الانترا vs تيدا

[Nashaat Rady]

أنا عارف ان المقارنة غريبة شوية بس في ناس طلبت منى أقارن بما ان أنا امتلك السيارتين


أنا حبتديلك طبعاً بالسعر. التيدا سعرها منافس جداً بالنسبة لأسعار السوق المجنونة اليومين دول بتتراوح ما بين ١٢٣ ألف و ١٣٦ ألف هاتشباك و سيدان. أما الإلنترا فاتجننت و بأسمع أسعار مختلفة من كل مكان لكن عامتاً تتراوح بين ١٤٠ ألف و ١٧٥ ألف.

فطع الغيار محصلة بعضها.

الإلنترا طبعا أكبر.

الثبات واحد تقريبا... يعني الإلنترا تتفوق سنة

التسارع برده تقريبا واحد

الخامات الداخلية الإلنترا افضل قليلاً.

كراسي الإلنترا افضل و أريح بكثييييير

عزل التيدا افضل عند غلق النوافذ

العفشة جيدة في الاثنين. التيدا انشف سنة... مع العلم ان السيارتين اللي معايا فيهم جنوت.

الشكل الخارجي للالنترا يتفوق بكثير و الداخلي كمان.

عواما الأمان في التيدا أكثر ... 2airbags, abs, ebd, bas, و صاج سميك نسبياً
الإلنترا 2airbags, abs, فقط
و اقل فئة في التيدا تفس عوامل الأمان
اقل فئة في الإلنترا فيها airbag واحدة فقط بدون abs.

عيب رخم في التيدا المرايا الشمال وضعها قريب جداً من السائق و مش محدبة بس في ناس غيرتها بالمرايا الياباني القديمة
بس برده تزال قريبة من السائق.

السيارتين فيهم EPS أو باور ستيرينج كهربائي و ليس هيدروليكي و ده افضل في المناورة طبعاً

كاوتش التيدا ١٨٥ / ١٥
الإلنترا ١٩٥/ ١٥ و ٢٠٥ / ١٦ بالنسبة للوكيل

ده اللي على بالى دلوقتي. أي أسئلة اخري، أنا في الخدمة.

[samyyousef]

تحياتي لصاحب الموضوع
أيهما أوسع في كرسي قائد السيارة؟؟
أظن أن عفشة التيدا أنشف بكثير.....هل هذه المعلومة صحيحة؟

[Nashaat Rady]

كرسي السائق

تحياتي لصاحب الموضوع
أيهما أوسع في كرسي قائد السيارة؟؟
أظن أن عفشة التيدا أنشف بكثير.....هل هذه المعلومة صحيحة؟

الاثنين واحد تقريباً بس كرسي التيدا عالي .. ده عيب بالنسبالي... لكن واحد كبير في السن زي والدي ميزة
عشان سهولة الخروج والدخول للسيارة. و زوجتي كمان بتفضل ده عشان رؤية افضل للطريق..

كرسي الإلنترا بالبلدى انتخة أوي و سبور زي ال bmw الجديد.

عفشة التيدا انشف طبعاً.. لكن مش زي السيراتو مثلاً... تعتبر مريحة برده

نشفان العفشة عامتاً بيدى ثبات أكثر علي الطريق خصوصاً في مطباط الهوي الجميلة اللي فى شوارع مصر

[S O P H O S]

جزاك الله خيرا ..

[kliken]

شكرا على مجهودك
بس انا مختلف مع حضرتك شويه فى موضوع الخامات الداخليه
و برضه حضرتك تقصد الالنترا اكبرمن ناحيه ايه

[Nashaat Rady]

شكرا على مجهودك
بس انا مختلف مع حضرتك شويه فى موضوع الخامات الداخليه
و برضه حضرتك تقصد الالنترا اكبرمن ناحيه ايه

هو فعلا الفرق لا يذكر من حيث الخامات الداخلية و في بعض الحاجات التيدا تتفوق مثل
طارة الدركسيون.. دركسيون الإلنترا الجلد عمال بيقشر و لسا مش عارف التوكيل حايعمل آه معايا.
الإلنترا اعرض و شنتطها أوسع و حوض الموتور أكبر

[mn3em]

