فيات لينيا 2013 vs أوبل استرا 2013

[Akram.Gamal]

عايزين مقارنه شامله لكل حاجه ما بين

فيات لينيا 2013 و أوبل استرا كوزمو 2013

من حيث السعر و
التوكيل و قطع الغيار
الكفاءه و الاستخدام
والشكل و الاراء الشخصيه طبعا

واهم حاجه الفتيس ؟؟؟!!! ايه رايكوا فى الديوال لوجيك ؟؟

...

[Dr-Daly]

الأسترا تكسب طبعا مفيش كلام شكل جديد وركوبه فخمه وكماليات وعفشه وأمان وثبات اللينيا فقط موتور أفضل "نسبيا" كأداء

[S O P H O S]

اوبل افضل من رأي
والله اعلم ..

[Akram.Gamal]

شكرا ليكوا
لكن طبعا انتوا عارفين فرق السعر كام ؟؟
و بعدين توكيل اوبل بيقولوا عليه وحش برضو !!!

[Dr-Daly]

شكرا ليكوا
لكن طبعا انتوا عارفين فرق السعر كام ؟؟
و بعدين توكيل اوبل بيقولوا عليه وحش برضو !!!

التوكيلين هباااااب علي حد علمي يتساووا في السوء لكن ميزة منصور في الإنتشار يعني مش هتلاقي مشكلة قطع غيار زي حالة اللينيا المشكله إن تكنولوجيا عربيات أوبل أعلي من منصور
وجهة نظري إختار العربيه الأفضل وأمرك لله "الأسترا 2013" خصوصاً إنها شكل جديد لكن لينيا هتغير شكل آخر السنه ودي علي حد علمي بردو

[Akram.Gamal]

التوكيلين هباااااب علي حد علمي يتساووا في السوء لكن ميزة منصور في الإنتشار يعني مش هتلاقي مشكلة قطع غيار زي حالة اللينيا المشكله إن تكنولوجيا عربيات أوبل أعلي من منصور
وجهة نظري إختار العربيه الأفضل وأمرك لله "الأسترا 2013" خصوصاً إنها شكل جديد لكن لينيا هتغير شكل آخر السنه ودي علي حد علمي بردو

انا عايز اجيب عربيه اريح بالى معاها مش اتخنق منها و من توكيلها :d
و انا مش بقارن بينهم بالذات
يعنى ممكن لو ظهر عربيه جديده افضل منهم اتوكل على الله فيها
المشكله معايا ان ثمن الاسترا 185000 يعنى القشقاى تقاربها جدا و تتميز عليها فى بعض الحجات
و فى كلتا العربيتين بيفتقروا لحاجات مهمه جدا

[mido_soliman]

وفر فرق الفلوس وهات اللينيا
عربية ممتازة وفيها كل اللى انت تتمناة وزيادة كمان :)
لو فرق الفلوس مش مهم بالنسبالك
يبقى اكيد تجيب الاعلى
تحياتى

[Dr-Daly]

انا عايز اجيب عربيه اريح بالى معاها مش اتخنق منها و من توكيلها :d
و انا مش بقارن بينهم بالذات
يعنى ممكن لو ظهر عربيه جديده افضل منهم اتوكل على الله فيها
المشكله معايا ان ثمن الاسترا 185000 يعنى القشقاى تقاربها جدا و تتميز عليها فى بعض الحجات
و فى كلتا العربيتين بيفتقروا لحاجات مهمه جدا

بصراحه مع ضيقي من منصور كتوكيل لكن مفيش في السعر ده عربيه تستاهل إلا لو كنت ناوي تدفع في كوري زي إلانترا أو سيراتو 186ألف جنيه "انا تتقطع إيدي قبل ما أعملها"
عموما فيه الكورولا2013 والفلوانس2013 وسيتروين c4 أعتقد في نفس رينج السعر بس بردو الأسترا أفضلهم

[Akram.Gamal]

وفر فرق الفلوس وهات اللينيا
عربية ممتازة وفيها كل اللى انت تتمناة وزيادة كمان :)
لو فرق الفلوس مش مهم بالنسبالك
يبقى اكيد تجيب الاعلى
تحياتى

انت كلامك صح لكن المشكله ان فيات فيها مشاكل زى التوكيل و غيره

ولو الفلوس متفرقش و هى فعلا انا المهم عندى اجيب عربيه كويسه و تتحقق المعادله الصعبه
المشكله عندى دلوقتى ان رغم فرق الفلوس العربيتين فيهم نفس المشكله الا و هى التوكيل و قطع الغيار

