المقارنه بين لوجان وافيو وساجا ... اوتوماتيك

[Tamer_Merit]

السلام عايكم ورحمه الله وبركاته
انا محتاج سياره اوتوماتيك للمدام .. ومحتار بين الثلاثه ساجا ولوجان وافيو , وبعد الاسعار الجديده الفرق بينهم مش كتير ... ساجا 85000 , لوجان 90000 , افيو 92500
وطبعا انا حاسس ان الاسعار كتيره عليهم كلهم ولكن ما باليد حيله .....ده الوضع الراهن ومش متوقع اي انخفاض قريب .
يا ريت الي عنده تجربه مع العربيات دي يفيدني
وشكرا.

[S O P H O S]

هو من الثلاثة الافضل لوجان طبعا من رأي فقط
بس ايه رأي حضرتك فالبيكانتو ..

[Tamer_Merit]

اولا باشكر حضرتك على الرد , البيكانتو طبعا ممتازه بس عيبها بالنسبه ليا صغر مساحه الكنبه الخلفيه والشنطه ... و انا محتاج عربيه سيدان تستوعب 2 كرسي اطفال في وقت واحد ( توأم ) ومستلزماتهم في الشنطه .. وكمان يكون في مكان لأخوهم الكبير يقعد فيه .
وشكرا

[Ayman12345]

رأيي ساجا او لوجان ... بلاش افيو

[mohamed1979]

اللوجان افضل عربيه فى الثلاثه
الأفيو مليانه عيوب و مشاكل
الساجا يعبها التوكيل و توافر قطع الغيار و انتشار العربيه فى الضياع

اللوجان موتور 16 صباب و فتيس استبترونك و عربيه عائليه ممتازه و توكيل افضل توكيل فى الثلاثه

[mohamed_mesho3]

لوجان يا معالى البااشا

[tetomst]

ارشحلك الساجا من خلال تجربتي مع البروتون عمتا

[masmankola]

زود شوية و هات صنى الشكل القديم أحسن

[Ahmed_BYD_F0]

انا لما قريت الموضوع ده لقيتك كاتب ان سعر الساجا 85000

السعر ده جبته منين يعنى سعر انهى نوع من الساجا

انا دخلت على موقع كونكت كار لقيت اقل سعر للساجا الاتوماتيك الفئة الاولى 74000 جنيه مش المبلغ ده

برجاء التاكد ويمكن يكون كلامك صح يكون السعر ده الفئة الاعلى من انواع الساجا والله اعلم