جزاك الله خيرا للإهتمامك

لو فيها رخامه بس كنت عايز استفسار
كنت عايز أعرف الثبات في التيدا لغاية كام لو ماشي مستقيم يعني ملفات صغيره اوي ؟؟؟
والشنطه بتاع الهاتشباك صغيره اوي ولا ممكن الواحد يتعامل معاها بالشنطه اللي بتركب فوق السقف دي مش عارف اسمها بصراحه
ولما اربعه يركبوا معايا أخبار المطبات ايه بغض النظر عن مطبات مصر يعني مقارنتا" بعربيات تانيه زي الالنترا مثلا

[Nashaat Rady]

لو فيها رخامه بس كنت عايز استفسار
كنت عايز أعرف الثبات في التيدا لغاية كام لو ماشي مستقيم يعني ملفات صغيره اوي ؟؟؟
والشنطه بتاع الهاتشباك صغيره اوي ولا ممكن الواحد يتعامل معاها بالشنطه اللي بتركب فوق السقف دي مش عارف اسمها بصراحه
ولما اربعه يركبوا معايا أخبار المطبات ايه بغض النظر عن مطبات مصر يعني مقارنتا" بعربيات تانيه زي الالنترا مثلا

ولا رخامة ولا حاجة، تحت أمرك ..

الثبات ممتاز لحد ١٣٠ أو ١٤٠ حسب الطريق

الشنطة مساحتها معقولة.. بس فيه ميزه في الهاي لاين فقط و هي ان الكنبة الخلفية متحركة زي الكراسي الأمامية بالضبط
يعني ممكن تخلي الشنطة مساحتها أكبر مرة و نص و كمان قابلة للطي كلياً و التخزين يبقى بعرض السيارة بالكامل و ده يديك تقريبا كمان مرة علي المرة و نص اللي فاته.

هي أعلي من الإلنترا و عافشتها انشف.. يعني لا تقلق من المطبات لكن الحفر ده انت وشطارطك

[mn3em]

ولا رخامة ولا حاجة، تحت أمرك ..

الثبات ممتاز لحد ١٣٠ أو ١٤٠ حسب الطريق

الشنطة مساحتها معقولة.. بس فيه ميزه في الهاي لاين فقط و هي ان الكنبة الخلفية متحركة زي الكراسي الأمامية بالضبط
يعني ممكن تخلي الشنطة مساحتها أكبر مرة و نص و كمان قابلة للطي كلياً و التخزين يبقى بعرض السيارة بالكامل و ده يديك تقريبا كمان مرة علي المرة و نص اللي فاته.

هي أعلي من الإلنترا و عافشتها انشف.. يعني لا تقلق من المطبات لكن الحفر ده انت وشطارطك

140 بس !!!!! بس فيه ناس بتقول مشيت بيها 190 وعادي بس انا بتكلم عن نفسي لغاية 170 مثلا هيبقي قلق يعني ولا تمشي عادي
بس في حالة الكنبه الخلفيه يبقي كده بتتلغي
يعني ايه الحفر انا وشطارتي ؟؟؟
معلش بتقل عليك

[Nashaat Rady]

140 بس !!!!! بس فيه ناس بتقول مشيت بيها 190 وعادي بس انا بتكلم عن نفسي لغاية 170 مثلا هيبقي قلق يعني ولا تمشي عادي
بس في حالة الكنبه الخلفيه يبقي كده بتتلغي
يعني ايه الحفر انا وشطارتي ؟؟؟
معلش بتقل عليك

العربية فعلا ممكن تجيب لغاية ١٩٠بس بعد ١٤٠ الثبات بيقل تدريجيا..

الكنبة الخلفية بتتحرك علي مجري زي الكراسي الأمامية ولما بتحركها لقدام نصف المشوار بتاعها فقط مساحة شنتطها
بتبقى قد الإلنترا. أنا قاصدي لو محتاج تنقل حاجة كبيرة ممكن تطبق الكنبة و يبقي عندك مساحة تخزين كبيرة فعلا

يعنى حفر شوارع مصر مالهاش كبير:):):

[Ultramisho]

تقرير جميل والحقيقة انا عندي نفس الحيرة اضحي بالشكل الملفت واوفر شوية فلوس ولا اكع بس اركب عربية شكلها عائلي واحلى كتير صدقني عندي الحيرة دي
بس سؤالي عن التكييف كلنا عارفين ان تكييف النيسان متميز وان برضه الهيونداى معتبر وسؤالي هو احساسك بالتكييف وسرعة التبريد ودرجة السقوعية افضل في مين فيهم

