إعـــــــلان

Collapse

.

,
See more
See less

اقوى مقارنة فى 2013 بين ستروين سى اليسيي والريو سيدان

Collapse
X
 
  • Filter
  • الوقت
  • Show
Clear All
new posts

  • اقوى مقارنة فى 2013 بين ستروين سى اليسيي والريو سيدان

    السلام عليكم ورحمة الله وبركاته
    من بعد ان حجزت الريو هاى لاين واللى سعرها وصل ل 135000 من الوكيل والعربية موش موجودة كمان لاقيت وحش ستروين الاتى بكل قوة من معرض اوتو ماك فورميولا هيه C-Elysee
    السيارة سعرها هاى لاين 125000 ودى التقارير بتاعتها من قسم ستروين





    المهم انا قولت لازم اعمل المقارنة دى وعايز اعرف اراء الناس كلها فى العربيتين من حيث
    1- الاعتمادية
    2- قطع الغيار والتعامل مع التوكيل
    3- السعر الحالى
    4- سعر اعادة البيع (انا متأكد انه للريو)
    على فكرة انا موش بفكر ابيع قبل 5 سنين من تاريخ الاستلام
    يا ريت يا اخونا نراعى عدم التحيز والحكم يكون عادل فى كل حاجة وايضا يبقى فيه مصداقية وخاصتا من ملاك ستروين المظلومة فى مصر.
    انا مضطر انى انزل عشان عندى مشوار مهم وحشوف الردود باليل على 11 او 12 بكتيره
    اشكركم جميعا والله المستعان

  • #2
    المقارنة محسومة من البداية
    حتي ركوبة العربية دي غير دي تماما فرأي
    ستروين عربية رائعة مظلومة فمصر
    كرأي فقط اختار ستروين بصراحة
    مع ان التوكيل والانتشار للريو
    والله اعلم ..

    Comment


    • #3
      بص يا زعيم
      عايز ركوبة و عربية تستمتع بيها و تكتشف امكانيات جديدة طول فترة امتلاكك ليها بس تراعيها و تصرف عليها يبقي السيتروين
      اما لو عايز عربية تقضي بيها مشاويرك و تريح نفسك من وجع الدماغ و متصرفش كتير يبقي الريو

      و نصيحة شخصية لا تتنازل عن عوامل الامان ابدا ابدا
      Sharief Mansy شريف منسي
      شكرا نايل موتورز
      [SIGPIC][/SIGPIC]
      Farewell my Cayenne, you were the best car i ever had and driven

      Comment


      • #4
        المشاركة الأصلية كتبت بواسطة horas3000 مشاهدة المشاركة
        بص يا زعيم
        عايز ركوبة و عربية تستمتع بيها و تكتشف امكانيات جديدة طول فترة امتلاكك ليها بس تراعيها و تصرف عليها يبقي السيتروين
        اما لو عايز عربية تقضي بيها مشاويرك و تريح نفسك من وجع الدماغ و متصرفش كتير يبقي الريو

        و نصيحة شخصية لا تتنازل عن عوامل الامان ابدا ابدا
        معاك فى كل كلمة
        أنا مش عارف السيتروين elysee بالذات معقّدة و لا simple
        ملاك السيتروين يفيدوك أكتر
        [CENTER][SIGPIC][/SIGPIC]
        [FONT=Comic Sans MS][COLOR=Black][SIZE=3][B]Ducati_1198s: The Beauty of MoToRCyCleS[/B][/SIZE][/COLOR][/FONT][/CENTER]

        Comment


        • #5
          المشاركة الأصلية كتبت بواسطة s o p h o s مشاهدة المشاركة
          المقارنة محسومة من البداية
          حتي ركوبة العربية دي غير دي تماما فرأي
          ستروين عربية رائعة مظلومة فمصر
          كرأي فقط اختار ستروين بصراحة
          مع ان التوكيل والانتشار للريو
          والله اعلم ..
          يا باشا ميرسى لزوقك وردك الجميل بس طبعا حط فى اعتبارك سعر اعادة البيع وتوافر قطع الغيار ده غير ان العربية لسه ما اتجربتش
          وعشان الموضوع يبقى متكامل انا لسه مكلم ا/ جورج مدير مبيعات ستروين وقالى انه التسليم لسه فى نص شهر ابريل لو حجزت دلوقتى وان قطع الغيار حتكون متوفرة فى التوكيل قبل التسليم وكمان العربية حتنزل من غير esp على الرغم من ان ده ما يعيبش العربية انا بحكى على المكالمة فقط