منا برضو مش هجيب عربيه اصرف عليها كل فلوسى

[Akram.Gamal]

بصراحه مع ضيقي من منصور كتوكيل لكن مفيش في السعر ده عربيه تستاهل إلا لو كنت ناوي تدفع في كوري زي إلانترا أو سيراتو 186ألف جنيه "انا تتقطع إيدي قبل ما أعملها"
عموما فيه الكورولا2013 والفلوانس2013 وسيتروين c4 أعتقد في نفس رينج السعر بس بردو الأسترا أفضلهم

ماهو ده ال انا مستحيل اعمله زيك بالظبط يا دكتره انا من رايى عربيتى ال 504 احسن من الكورى


انا دلوقتى قدامى كذا عربيه مش هخرج عنهم
فيات لينيا و اوبل استرا و نيسان قشقاى او جوك او صنى الجديده او سكودا سوبيرب

انا عارف الفروق بينهم كبيره جدا لكن انا قلت انا بدور على العربيه ال تحقق المعادله الصعبه

[Akram.Gamal]

انا بغض النظر عن انى مستكتر سعر الاسترا لكن مش دى مشكلتى معاها
انا خايف منها فى قطع الغيار و مش لاقى حد عارف قطع غيار الاوبل فى رينج كام

[dede_dodo88]

أعتقد الأسترا فئة أعلى من اللينيا فهتتفوق عليها لو قارنت عربية vs عربية..
بس طالما أنت محتار بين الأتنين يبقى أرشحلك اللينيا بسبب فرق الفلوس اللي أنت أكيد أولى تستفاد بيه و برضه هتجيب عربية كويسة..
بس هو من ناحية التوكيل للعربيتين فهما يعتبروا سيئين و ناس كتير بتشتكي منهم..

[Akram.Gamal]

انا دلوقتى قدامى كذا عربيه مش هخرج عنهم
فيات لينيا و اوبل استرا و نيسان قشقاى او جوك او صنى الجديده او سكودا سوبيرب

انا عارف الفروق بينهم كبيره جدا لكن انا قلت انا بدور على العربيه ال تحقق المعادله الصعبه
فيات لينيا و اوبل استرا
نيسان قشقاى (اوفر برايس فظيع و طابلوه فقير نسبيا )او صنى الجديده (كمالياتها قليله ) او سكودا سوبيرب(سعرها عالى اوى )

يتبقى العربيتين ال بنقارن بينهم

[Akram.Gamal]

أعتقد الأسترا فئة أعلى من اللينيا فهتتفوق عليها لو قارنت عربية vs عربية..
بس طالما أنت محتار بين الأتنين يبقى أرشحلك اللينيا بسبب فرق الفلوس اللي أنت أكيد أولى تستفاد بيه و برضه هتجيب عربية كويسة..
بس هو من ناحية التوكيل للعربيتين فهما يعتبروا سيئين و ناس كتير بتشتكي منهم..

بما ان حضرتك جبت من الاخر
ال مخلينى بعمل المقارنه دى ان العربيه عائليه يعنى هيسوقها كذا شخص
و ده اكيد هياثر على الفتيس ال انا لسا لحد دلوقتى مش فاهم طريقه استخدامه بالظبط
و بصراحه الاوبل استرا مينفعش تبقا عربيه غاليه كده و بعدين تبقا قطع غيارها برضو غاليه

و فى ناس زعلت منى انى بتكلم على الديوال لوجيك و فيات و انا عارف انهم كويسين بس هل حد جرب الديوال لوجيك فى عربيه عائليه اعتقد الاجابه لا
كل عربيات فيات ال فيها فتيس ديوال لوجيك هنا فى المنتدى عربيات شخصيه و كلهم شباب

[dede_dodo88]

بما ان حضرتك جبت من الاخر
ال مخلينى بعمل المقارنه دى ان العربيه عائليه يعنى هيسوقها كذا شخص
و ده اكيد هياثر على الفتيس ال انا لسا لحد دلوقتى مش فاهم طريقه استخدامه بالظبط
و بصراحه الاوبل استرا مينفعش تبقا عربيه غاليه كده و بعدين تبقا قطع غيارها برضو غاليه

بص بصراحة أنا شايف أن الأسترا سعرها كده كويس أوي و مكنش ينفعش تبقى أرخص من كده, هي عربية ألماني و في نفس فئة الجيتا فلازم تكون بتلعب في نفس الفئة السعرية..
و لما تيجي تقارن أسعار قطع غيارها مع الفولكس أو حتى الكوري زي كيا مثلاً فهتلاقي أن الأسعار لطيفة مش مبالغ فيها..