وبرضه فيه ناس اشتكت من تزييق وصوت في تابلوه التيدا فهل عندك لاحظت ده وهل هو مقلق او بيضايق ولا بسيط لو موجود

بالنسبة لقطع الغيار حضرتك قلت انهم متقاربين تقصد في التوكيل ولا بره اصلي باسمع ان قطع غيار التيدا في كل حتة ولا انتشارها مش مخفض سعرها ايه معلومات حضرتك في الموضوع ده مع خبرتك في العربيتين

حاجة تانية ناس كتير بتشتكي من غبور وناس كتير برضه بتمتدح توكيل نيسان فهل فعلا حسيت بفرق في التوكيل بين الاتنين تستحق انك ترجح واحدة منهم لو عاوز ترتاح في الصيانة

اخيرا معلش تقلت عليك عزل التيدا كتير شكروا فيه بس سؤالي هل عزل الالنترا بيضايق يعني مثلا لو في الزحمة ومشغل التكييف بتحس بالدوشة بره ولا هو اقل بس برضه كافي لتوفير هدوء داخل المقصورة

حته كمان معلش هل الوان التيدا المكسيكي الحالية لسه برضه الازرق الزهري والاحمر الناري ولا فيه كحلي ونبيتي وهل الفيراني في التيدا غامق ولا بنفس جودة ولون الالنترا

اشكركم عن موضوعكم المتميز لان الحقيقة من يبحث بالدرجة الاولى على عربية اعتمادية سحبها كويس وتكييفها متميز بيفكر في الاتنين دول

خالص تحياتي

[Nashaat Rady]

تقرير جميل والحقيقة انا عندي نفس الحيرة اضحي بالشكل الملفت واوفر شوية فلوس ولا اكع بس اركب عربية شكلها عائلي واحلى كتير صدقني عندي الحيرة دي
بس سؤالي عن التكييف كلنا عارفين ان تكييف النيسان متميز وان برضه الهيونداى معتبر وسؤالي هو احساسك بالتكييف وسرعة التبريد ودرجة السقوعية افضل في مين فيهم

الموضوع كله يرجع لميزانيتك.
بالنسبة للتكييف انا عندي في الالنترا تكييف اوتوماتيك زي اللي في التيدا بس يزيد عليه انه dual في الإلنترا.
الأداء ممتاز في الاثنين، ماقدرش أميز واحد عن التاني،ما عدا ان صوت المروحة في التيدا اوطي لما تعملها علي أقصى سرعة.

وبرضه فيه ناس اشتكت من تزييق وصوت في تابلوه التيدا فهل عندك لاحظت ده وهل هو مقلق او بيضايق ولا بسيط لو موجود

موجود يا باشا من اول ما طلعت بيها من المعرض، بس بسمعه لما أركز معاه بس... يعني لو ماكنتش قرائت عن هنا في المنتدي ما كنتش سمعته والدليل ان زوجتي ما سمعتش و انا ما قلتلهاش و هي الي بتسوق العربية دي.
الصوت غير مزعج تماماً.

بالنسبة لقطع الغيار حضرتك قلت انهم متقاربين تقصد في التوكيل ولا بره اصلي باسمع ان قطع غيار التيدا في كل حتة ولا انتشارها مش مخفض سعرها ايه معلومات حضرتك في الموضوع ده مع خبرتك في العربيتين

انا ما عنديش خبرة الصراحة في الموضوع ده اوي عشان العربيتين جداد معايا، لكن عن السمع ان قطع غيار التيدا أرخص شوية مع أنها ياباني و ده عشان منتشرة جداً. بالنسبة للالنترا لسه في قطع غيار ليها مش موجود بره التوكيل تماماً.

حاجة تانية ناس كتير بتشتكي من غبور وناس كتير برضه بتمتدح توكيل نيسان فهل فعلا حسيت بفرق في التوكيل بين الاتنين تستحق انك ترجح واحدة منهم لو عاوز ترتاح في الصيانة

انا معملتش إلا صيانة الألف في الإلنترا والتيدا لسا مكملتشي ال ١٠٠٠.
انا عندي مشكلة ان طارة الدركسيون الجلد قشرت في الإلنترا و حاروح التوكيل عشان الموضوع ده و صيانة ال١٠٠٠٠ و اركب الإنذار الجديد
و ان شاء الله حاعمل موضوع بعدها، بس لما ارجع من السفر ١٥ مارس ان شاء الله.