          Comment


          • #6
            المشاركة الأصلية كتبت بواسطة horas3000 مشاهدة المشاركة
            بص يا زعيم
            عايز ركوبة و عربية تستمتع بيها و تكتشف امكانيات جديدة طول فترة امتلاكك ليها بس تراعيها و تصرف عليها يبقي السيتروين
            اما لو عايز عربية تقضي بيها مشاويرك و تريح نفسك من وجع الدماغ و متصرفش كتير يبقي الريو

            و نصيحة شخصية لا تتنازل عن عوامل الامان ابدا ابدا
            يا حورس باشا انا اللى مخلينى احجز الريو الهاى لاين هيه وسائل الامان طبعا اللى موش ممكن انى اتنازل عنها بس المقارنة صعبة وكنت محتاج رأى الاعضاء فى فنيات اكتر وفورميلتور باشا فصص الموتور والفتيس والعفشة فى التقرير اللى انا حطه
            وميرسى ليك و للنصيحة ومشركتك

            Comment


            • #7
              المشاركة الأصلية كتبت بواسطة shouk_1987 مشاهدة المشاركة
              معاك فى كل كلمة
              أنا مش عارف السيتروين elysee بالذات معقّدة و لا simple
              ملاك السيتروين يفيدوك أكتر
              هيه موش معقدة ولا حاجة كل الموضوع ان العربية لسه جديدة واى عربية جديدة بيكون كل تعاملاتك مع توكيل العربية فى الصيانات وقطع الغيار وفعلا العربية تستاهل المقارنة فى الفئات السعرية وكمان كيا وهيونداى اللى بيستهبلو ويتمادو فى تغيير السعر ممكن كل يوم
              تسلم على الرد الجميل ومشاركتك الحلوة

              Comment


              • #8
                بص يا باشا باختصار كده
                1- الاعتمادية .. لستروين بالتاكيد
                2- قطع الغيار والتعامل مع التوكيل قطع غيار الكورى الجديد اسعارها استهبال بس هيبقو قريبين من بعض و ممكن السيتروين تبقى ارخص - التعامل عن نفسى ما اتعاملتش مع حد فيهم بس كلام الاعضاء فى كيا ان التعامل مع التوكيل محترم و مش متعب و عز العرب بيحاول يحسن من نفسه
                3- السعر الحالى السيتروين تكسب فيه سعرها اقل من الريو و وسائل امان الريو فيها اوبشنز و بس
                4- سعر اعادة البيع (انا متأكد انه للريو) اكيد ده هيبقى للريو الا لو السيتروين حققت نجاح عالى جدا سعرها مستعمل هيبقى عالى

                و بعد 5 سنوات ان شاء الله انت مش عارف ايه الى هايحصل جمارك الاوروبى هيبقى 4 % تقريبا و سعره هيبقى اقل ( بحلم انا )

                فى المجمل السيتروين اوسع من الريو و خارجيا اجمل منها - مش فاكر الريو اوى من جوه خصوصا انى ركبت الخليجى مش توكيل بس خامات السيتروين احسن شويه - صاج السيتروين محمل عن الريو - استهلاك البنزين فى السيتروين هيبقى احسن من الريو بكتير

                توكل على الله و احجز السيتروين و مش هاتندم ان شاء الله

                Comment


                • #9
                  معقول يا اخونا 89 مشاهدة و7 مشاركات فقط امال فين نمور كيا ووحوش الستروين

                  انا متابع وبشدة وخاصتا انى بخلص اجراءات الريو وموش عايز اندم على اختيارى يا ريت تفيدونى

