شارك ولا Bmw e46 مستعملين

[Seifmando]

السلام عليكم

المقارنة بين اللانسر شارك و ألبي ام 318e46 موديل 2002 أو 2003

طول عمري نفسي اركب ألبي ام من كتر ما سمعت عن الثبات والامان والموتور الشديد والدفع الخلفي بس في نفس الوقت قلقان من قطع الغيار وصعوبة الصيانة

إنما الشارك انا فكرت فيها لاني سمعت أنها برضه ثابتة وأمانها عالي بس طبعاً مش زي ألبي ام وكمان الصالون أوسع وقطع الغيار أرخص والصيانة أسهل من البي ام

لما بصيت في رنج الأسعار لقيت اللانسر الشارك ممكن تبقي من ٨٠ ألف لحد ١١٥ ألف
والبي ام تبتدي من ١٠٠ لحد ١٢٥ الف تقريباً

يعني الشارك أرخص نسبياً
الفلوس اللي معايا ١٢٥ بس ودا كل اللي معايا

انا فكرت فيهم هم الاتنين اول لما عرفت ان الشغل بتاعي هينقل الي التجمع الخامس في آخر السنة دي وأنا ساكن في المريوطية فهبقي محتاج عربية اعتمادية وثابتة وأمانها عالي عشان تستحمل المشوار

[Seifmando]

فين الرجالة ؟؟

[IronHead]

هو طبعا لا خلاف مقارنه عربيه بعربيه ال318 تضرب الشارك ب318 جزمه
بس الفكره انك تلاقى 318 نظيفه عشان لو شقيانه هتتعبك وهتقضى نص حياتك فى الحرفيين وهيبقى الصنايعيه وتجار الاستيراد اصحابك الجداد,
النقطه الوحيده اللى تتمير بيها الشارك وخصوصا انك بتتكلم فى مستعمل ان اعتماديتها عاليه واعطالها قليله ومشاكلها بسيطه ومش معقده, طبيعه اليابانى

[Land_Cruiser]

طالما حضرتك بتتكلم فى مستعمل فالعبره بالحالة و لابد من الكشف الدقيق عليها و الكلام على e46 و لو ربنا كرمك بواحده حالتها حلوه فعلا هتتبسط. بيها قوى كموتور و عفشه و سحب لكن لو فيها مشاكل لاقدر الله هتتعبك . بالنسبه للشارك انا لى أكثر من صديق بيشتكى من ارتفاع اسعار قطع غيارها و عدم توافرها زى ألبومه مثلا و كمان ان صوت الموتور عالى حبتين و الكلام على الموديلات اللى كانت ١٥٠٠ سى سى فقط وده انا سمعته بنفسى. انا عندى اقتراح مش عارف رأى حضرتك ممكن يكون ايه فيه و هو ان طالما حضرتك حاطط ميزانيه ١٢٥ الف جنيه و عايز عربيه اعتماديه طيب ايه اللى يخليك تفكر فى مستعمل ماشى فى الشوارع بقاله ١٠ او ١١ سنه طيب ما تفكر فى زيرو موديل السنه معاه ضمان كذا سنه تقدر خلالهم تريح دماغك من العربيه و تمشى بيها و انت مطمن زى مثلا النيسان تيدا او الكيا ال ريو و تبقى اول يد و معاك من الزيرو و تمشى بيها براحتك

[Seifmando]

طالما حضرتك بتتكلم فى مستعمل فالعبره بالحالة و لابد من الكشف الدقيق عليها و الكلام على e46 و لو ربنا كرمك بواحده حالتها حلوه فعلا هتتبسط. بيها قوى كموتور و عفشه و سحب لكن لو فيها مشاكل لاقدر الله هتتعبك . بالنسبه للشارك انا لى أكثر من صديق بيشتكى من ارتفاع اسعار قطع غيارها و عدم توافرها زى ألبومه مثلا و كمان ان صوت الموتور عالى حبتين و الكلام على الموديلات اللى كانت ١٥٠٠ سى سى فقط وده انا سمعته بنفسى. انا عندى اقتراح مش عارف رأى حضرتك ممكن يكون ايه فيه و هو ان طالما حضرتك حاطط ميزانيه ١٢٥ الف جنيه و عايز عربيه اعتماديه طيب ايه اللى يخليك تفكر فى مستعمل ماشى فى الشوارع بقاله ١٠ او ١١ سنه طيب ما تفكر فى زيرو موديل السنه معاه ضمان كذا سنه تقدر خلالهم تريح دماغك من العربيه و تمشى بيها و انت مطمن زى مثلا النيسان تيدا او الكيا ال ريو و تبقى اول يد و معاك من الزيرو و تمشى بيها براحتك

طبعاً اقتراح جيد جداً
بس انا طول عمري نفسي فى البي ام وخصوصاً الe46 لان فيها كل حاجة تقريباً امان وثبات وجري وبرستيج زي ما حضرتك قلت
وعشان اتفادى مشكلة انها ماشية حوالي 10 سنين انا حطيت معاها الشارك

بالنسبة للزيرو فعلاً فكرت في حاجات كتير ولكن الشكل والراحة النفسية لها عامل كبير
وكمان مع كامل احترامي لكل العربيات الكوري اللي بتتفوق فى الكماليات الا ان الالمان والياباني بيتفوق فى الحاجات اللي انا محتاجها زي الامان والثبات

[Seifmando]

الأمان والثبات عرفت قيمتهم لما عملت حادثة
و باللانسرالبومة صحيح فردة الشاسيه اتفعصت بس الحمد لله الصالون باللي راكبين فيه بحمد الله خارجين منها من غير خدش
والثبات طبعاً لما رجعت تاني للفيرنا بعد اللانسر

حد يدلني في حيرتي دي

[Cabrio]

اعتقد انا عندي نفس مشكلتك
الموضوع باختصار ان قلبك بيقولك بي ام و عقلك بيقولك شارك :)
ف شوف بقي انت هتسمع كلام مين فيهم
و الاخوه الافاضل ردودهم وافيه جدا

[Seifmando]

اعتقد انا عندي نفس مشكلتك
الموضوع باختصار ان قلبك بيقولك بي ام و عقلك بيقولك شارك :)
ف شوف بقي انت هتسمع كلام مين فيهم
و الاخوه الافاضل ردودهم وافيه جدا

انت لخصت كل اللي انا عاوز أقوله