هيونداى I 10 و سوزوكى التو k10 وايهما افضل ؟!

[8Giga]

بسم الله الرحمن الرحيم

السلام عليكم ورحمة الله وبركاته

كنت ناوى اجيب رينو ساندرو بس بعد ما غلت 10 تلاف جنيه

فكرت فيـــ سوزوكى التو k10 ب 62 الف بس بصراحه مش مستريحلها :(

بفكر دلوقت فى هينوداى اى تن 2013

أول حاجه العربيه غلت 3 تلاف جنيه ( من على موقع كونكت كار ) مش عارف السعر اتغير ولا لاء

فى منها اربع فئات :-

M/T 72:000
F/O M/T :76:000
A/T :80:000
F/O A/T :84:500
------
عاوز اعرف ايه الابشن الــ المنول و الفل ابشن منول
وبالنسبه لل اتو دى زى المناول من غير ابوشن ؟
يعنى ال 72 الف الاتو بتاعها 80 الف
و ال 76 الف الاتو بتاعها بــ 84 الف ؟؟

---
وهل الفرق بينها و بين السوزوكى التو ك 10 فى التمن يستاهل ولا ايه ؟

------

بالنسبه لشنطه الــ اى تن صغيره اوى ولا كويسه ؟

----
تحياتى للجميع ...

تم نقلة لقسم المقارنات .

[Mohyeldin1974]

معلش انا هجاوبك اجابه مختلفه ممكن متكونش محتاجها
اناعايزك تشوف السبارك اللايت (الشكل القديم)
انا عن تجربه شخصيه 3 سنين فحت وردم وكانت العربيه الاولى تقريبا فى البيت
مدارس ونوادى وشغل ومرمطه وجرى ومطبات وغرز
تكييف تلاجه وعفشه ممتازه ومساحه داخليه معقوله لاسره اربع افراد و سحب ممتاز واستهلاك بنزين رائع
على فكره كنت شاريها كسر زيرو ب 52 الف وبعتها ب 47 الف لظروف السفر
اعتقد سعرها دلوقتى 62 الف زيرو
اعتذر للاطاله وبالتوفيق

[8Giga]

تمام اوووى :)
اولا الف شكر على نصحتك
ثانيا حضرتك متاكد من تمنها ؟؟
---
انا برده هسأل وادور عليها
تحياتى

[bassemali]

السبارك القديمه أتوقفت 2012 مافيش منها زيرو غير الشكل الجديد ب 75000

[Mohyeldin1974]

بالنسبه للسعر اعتقد ده اخر حاجه سمعتها بس لازم حضرتك تتاكد
وعلى فكره انا شاريها مكنتش اعرف موضوع سمعة التوكيل ومعرفتش الموضوع ده الا بعد مابعتها وكنت بعمل الصيانات بتعتها فى المركز اللى فى بنزينة رابعه العدويه ومكنش فى اى مشاكل
العربيه غير معقده وسهله وبسيطه وتقريبا بسبب حجمها واقتصاديات تشغيلها مكنتش بركب عربيتى خالص (كورولا 2006)
قارن وخود وقتك بينها وبين I10 وk10 و البيكانتو
ولكن انا بنقلك تجربه شخصيه

[8Giga]

البيكانتو مش جايه معايا سكه مش عارف ليه

انا مقتنع ب i10
ونفس الوقت المشكله مع سوزوكى ك 10 مش عارف الفرق يستاهل ولا اجيب ال k10 وخلاص

والــ طلع جديد سبارك لايت :) انا هسال برده على سبارك لايت وهشوف

الف شكر ليك
تحياتى

[Ahmed_BYD_F0]

البيكانتو مش جايه معايا سكه مش عارف ليه

انا مقتنع ب i10
ونفس الوقت المشكله مع سوزوكى ك 10 مش عارف الفرق يستاهل ولا اجيب ال k10 وخلاص

والــ طلع جديد سبارك لايت :) انا هسال برده على سبارك لايت وهشوف

الف شكر ليك
تحياتى

ايه يا برنس اخبارك ايه مش تقولنا عشان انا متابع معاك

استقريت على ايه

لو على k10 اشتريتها ولا لا ولو اشتريتها بكام وانطباعك عليها ايه علشان انا ناوى اشتريها باذن الله

[8Giga]

ايه يا برنس اخبارك ايه مش تقولنا عشان انا متابع معاك

استقريت على ايه

لو على k10 اشتريتها ولا لا ولو اشتريتها بكام وانطباعك عليها ايه علشان انا ناوى اشتريها باذن الله

اسف على التأخير
لكن انا شلت دماغى من دول خالص
بفكر فى حاجه قسط
عجبانى سكودا فابيا بس مش عارف سعرها كام
والجين تو بس مقلق منها مش عارف عربيه اعتماديه ولا ايه

[S O P H O S]

بلاش دولا فرأي
خليك ففئة اعلي مدام كده كده غالين
وتفكير الفايبا مش سئ العربية كويسة ينقص بس معلومات عن قطع الغيار
انما غير كده عربية كويسة
والله اعلم ..