                  Comment


                  • #10
                    المشاركة الأصلية كتبت بواسطة algazar2 مشاهدة المشاركة
                    بص يا باشا باختصار كده
                    1- الاعتمادية .. لستروين بالتاكيد
                    2- قطع الغيار والتعامل مع التوكيل قطع غيار الكورى الجديد اسعارها استهبال بس هيبقو قريبين من بعض و ممكن السيتروين تبقى ارخص - التعامل عن نفسى ما اتعاملتش مع حد فيهم بس كلام الاعضاء فى كيا ان التعامل مع التوكيل محترم و مش متعب و عز العرب بيحاول يحسن من نفسه
                    3- السعر الحالى السيتروين تكسب فيه سعرها اقل من الريو و وسائل امان الريو فيها اوبشنز و بس
                    4- سعر اعادة البيع (انا متأكد انه للريو) اكيد ده هيبقى للريو الا لو السيتروين حققت نجاح عالى جدا سعرها مستعمل هيبقى عالى

                    و بعد 5 سنوات ان شاء الله انت مش عارف ايه الى هايحصل جمارك الاوروبى هيبقى 4 % تقريبا و سعره هيبقى اقل ( بحلم انا )

                    فى المجمل السيتروين اوسع من الريو و خارجيا اجمل منها - مش فاكر الريو اوى من جوه خصوصا انى ركبت الخليجى مش توكيل بس خامات السيتروين احسن شويه - صاج السيتروين محمل عن الريو - استهلاك البنزين فى السيتروين هيبقى احسن من الريو بكتير

                    توكل على الله و احجز السيتروين و مش هاتندم ان شاء الله
                    تسلم يا باشا ولكن اعتقد اننا كاشعب مصرى ما بنحبش المجازفة فى حاجة لسه ما اتجربتش ده غير ان ممكن لو حجزت الستروين لما اجى استلم الاقيها وصلت لسعر الريو مثلا ده طبقا لكلام أ/ جورج على الرغم ان ما فيش اى تأكيد عن سعرها كمان 4 شهور وكمان اسعار قطع الغيار

                    Comment


                    • #11
                      المشاركة الأصلية كتبت بواسطة HSE_eng_ramy مشاهدة المشاركة
                      وكنت محتاج رأى الاعضاء فى فنيات اكتر وفورميلتور باشا فصص الموتور والفتيس والعفشة فى التقرير اللى انا حطه
                      شوف يا باشا
                      أنا مكنتش هأتكلم و ولا هاكتب حاجة

                      الكلام اللي اتقال عليها ده مع احترامي لصاحبه مش سليم

                      1. لا العربية موتور قديم و اتعمله update

                      الموتور ده هو هو بتاع ال c4 وال 307 وال 207 بس زودوله vvt و غيره ال cam shaft

                      2. ملهاش علاقة بال platform بتاع ال elysee القديمة

                      نفس ال platform يعني

                      * نفس ال wheelbase
                      * نفس ال powertrain وال engines
                      * نفس ال suspension
                      * نفس ال power steering type
                      * نفس ال floorpan

                      زي ال c3 وال 207
                      أو ال c4 وال 308

                      دي wheelbase جديدة خالص 2650 مم و موتور جديد تم تطويره

                      3.مفيش شركة اسمها BVA

                      دي معناها Boîte de Vitesses Automatique
                      و هي و AL4 دول رمز للفتيس الأوتو

                      Comment


                      • #12
                        دي آخر مشاركة في الموضوع و أنا موضح فيها كل حاجة :

                        1.الموتور فرنساوي 100 % ودة تطوير لموتور ال 307 وال c4
                        2. العربية تجميع أسباني
                        3.العربية نازلة بـ ABS و EBD و EBA و ASR
                        مفيش ESP

                        4.الفتيس ZF الماني و مفيش شركة اسمها BVA
                        5.العربية تعمل ببنزين 92
                        6. التسليم في شهر ابريل

                        7.العربية فعلا موجهة لاسواق نامية

                        بس مع احترامي مفيش مقارنة بينها و بين العربيات اللي تم ذكرها في الموضوع
                        زي siena و palio و logan و pointer
                        و اللي شافها عارف الكلام ده


                        8.العربية هي أكبر عربية في فئتها بقاعدة عجلات 2650 مم
                        و كمان أكبر شنطة في فئتها 506 لتر

                        9.العربية ملهاش أي علاقة بال elysee القديمة
                        لا platform ولا غيره

                        دي قاعدة عجلات جديدة و موتور تطوير لموتور ال c4 وال 307 اللي كان بيركب برده في ال elysee القديمة

