيا مش عارف سعرها هنا ايه معندكش فكرة انت اسعارها ايه هنا فالسعودية

[tamerosman]

لو حضرتك فى الرياض حتﻻقى توكيل سكودا على طريق خريص . .... ايام ما كنت فى السعودية كان سعرها واقع علشان السعوديين مش بيركبوا غير يبانى و امريكانى و مفيش حد هناك بيقدر اﻻوكتافيا

باالنسبة الفود ممكن حضرتك تدخل على قسم الفورد هنا فى المنتدى و تعرف الميزات و العيوب


افضل حل انك تشترى عربية تكون شعالة فى مصر و السعودية علشان لو برضه حبيت تبعها قبل ترجع مصر ...انا كان معايا النترا فى السعودية و بعتها هناك فى ساعتين بعد ما عملت اعﻻن على النت

[وائل الجندي]

انا بعيد عن الرياض انا في مكة والموقع بتاعهم على النت مش كاتبين أسعار
بس انت متعرفش ممكن يكون سعرها في حدود كام وجماركها كام
والكيا سول أيه رأيك فيها أنا شفتها فالمعرض وركبتها عجبتني عربية واسعة وعالية من على الأرض

[Mohab555]

كيا سوووول من وجه نظرى افضلهم

[وائل الجندي]

ممكن تقولي مميزات كيا سول يا مهاب وهل ركبتها وركبت باقي السيارات الي فالمقارنة ولا لا

[mo7a_mo7a]

شفت سكودا YETI ؟
لو مشفتهاش لسة اتفرج عليها الاول وبعدين حد قرارك لان في رايي هي افضل من سول بكتيييييير


وده تقرير عنها

http://www.nilemotors.net/Nile/327127-yeti.html

[وائل الجندي]

شفت سكودا yeti ؟
لو مشفتهاش لسة اتفرج عليها الاول وبعدين حد قرارك لان في رايي هي افضل من سول بكتيييييير


وده تقرير عنها


http://www.nilemotors.net/nile/327127-yeti.html

متعرفش سعرها كام فالسعودية وكام في مصر

[S O P H O S]

اعتقد فمصر من 200 الي 220 الف بحاجة لمصدر
والله اعلم

[mo7a_mo7a]

الاسعار في مصر طبعاً
177700 مانيوال اول فئة
197700 اتوماتيك اول فئة فيتيس dsg
199900 كاملة اوتوماتيك
129900 كاملة اوتوماتيك سقف بانوراما

اما في السعودية انت اللي تفيدنا بقي

تحياتي

[S O P H O S]

199900 كاملة اوتوماتيك
129900 كاملة اوتوماتيك سقف بانوراما
--------
حضرتك تقصد اخر فئة 229000 صح ؟

[Formulator]

e Respect يارجالة،

السول والتيريوس مش عربيات بالنسبة لباقى المقارنة؟!!
يعنى لما الراجل يقول:
1- فورد فوكس
2- بيجو 308

ماينفعش بقى لا قيا-سول ولا دايهاتسوس-تيريون!! lol

بالنسبة للفلوينس: فعلا الخليجى samsung وفتيسها CVT نيسان.. غير اللى بتنزل مصر؟!!

وياريت ياجماعة -بعد إذنكم لو سمحتوا:
طالما بيقول -مالوش خبرة فـ العربيات- ياريت محدش يلبسه فـ عربية جديدة، مش معروفة فـ مصر.. وكمان مش هيتباع منها غير 5-6؟؟؟!!!!!!

@ وائل الجندي

- حضرتك شوف الأوكتافيا فعلا، عربية عليها طلب فـ مصر.. ومنتشرة -يعيبها الموتور متوسط وان هينزل منها شكل جديد،

- الفوكاس عربية ممتازة (أعلى واحدة Technically).. وفيها متطلباتك رقم 1 و 2 perfect
بس خد بالك:
فتيسها PowerShift (زى الـdsg بتاع فولكس).. لو متعود عـ الأوتوماتيك الصريح ممكن -ممكن- مايعجبكش؟!!

قطع غيارها وصياناتها معقولة، بس يعيبها resale فقط.

- البيجو 308 ياريت حضرتك توضح اللى عندك 1.6 عادى-أوتو 4-سرعات،
ولا 1.6 prince THP تربو وفتيس 6-سرعات؟؟!!!

Rgds،

[وائل الجندي]

e respect يارجالة،

السول والتيريوس مش عربيات بالنسبة لباقى المقارنة؟!! :ka_che1[1]:
يعنى لما الراجل يقول:
1- فورد فوكس
2- بيجو 308

ماينفعش بقى لا قيا-سول ولا دايهاتسوس-تيريون!! Lol

بالنسبة للفلوينس: فعلا الخليجى samsung وفتيسها cvt نيسان.. غير اللى بتنزل مصر؟!!

وياريت ياجماعة -بعد إذنكم لو سمحتوا:
طالما بيقول -مالوش خبرة فـ العربيات- ياريت محدش يلبسه فـ عربية جديدة، مش معروفة فـ مصر.. وكمان مش هيتباع منها غير 5-6؟؟؟!!!!!!

@ وائل الجندي

- حضرتك شوف الأوكتافيا فعلا، عربية عليها طلب فـ مصر.. ومنتشرة -يعيبها الموتور متوسط وان هينزل منها شكل جديد،

- الفوكاس عربية ممتازة (أعلى واحدة technically).. وفيها متطلباتك رقم 1 و 2 perfect
بس خد بالك:
فتيسها powershift (زى الـdsg بتاع فولكس).. لو متعود عـ الأوتوماتيك الصريح ممكن -ممكن- مايعجبكش؟!!

قطع غيارها وصياناتها معقولة، بس يعيبها resale فقط.

- البيجو 308 ياريت حضرتك توضح اللى عندك 1.6 عادى-أوتو 4-سرعات،
ولا 1.6 prince thp تربو وفتيس 6-سرعات؟؟!!!

rgds،

شكرا يا اخي على اهتمامك
أنا عارف اني العربيات بينهم فرق بس انا الي مقيدني سعة المحرك والا كان هيكون في سياراتكتير غير الي ذكرتهم وبالنسبة للبيجو انا ركبتهم كل عربياتهم لا تقارن بكل الي شفته في باقي المعارض وخصوصا السيارة " المفترية " 3008 انبهرت لما دخلتها وركبتها صراحة كدة تحس نفسك ملك وانت راكبها اما بالنسبة لل308 ففي منها كذا فئة التربو بيجي كل الكماليات والعادية اقل بكتير وفي 308sw دي ممتازة جداااا وكل الكماليات وسقف بانوراما وواسعة جدا بس عيبها سمعت من الناس اعادة بيعها في مصر وقطع غيارها وصيانتها
اما بالنسبة للفوكس فموضوع الفتيس ده مقلقني جدا لاني سبب اني هبيع الجولف الي معايا هنا الفتيس لسه مغيرهولها والميكانيكية هنا طلعه عيني فعاملي عقدة الفتيس فياريت تقولي عيوب القير الجديد ده ايه ميهمنيش انا التقنية بتاعته قد ميهمني تحمله ويعيش قد ايه وفي حاجة اخيرة اني دخلت السول والتيريوس لاني عندي المدام عايزة عربية جيب صغيرة او هاتشباك فانت عارف اني مفيش جيب هنا اقل من 1600 سي سي غير تيريوس والسول احسها بين الجيب والهاتشباك وركبتها عجبتني من الداخل لانها واسعة جدا فمش عارف كمان هي قطع غيارها وصيانتها في مصر ايه ظروفهم
وشكرا لك