مساعدة هل اشتري اوبل استرا

[Iori77]

السلام عليكم
اعرفكم بنفسي الاول
انا صيدلي ساكن في الاسماعيلية
ديه اول مشاركة ليا هنا
انا مبحبش السواقة اصلا بس التاكسيات بقت بايخة و ان شاء الله ربنا هيرزقني بطفلي الثاني و كفاية بهدلة
فنويت اشتري عربية اوتو تسهل عليا السواقة و كدا
استقريت علي البيكانتو المستعمل بس بصراحة موضوع الثبات ده قلقني و العربية مش حساسها تنفع عربية اساسية
قدامي دلوقتي اوبل استرا gtc ٢٠٠٨ عاملة ٥٥ الف كيلو ب ٨٨ الف جنيه فابريكة
انا معجب بالعربية جدا و مش حاسس موضوع البابين ازمة اوي
بس انا خبريتي كلها قراية مش عملي فقلت ارجع لاهل الخبرة ، ايه رايكم اتوكل علي الله في الاسترا و لا اجيب زي الشعب لانسر و خلاص او نيو اكسنت
مع العلم انا معجب جدا بالاسترا
شكرا

[S O P H O S]

هات ياريس هات كورولا - صني - لانسر الخ
مجرد رأي يميل للخطأ ..

[Iori77]

هات ياريس هات كورولا - صني - لانسر الخ
مجرد رأي يميل للخطأ ..

مش شايف ان اسعارهم مستعملين مبالغ فيهم
و الاوبل كعربية يمكن تكون احسن منهم لكن التوكيل و قطع الغيار هما المشكلة

[Dr-Daly]

انا كنت في نفس مشكلتك دي من شهرين بس غلبت مشاعر حبي للعربيه ورغبتي في إني أركب عربيه ماركه ألماني معروفه بتكنولوجيا محترمه وتقفيل ممتاز وكفاءة أفضل وبرستيج أعلي طبعاً علي عقلي اللي بيقوللي بلاش أوبل ملهاش سوق وبلاش فيكتراإليكترونياً صعبه وصيانتها مشكله
بس طبعا يتبقي مشكله الألماني لساكني المحافظات زيك وزيي في قطع الغيار والصيانات لأن مش أي حد يعرف يشتغل فيها وإنتا لو لمبه باظت هتحس إن صعبان عليك تروح لكهربائي وتبقي عايز تروح التوكيل مع الأسف خصوصاً لو حالة العربيه كويسه بتصعب علي الواحد، ولو لاقدر الله حصل اي عطل هتسافر بيها القاهره غالبا إما التوكيل أو صنايعيه أوبل المخصوصين المعروفين
انا عرضت وجهتين النظر ولك مطلق الحريه " نسيت أقولك إن الأسترا 2008 جامده موووووت

[Iori77]

انا كنت في نفس مشكلتك دي من شهرين بس غلبت مشاعر حبي للعربيه ورغبتي في إني أركب عربيه ماركه ألماني معروفه بتكنولوجيا محترمه وتقفيل ممتاز وكفاءة أفضل وبرستيج أعلي طبعاً علي عقلي اللي بيقوللي بلاش أوبل ملهاش سوق وبلاش فيكتراإليكترونياً صعبه وصيانتها مشكله :_alshmokh11:
بس طبعا يتبقي مشكله الألماني لساكني المحافظات زيك وزيي في قطع الغيار والصيانات لأن مش أي حد يعرف يشتغل فيها وإنتا لو لمبه باظت هتحس إن صعبان عليك تروح لكهربائي وتبقي عايز تروح التوكيل مع الأسف خصوصاً لو حالة العربيه كويسه بتصعب علي الواحد، ولو لاقدر الله حصل اي عطل هتسافر بيها القاهره غالبا إما التوكيل أو صنايعيه أوبل المخصوصين المعروفين
انا عرضت وجهتين النظر ولك مطلق الحريه " نسيت أقولك إن الأسترا 2008 جامده موووووت :copy of new:

انت كدة بتصعبها عليا :d
مع الاعتذار لتامر منن غمرة
انا لسة عارف ان صيانة ال60 الف ب 4500 (العربية عايزة واحد غني يا عم )
انا حاسس اني صوت العقل اغلبه علي صوت القلب و اجيب لانسر

[Dr-Daly]

انت كدة بتصعبها عليا :d
مع الاعتذار لتامر منن غمرة
انا لسة عارف ان صيانة ال60 الف ب 4500 (العربية عايزة واحد غني يا عم )
انا حاسس اني صوت العقل اغلبه علي صوت القلب و اجيب لانسر

مين قالك ان صيانه ال 60000 بالرقم ده، وهل دي صيانه عاديه وألا فيها سيور وزيت فتيس مثلا وكده؟؟
بعدين ياأخي إشتري عربيه أسترا غير دي وتكون معديه صيانة الستين ألف :)

[Iori77]

مين قالك ان صيانه ال 60000 بالرقم ده، وهل دي صيانه عاديه وألا فيها سيور وزيت فتيس مثلا وكده؟؟
بعدين ياأخي إشتري عربيه أسترا غير دي وتكون معديه صيانة الستين ألف :)

ال قالي واحد كانت معاه الgtc
انا تعبت من القراية و المقارنة
عايز اشتري اي حاجة و ارتاح
بس مش عايز ادفع كتير بعد كده ولا كل شويه اسافر مصر
انا سالت و لقيت ميكانيكي بيفهم في الاوبل في الاسماعيلية ( اتريقوا اتريقوا علينا ) و كمان ناس بتبيع قطع غيارها بس مش اصلي بس اغلي من القاهرة
علي فكرة انا مش هسافر كتير لكن ممكن اروح الشغل بيها هوا طريق سفر بس ٢٥ كم فمش عارف انا هستفاد بالاوبل ولا لا
و لسة بتعلم برده و ممكن اخبط

