جيتا ولا هوندا سيفيك!!

[amrelsha3er]

واحد صحبى مقبل على الشراء وبنقارن بين الاتنين دول
هو منحاز لهوندا بيقول انها فى الثبات احسن من الجيتا
انا بقوله انه هوندا مواتير مفيش كلام انما الثبات الجيتا ثباتها اكتر
ياريت الخبارء والدكاتره ينورنى اكتر من عيوب دى وعيوب دى
ومميزات دى ومميزات دى من حيث عفشه.. ثبات.. قوه ماتور وتسارع ..
الف شكر

[S O P H O S]

عمرو باشا مقولتش جديد ولا مستعمل ..

[amrelsha3er]

sophos حبيب قلبى موديل2009

[S O P H O S]

لا يا عزيزي الجيتا مفيش عليها كلام
لكن السيفيك 2009 ساحرة فكل شئ
قد تكوان واطية شوية علي مصر ولكن ملكة متوجة فالياباني بشكل عام فرأي
مجرد راي فقط يا باشا
وبالتوفيق ان شاء الله ليك ولصديقك ..

[amrelsha3er]

لا يا عزيزي الجيتا مفيش عليها كلام
لكن السيفيك 2009 ساحرة فكل شئ
قد تكوان واطية شوية علي مصر ولكن ملكة متوجة فالياباني بشكل عام فرأي
مجرد راي فقط يا باشا
وبالتوفيق ان شاء الله ليك ولصديقك ..

الف شكر صديقى العزيز sophos

[AMRPEGAS]

معلش الناس البتتكلم كتير عن السيفيك و الجيتا وما ركبتش ولا دى ولا دى بلاش تتكلم مع خالص أحترامى للجميع ممكن تقارن السيفك باللنسر ماشى وبمازدا ماشى يس جيتا صعب جدا ممكن تقارن الجيتا ب بم دبليو 320 ممكن بأودى ماشى بس بليز

[S O P H O S]

فعلا انا مركبتش اي عربية فحياتي
مستني اطلع الرخصة ان شاء الله
والجيتا هتتقارن بالبي ام 535 علي الاقل طبعا فعلا
فينك يا هاني باشا تنور الموضوع اصله كان راكب باسات مش جيتا ههههههه وحاليا راكب سيفيك
خلصت كلامي
تحياتي ..

[SAMEH_FOUAD]

انا بقى ركبت الاتنين وعايز مقارنة زى الفل اقولك

1- ماتور السيفيك تتفوق بجدارة , الجيتا سيب عليها فيرنا هتعمل معاها الصح بس طريق مستقيم

2- الثبات , الاتنين ممتازين مافيش اى كلام عليهم , موضوع بقى مين اثبت هاقول حاجة بسيطة

السيفيك ممتازة جدااااااا لحد 200 كم , الجيت ممتازة جداااااااااا لحد 193 كم بس دية اخر السرعة ليها مقدرتش تجيب اكتر من كدة معانا


3- الارتفاع عن الارض السيفيك افضل , الجيتا لازم تسمع صوتها فى اى مطبات

4- المساحة , تعتبر قريبة من بعض جدا

5- وسائل الامان و الاوبشن لو السيفيك vti هتبقى ممتازة , لكن لو lxi هنقول التفوق للجيتا

6- طبعا الشكل الاتنين شكلهم روعة

7- الخامات الاتنين تقفيل ممتاز بدون اخطاء

8- استهلاك البنزين قريبين من بعض بس التفوق للسيفيك بفرق مش كبير

9- الاعتمادية وقطع الغيار لصالح السيفيك بس بردة مايمنعش ان الجيا محترمة جداااا

10- التكييف لصالح السيفيك بدون كلام

[tamerosman]

الجيتا الجديدة نازلة بفتيس dsg زى بتاغ الباسات و حسب ما انا فاهم الفتيس ده لعنة و كله مشاكل و عليه مواضيع كتير فى قسم فولكس


ياريت حد من مﻻك باسات او جيتا 2011 و 2012 يقولنا مشاكل dsg اتحلت و ﻻ لسه ....كمان اﻻوكتافيا الجديدة نازلة بيه لﻷسف يعنى بقى امر واقع فى معظم اﻻلمانى

[S O P H O S]

سمسم باشا
قال كل شئ ..

[Sehsss]

السيفيك فعلا أفضل، واعتبروني ما ركبتش عربيات أنا كمان

[shaddadfalcon1]

معلش الناس البتتكلم كتير عن السيفيك و الجيتا وما ركبتش ولا دى ولا دى بلاش تتكلم مع خالص أحترامى للجميع ممكن تقارن السيفك باللنسر ماشى وبمازدا ماشى يس جيتا صعب جدا ممكن تقارن الجيتا ب بم دبليو 320 ممكن بأودى ماشى بس بليز

االجيتا في نفس الفئه السعريه بتاعة السيفيك تقريبا يبقي طبيعي تتقارن بيها
الجيتا اقل من الباسات والباسات بتتقارن ب bmw 316,318 يبقي ازاي الجيتا اللي هي اقل من الباسات تتقارن ب 320 ؟
ال 320 تقريبا تجيب 2 جيتا

[S O P H O S]

السيفيك فعلا أفضل، واعتبروني ما ركبتش عربيات أنا كمان

هههههه
يا سحس باشا متقولش كده
هو بس يمكن الي مش راكب جيتا مركبش اي عربية فحياته ..

[amrelsha3er]

هههههه
يا سحس باشا متقولش كده
هو بس يمكن الي مش راكب جيتا مركبش اي عربية فحياته ..

اضحك الله سنك ياsophps :D

[amrelsha3er]

معلش الناس البتتكلم كتير عن السيفيك و الجيتا وما ركبتش ولا دى ولا دى بلاش تتكلم مع خالص أحترامى للجميع ممكن تقارن السيفك باللنسر ماشى وبمازدا ماشى يس جيتا صعب جدا ممكن تقارن الجيتا ب بم دبليو 320 ممكن بأودى ماشى بس بليز

ياباشا اهدى بس فى ايه هو كل حد معاه عربيه يبقى متحيز ليها وخلاص!!! مش كده يعنى :d
الهوندا والجيتا نفس الفئه السعريه تقريبا والاتنين مش قليلين والجيتا مع واحد صحبى وانا سوقتها اكتر من عربيتى ونزلنا بيها من الغردقه للقاهره وفعلا زى ماسمسم قال سخنا بيها فى طريق القطاميه العربيه مش عاوزه تكسر ال195 وادينا ركبت وكنت سايق اهو عشان متقولش اللى مركبش ميتكلمش :)
تحياتى ياباشا ولازم يبقى فى روح مقارنه :d