                        10.العربية من أقوى العربيات كأداء في فئتها
                        هتزعل عربيات كتير تربو و عادي
                        بتسارع 9.4 للمانيوال و 10.8 للأوتو

                        11.العربية خاماتها ممتازة
                        الاحسن في فئتها وأحسن من حاجات كتير أغلى منها

                        المشكلة إن الناس بتقارن بينها و بين موديلات citroen التانية
                        و أكيد مش هتبقى زيهم

                        Comment


                        • #13
                          بص يا باشا لو وصلت لتمن الريو هيه لسه افضل من الريو كفاية ال abs + ebd + asr + eba + 2airbag

                          كل ده و لسه متكلمناش ع الاوبشن بتاعه العربيه

                          الريو الاوبشن فيها كتير ناقص يقولك زغزغه فى الكراسى و تدليك القدمين بس كل ده هينفعك فى ايه فى وقت خطر او وقت زنقة ولا حاجة
                          الريو اخرها abs + فتحه سقف لو موقفتش تنط من فوق على طوووول زى الطيارات

                          غير ان سيتروين لما بتحجز السعر مبيرفعش عليك غير ان لو سعرها بعد الزياده الى مش هاتبقى مره واحده بقى زى تمن الريو دلوقتى يبقى توقع ان الريو تمنها ساعتها هيبقى 150 الف و يقولك زودنا فيها ليداية و ولاعه

                          Comment


                          • #14
                            العربيتين شكلهم جميل و الإتنين بياخدوا 92

                            شوف إنت بقى عايز إيه ؟

                            لو عاوز option زيادة
                            زي فوانيس led و فتحة سقف و مرايات ضم و مثبت سرعة و keyless entry
                            و سعر اعادة بيع
                            و قطع غيار منتشرة أكتر (بس مش رخيصة)
                            وتوكيل أحسن و مراكز خدمة كتير
                            يبقى هات ال rio


                            لو عاوز خامات أعلى
                            سعر أقل
                            أداء أعلى و موتور أقوى
                            عوامل أمان أكتر زي ASR و EBA
                            عربية اوسع و شنطة أكبر

                            يبقى عندك ال Elysee

                            وعلى فكرة لحد دلوقتي فيه 3 حجزوا العربية من المنتدى هنا
                            يعني العربية أنا حاسس إنها هتعمل مبيعات كويسة و هتبدأ حاجتها تنتشر
                            خصوصا لو فضلت بتمنها

                            Comment


                            • #15
                              بالنسبة لإعتمادية الفرنساوي :

                              أنا هكلمك على ال C4

                              دي الحاجات اللي مشهور إنها بتتغير
                              الحاجات دي ممكن تحصل و ممكن لأ

                              1. electrovalve الفتيس

                              دي كانت مشهورة في الفتايس الأوتو بتاعت 2005-2007

                              2.كتاوت الدينامو ودي بحوالي 300-400 جنيه

                              لما الفولت بيعلى بيطلع errors كتير في العربية
                              ودة ساعات بيكون السبب إن الطلمبة تتحرق
                              الكلام ده فوق ال 80 ألف (على كم عالي يعني )

                              3.طلمبة بنزين

                              ساعات بتحتاج يتغير الموتور بتاعها أو تشتري واحدة جديدة
                              الكلام ده فوق ال 80 ألف برده
                              والموتور ده bosch بـ 200 جنيه

                              4.تيوش ميزان

                              بـ 250-300 جنيه
                              حسب الإستخدام ,ملهاش وقت معيَّن
                              بس مش بتحصل بدري برضه

                              عمركم شفتوا حيادية و صراحة أكتر من كده :)

                              فيه عضو معانا في المنتدى هنا معدي ال 230 ألف بـ C4
                              ده غير إن معظم ملاك ال c4 معانا هنا معاديين ال 100 وال 150 ألف
                              معظم ال c4 في مصر أصلا معدي ال 100 ألف

                              العربية عادية جدا مش زي ما الناس فاهمة يعني
                              لا هي معقدة ولا حاجة و مشاكلها معروفة
                              بس ليها ناسها اللي بيشتغلوا فيها
                              بدام مابتخليش حد يفتي فيها , عمرها ما هتقل معاك


                              و أكيد ال elysee مش هتبقى اعقد من ال C4
                              متخافش يعني :)

                              Comment

                              Working...
                              X