يا جماعه عايز عربيه ب 60 الف

[iso_loma]

انا كل اللى معايا دلوقتى 60 الف و كنت راكب جولف 4 و عايز اركب حاجه بالسعر ده متكونش قديمه وقطع غيارها معقوله و محسش انى نزلت اوى من الجولف و ياريت محدش يقولى فيرنا او لانوس ولا نوبيرا

[Land_Cruiser]

سيفيك تسعينات - ميجان

[amrelsaqqa]

ونزلت من الجولف ليه ، صدقنى مش هتعرف تركب حاجة بعدها في الرينج ده مهما عملت

العربيات اللى في الرينج ده في الاوروبى

سكودا اوكتافيا a4 ا( اخت الجولف الكبيرة ، وهى هى في الشاسيه والموتور والعفشة)
رينو ميجان ، عربية حلوة بس صعب تلاقي النضيف فيها
اوبل استرا برازيلى ( ما انصحش بيها اوى الصراحة )

في اليابانى
نيسان صنى 2007 ودى صعب تيجى اوتوماتيك
لانسر بومة 1300 ودى ما تجيبهاش اوتوماتيك


في الكوري
اوبترا ونيو اكسنت بس ما تجيبش في النيو اكسنت قبل 2008


طبعا الاسعار قابلة للزيادة 2000 او 3000 حسب السوق

بس عايز اعرف فعلا ليه نزلت من الجولف ، لانى تقريبا زيك بالظبط بس بفكر في جولف

[S O P H O S]

جولف 4
طب ازاي اقولك عربية كوري !!!
مش هينفع والمبلغ بردوا محتاج يزيد
طب ايه رايك فالابيزا مثلا ..؟

[iso_loma]

ونزلت من الجولف ليه ، صدقنى مش هتعرف تركب حاجة بعدها في الرينج ده مهما عملت

العربيات اللى في الرينج ده في الاوروبى

سكودا اوكتافيا a4 ا( اخت الجولف الكبيرة ، وهى هى في الشاسيه والموتور والعفشة)
رينو ميجان ، عربية حلوة بس صعب تلاقي النضيف فيها
اوبل استرا برازيلى ( ما انصحش بيها اوى الصراحة )

في اليابانى
نيسان صنى 2007 ودى صعب تيجى اوتوماتيك
لانسر بومة 1300 ودى ما تجيبهاش اوتوماتيك


في الكوري
اوبترا ونيو اكسنت بس ما تجيبش في النيو اكسنت قبل 2008


طبعا الاسعار قابلة للزيادة 2000 او 3000 حسب السوق

بس عايز اعرف فعلا ليه نزلت من الجولف ، لانى تقريبا زيك بالظبط بس بفكر في جولف

نزلت من الجولف عشان قطع غيارها نااااار و بعدين موديل 99 قدميت وبدات تعطل كتير وجالى فيها سعر حلو اوى
بالنسبه للرينو ميجان اسمع ان قطع غيارها غاليه ومش اى حد يعرف يصلحها
نيسان صنى 2007 مش عارف ايه ظورفها بس كنت بسمع برضو ان قطع غيارها مش متوفره والاصلى منها غالى
لانسر بومة متجيش بالسعر ده خالص
اما اوبترا ونيو اكسنت فعلا دخلين دماغى بس افلى شويه من 60 و مش قادر اكمل دلوقتى بس ليه نيو اكسنت بعد 2008

[amrelsaqqa]

مممم طيب معلش هتعبك معايا عايزك تقولى بعض امثلة لقطع غيار الجولف

وبالنسبة لكلامك عن الميجان صح ، لازم تتصان في التوكيل ومش اي حد يمد ايده فيها ..

الصنى قطع غيارها لا غالية ولا رخيصة اعتقد متوسطة وكمان متوفرة جدا ، عيبها الااساسى في وجهة نظري ان الكنبة بتاعتها ضيقة جدا جدا وكمان استهلاكها للبنزين عالى شوية ، غير كدة خد منها ركوبة حلوة و ثبات جميل و صاج ناشف واعادة بيع حلوة وكل حاجة ...