اخيرا معلش تقلت عليك عزل التيدا كتير شكروا فيه بس سؤالي هل عزل الالنترا بيضايق يعني مثلا لو في الزحمة ومشغل التكييف بتحس بالدوشة بره ولا هو اقل بس برضه كافي لتوفير هدوء داخل المقصورة

مش بيضايق، بس مش بيحسسك انك راكب عربية ب ١٥٠٫٠٠٠ جنيه:):):)

حته كمان معلش هل الوان التيدا المكسيكي الحالية لسه برضه الازرق الزهري والاحمر الناري ولا فيه كحلي ونبيتي وهل الفيراني في التيدا غامق ولا بنفس جودة ولون الالنترا

ازرق زهري و احمر ناري و فضي و اسود و فيراني.. الفيراني مش لائق عليها من وجهة نظري.. أحلي لونين بالنسبالي
هما الأزرق الزهري والفضي. الفضي علي جنوب الهاي لابن شكله تحفة.

اشكركم عن موضوعكم المتميز لان الحقيقة من يبحث بالدرجة الاولى على عربية اعتمادية سحبها كويس وتكييفها متميز بيفكر في الاتنين دول

و استخير ما تنساش.
خالص تحياتي

[Ultramisho]

أشكركم من القلب ياأستاذ نشأت
أفدت كثيرا ورديت بموضوعية ودقة

هو بالنسبة للميزانية فمتاحة لاني بمشيئة الله راجع عودة نهائية بعد غربة 10 سنين والي يهمني اني اجيب حاجة عاجباني حتى لو هأتكلف اكتر
بس بصراحة أنا عملي خاصة في العربيات لكن الحكومة مش مقتنعة بشكل التيدا رغم انها عربية محترمة اوي بالسعر ده لكن احساسها ان شكل السيراتو الي معايا حاليا افضل بيخليها ترفضها
هو كده ومع المقارنة الممتعة لحضرتكم اقدر اقول ان الالنترا مش هيعيبها حاجة رئيسية عن التيدا هو بس في حاجة انا ما اتكلمتش فيها هي الاموبيليزر وجوده في التيدا بيحسس بالامان والحامي هو الله لكن ممكن احل المشكلة دي بالخليجي واغامر واضحي بتوكيل مكروه عند ناس كتير خاصة بعد التعامل مع توكيل محترم

طبعا ان شاء الله سأستخير بس بعد القرار النهائي
أخيرا وبعد قراءة واتطلاع كتير في هذا المنتدى المميز ثمان شهور أحييكم على اختياركم لهذين العربيتين ربنا يديك خيرهم ويبعد عنكم شرهم

أكرر شكري وتقديري
تحياتي

[Nashaat Rady]

أكيد الاموبيليزر بيفرق... كله حاجات بتعطل الحرامي... لكن الحرامية معندهمشي مستحيل... بس الحرامي عايز يسرق و يجري
والحرامية عارفين كل عربية فبها ايه...
خليك مع الوكيل افضل... و النترا ليها إنذار جديد في التوكيل ب ٣٠٠ جنيه بيفصل دائرة الكهرباء. في موضوع معمول عليه هنا.
و ان شاء الله ترجع ب ألف سلامة.

و خليك علي اتصال

[Ultramisho]

أكيد الاموبيليزر بيفرق... كله حاجات بتعطل الحرامي... لكن الحرامية معندهمشي مستحيل... بس الحرامي عايز يسرق و يجري
والحرامية عارفين كل عربية فبها ايه...
خليك مع الوكيل افضل... و النترا ليها إنذار جديد في التوكيل ب ٣٠٠ جنيه بيفصل دائرة الكهرباء. في موضوع معمول عليه هنا.
و ان شاء الله ترجع ب ألف سلامة.

و خليك علي اتصال

كلامك فعلا عقلاني
الايموبيليزر عاوزه علشان يعطل او يقلل وخاصة اني شفت لمل نزل في السيراتو فرق لكن الحافظ ربنا
والوكيل مهما اشتكوا الناس منه على الاقل بيضمن لو فيه عيب صناعة كبير هيتغير
ان شاء الله نظل على اتصال في هذا المنتدى الرائع

خالص تحياتي

اخوكم