فيليشيا 95 ولا فيرنا 2010. مقارنة غريبة بس هتفهم لما تدخل

[p r i n c e]

السلام عليكم يا رجالة
انا قدامي عربية فيليشيا 95 تكييف تلاجة و راشة برا بس
ب 32 ألف بس ممكن تخلص على 30
السؤال دلوقتي يا رجالة أجيب فيليشيا ولا لأ؟ انا عاوز عربية مصرفش عليها غير بنزين و زيت.هل ال فيليشيا اعطالها كتير؟ و اخبارها إيه ف إعادة البيع؟
مع العلم اني ف شهر 4 هيجيلي فلوس كتير الحمدلله و ممكن اركب حاجة احسن.و في قدامي فيرنا 2010 ماشية 13 الف كيلو بس و هيا مانيوال فول اوبشن بتاعة واحد قريبي سعرها 54 ألف.عربية زيرو ب معنى الكلمة.قريبي ف السعودية و راكنها مراتو بتروح بيها الشغل كل يوم بس
اشتري ال فيليشيا ولا أصبر الشهرين دول و اجيب ال فيرنا؟
بالله عليكم ساعدوني ب آرائكم يا رجالة :-)

[egyptiandiver]

felicia إيه بس يا باشا؟ في فرق 15 سنة بين العربيتين. حتى لو felicia حالتها حلوة و هي عربية محترمة و كل حاجة... فهي مهما كان داخلة في 20 سنة شغل و مش في أي شوارع دي شوارع مصر المحروسة! حتى لو افترضنا إن هي زيرو بالكامل و متشاله في الجراج 15 ولا 20 سنة من غير أي حركة أقل واجب البارومة هتسرح فيها و معظم الكوتشات هتشقق و دة منطقي في أي عربية خدمات السنين دي كلها. لو مضطر فدي قصة أخرى - ربنا يعملن جميعاً الصالح

[ahmed76]

يا باشا لا تتردد لحظه طبعا اى عربيه 2010 افضل من اى عربيه موديل 95

[S O P H O S]

انا راي الفيرنا هنا هتتفوق
والله اعلم ..

[original]

الفيرنا أحسن وأحدث..

[aliabdo]

اولا سعر الفليشيا كده مبالغ فيه هى عربيه ممتازه و كل حاجه و برقبه الفيرنا بس برضو فى فرق 15 سنه
الفيرنا احدث و اكيد انظف بس فى فرق 20 الف فى الحاله دى انت الى تحدد انت عايز ايه
و نصيحه فى الظروف بتاعت البلد اشترى حاجه رخيصه و شيل الفلوس فى البيت احسن
انا عملت كده كنت حشترى زيزو وبعدين رحت اشتريت فورد اسكورت محدش ضامن الايام الى جايه ايه وضعها

[Waleed_Fathy]

بغض النظر عن سعر الفيلشيا هي عربيه مستهله مع واحد صحبي بيعيط منها
مع انه لما اشترها من سنتين كانت حالتها شاذه زي ما بيقول البعض
خليك فى الفيرنا توكل علي الله
و صلي استخارة الاول

[Sehsss]

أصبر شوية وهات حاجة كويسة، مفرقتش شهرين

[amrelsha3er]

أصبر شوية وهات حاجة كويسة، مفرقتش شهرين

+1111
ولا دى ولا دى

[felfel2010]

الفيرنا احلى بكتير

[Mostafa.Mahran]

الفيرنا حالتها جديدة و موديلها عالى و المقارنة محسومة ليها

[MOHAMED OSAMA]

اصبر الشهرين دومت احسن
والفيرنا جديده مش هتضيف عليها حاجه
انما ال فيليشيا اكيد لازم تصرف عليها
ومين عالم يمكن تلاقى حاجه احسن من الاتنين دومت

[amrelsaqqa]

الفيرنا تكسب في كل حاجة كعربية ماعدا الثبات بعد 120
سوق دى وسوق دى وهتلاقى فرق كبير
الفيليشيا عربية خشنة جدا وتكنولوجيا موتورها قديمة وفيها عيب سخونة ومعروف بتجيب جوان وش سلندر على طول ، بس ثبااتها حلو وعن تجربة ، بالنسبة للتكييف ، بيتهيألى صعب تكييف الفيليشيا يكون تلاجة ، الموتور بتاعها اصلا ضعيف من غير حاجة ، التكييف هيموت العربية ولو هتحطلها 80 ، هتسقف منك على طول


في المقابل الفيرنا عملية جدا ناعمة جدا في الموتور والعفشة ، باور وتكييف محترم وموديل 2010 بالذات عالية وكويسة ، يعيبها الثبات في السرعة العالية وانها كمان مغرية جدا للجري، والثبات والفرامل بيتحسنوا بتركيب جنوط وكاوتش محترم ، كمان ميزتها لو هتجيبها مؤقتا هتبيعها تاني بسهولة ومش هتخسر فيها


ولو عايز رأيي بصراحة لو هتستنى كمان وتزود لحد 60 الف ، هتجيب عربية حلوة ان شاء الله احسن من الاتنين دول وربنا يوفقك

[S O P H O S]

الف مبروك مرة تانية
علي الاختيار
نبارك لاخونا علي الفيرنا ..

[muha]

الفيرنا