لانسر بومة 1300 مانيوال مش 1600 بيتهيألى تيجى عادى ولو حتى بزيادة 2000 ولا حاجة بالكتير

النيو اكسنت 2008 فما فوق عشان اللى 2006 و 2007 الباور فيها كهربا ودايما بيبوظ وتصليحه غالى ، وفي 2008 حلوا المشكلة واستبدلوا الاسكاترا بسكاترة باور هيدروليكى عادى وطرمبة باور زيت عادية ..


هو واضح من كلامك انك عايز عربية عملية وسهلة اكتر منها ممتعة وركوبة ، وفي نفس الوقت مشكلتك انك كنت راكب جولف، حاجة تحير الصراحة

[Land_Cruiser]

نزلت من الجولف عشان قطع غيارها نااااار و بعدين موديل 99 قدميت وبدات تعطل كتير وجالى فيها سعر حلو اوى
بالنسبه للرينو ميجان اسمع ان قطع غيارها غاليه ومش اى حد يعرف يصلحها
نيسان صنى 2007 مش عارف ايه ظورفها بس كنت بسمع برضو ان قطع غيارها مش متوفره والاصلى منها غالى
لانسر بومة متجيش بالسعر ده خالص
اما اوبترا ونيو اكسنت فعلا دخلين دماغى بس افلى شويه من 60 و مش قادر اكمل دلوقتى بس ليه نيو اكسنت بعد 2008

الصنى قطع غيارها موجوده فى كل حته يا فندم و اسعارها زى بقيه اسعار قطع غيار العربيات العاديه مش اغلى و لا حاجه و دى بتتجمع فى مصر من 2006 و الشكل بتاعها لسه بينتج زيرو حتى الان

[iso_loma]

مفيش تعب ولا حاجه بس يا باشا بالنسبه للجولف سعر مثلا الاسطوانه والديسك كانت عامله 1000 جنيه سير الكاتينه 220 سير الدينمو 120 و الدينمو كان عامل 400 وشويه استيراد خارج و تيل الفرامل اللى ورا اغلى من اللى قدام كانو عاملين تقريبا 250 التركى مش فاكر سعره بالظبط وبليه دينمو ب 90 جنيه دى باظيت مرتين و الاصغر منها 70 وكابلات البوجيهات 275 و مره تانى سالت عليها كانت عامله 350 ده اللى فكرو ده غير ان المكنيكى هيزعلك :d مع العلم ان عربيتى حالتها نظيفه وكانت 1400 بس بتاكل بنزين زى السيراتو 1600 و طبعا العفشه بقى بتزعل اوى لو حصل فيها حاجه وعيب العربيه دى فتسها رخم شويه و تكيفها بيأثر على سحبها و من اول التالت سحبها بيضعف عشان 1400 لو عجباك اوى خليك فى 1600 او البورا او اسكودا ش4 الثالثه واحد فرق فى الهيكل الخارجى بس

[iso_loma]

الصنى قطع غيارها موجوده فى كل حته يا فندم و اسعارها زى بقيه اسعار قطع غيار العربيات العاديه مش اغلى و لا حاجه و دى بتتجمع فى مصر من 2006 و الشكل بتاعها لسه بينتج زيرو حتى الان

يعنى لو كده يبقى اكيد صنى افضل من النيو اكسنت و الاوبترا بس ياريت تقول بعض اسعار قطع الغيار زى تيل الفرامل مثلا و ايه موضوع انها ضيقه من جوه ياريت تسعدونى عشان ابتديت افكر فيها بجد وايه عيوبها

[iso_loma]

وايه احسن موديل فى الصنى عشان سمعت ان فيه موديل فيه مشكله فى الضفيره

[kliken]

صنى اختيار مناسب بس ان شاء الله تلاقى حاجه تكون حاله جيده علشان متتعبكش

[iso_loma]

الصنى دلوقتى اقل حاجه حوالى 68 بفكر فى الاوبترا دلوقتى

[matrix_it]

ستروين c4

[askoda]

You can check Daihatsu Sirion Model 2008 or 2009 Automatic but not GLX

[MOstafa Hashem]

Op el Vectra B 2002