[Mohab.Nabil]

بس سعر الاسترا ديه قليل بصراحة عليها .. اتأكد اوى انها تمام فى كل حاجة و لو العربية تمام يبقى سعرها فرصة

و طبعا مفيش اى وجه للمقارنة بين الاسترا gtc و اى من العربيات اللى قلتهم

[Iori77]

بس سعر الاسترا ديه قليل بصراحة عليها .. اتأكد اوى انها تمام فى كل حاجة و لو العربية تمام يبقى سعرها فرصة

و طبعا مفيش اى وجه للمقارنة بين الاسترا gtc و اى من العربيات اللى قلتهم

Sold already el astra

[AlGazar2]

فى العادى كنت هقولك هات الاسترا وش و فكك من اللانسر
بس لانك اول عربيه ليك و ملكش خبره كبيره فى العربيات و مش غاوى عربيه معينه يبقى تجيب عربيه منتشره فى اسماعيليه - اعتقد هتبقى االاكسنت شوفتها كتير هناك - و طريقك 25 كيلو فهتبقى الاكسنت كويسه و عمليه
و بلاش لانسر سعرها مبالغ فيه و قطع غيارها الاصليه غاليه و ممكن تكون اغلى من الاوبل
الا لو الاوبل داخله دماغك و عاجباك و ممكن تتعب عشانها شويه فى الصيانات التقيله و تجيبها لحد بيشتغل فى الاوبل فى القاهره و دى فى الاوبل على الاقل كل 60 الف تغيير السيور كلها و كده و فى الصيانات الخفيفه يبقى معاك فلاترك الاصليه زيت و هوا و تغيرهم بنفسك او فى بنزينه محترمه تغيير زيت و فلتر مش قضيه كبيره حتى بالنسبه للميكانيكيه العظام بتوعنا و ممكن تغيرهم بنفسك فى اقل من ساعه زمن و ساعتها هتحس احساس متعب بس حلو ان انت بتعمل حاجتك بنفسك

[Iori77]

فى العادى كنت هقولك هات الاسترا وش و فكك من اللانسر
بس لانك اول عربيه ليك و ملكش خبره كبيره فى العربيات و مش غاوى عربيه معينه يبقى تجيب عربيه منتشره فى اسماعيليه - اعتقد هتبقى االاكسنت شوفتها كتير هناك - و طريقك 25 كيلو فهتبقى الاكسنت كويسه و عمليه
و بلاش لانسر سعرها مبالغ فيه و قطع غيارها الاصليه غاليه و ممكن تكون اغلى من الاوبل
الا لو الاوبل داخله دماغك و عاجباك و ممكن تتعب عشانها شويه فى الصيانات التقيله و تجيبها لحد بيشتغل فى الاوبل فى القاهره و دى فى الاوبل على الاقل كل 60 الف تغيير السيور كلها و كده و فى الصيانات الخفيفه يبقى معاك فلاترك الاصليه زيت و هوا و تغيرهم بنفسك او فى بنزينه محترمه تغيير زيت و فلتر مش قضيه كبيره حتى بالنسبه للميكانيكيه العظام بتوعنا و ممكن تغيرهم بنفسك فى اقل من ساعه زمن و ساعتها هتحس احساس متعب بس حلو ان انت بتعمل حاجتك بنفسك

طبعا شكرا للنصيحة
والله انا بحب المازدا و اللانسر و الاوبل و الجولف
فمش فارقة معايا اوي بس طبعا حبزا اركب حاجة انا حاببها

معلش سؤال جانبي
لو عربية مازدا ٣ موديل ٢٠١٠ كانت عاملة حادثة و مغيرة شنطة و رشة قايم و هو صلحهم و عايز في العربية ٧٥ الف مع العلم انها ماشية ٢٨ الف كيلو بس و هو بيقول الماتور سليم اشوفها ولا اكبر لانه في القاهرة

[AlGazar2]

طبعا شكرا للنصيحة
والله انا بحب المازدا و اللانسر و الاوبل و الجولف
فمش فارقة معايا اوي بس طبعا حبزا اركب حاجة انا حاببها

معلش سؤال جانبي
لو عربية مازدا ٣ موديل ٢٠١٠ كانت عاملة حادثة و مغيرة شنطة و رشة قايم و هو صلحهم و عايز في العربية ٧٥ الف مع العلم انها ماشية ٢٨ الف كيلو بس و هو بيقول الماتور سليم اشوفها ولا اكبر لانه في القاهرة

مغيره شنطه عادى بتحصل لكن رشه قايم صعبه شويه لان كده الخبطه دمرت رفرف و شاسيه و قايم و را يعنى كانت خبطه جامده و اكيد بوظت حاجات فى العفشه + لو العربيه فضلت سليمه مكانش هيفكر فى بيعها بعد ما صلحها فالافضل انك تكبر لان اصلا المازدا تقيله فى بيعها و قطع غيارها قليله و غاليه فليه تتعب نفسك فماتشوفهاش و لو حابب الاوبل يبقى تكشف عليها و تتوكل على الله و صياناتك التقيله فى القاهره او عند حد فاهم فى اسماعيليه و صياناتك الخفيفه تبقى عامل حسابك على قطع الغيار من القاهره و بتغيرها بنفسك و مش هتلاقى مشاكل كبيره فى العربيه ان شاء الله طالما بتراعيها فى الصيانات