رينج ال60-65 اوتوماتك

[amir]

شباب
السلام عليكم و رحمه الله
محتار بطريقه ممله في قرار شرا عربيه في حدود 60-65 الف اوتوماتك
ممكن المساعده في تحديد انواع العربيات في الرينج السعري ده ايه؟

[kar!m]

و عليكم السلام و رحمة الله و بركاته

حسب انت محتاج ايه

كيا بيكانتو
هيونداي فيرنا
أوبل فيكترا بي2
نيسان صني 2002
دايو نوبيرا
ميتسوبيشي لانسر مكواه

[S O P H O S]

زود 5 كمان ودور علي تويوتا ياريس
مجرد رأي ..

[michaelsamir]

انا رأيي جين 2

[amir]

و الله كنت بفكر في صني تانيه بس مش عارف اسعار المستعمل كام

[AlGazar2]

انت عايز من العربيه ايه
اعاده بيع حلوه يبقى لانسر - عربيه تستحمل و ثباتها كويس يبقى سوبارو 2007 - قطع غيار فى كل حته و رخيصه و متوفره و اعاده بيع حلوه برضه يبقى نوبيرا 2 و تعامل الفتيس حلو و يوم ما يبوظ تجيب واحد استيراد ب 1200 فحدد انت عايز ايه من العربيه

طبعا فى عربيات تستحمل و ثباتها كويس و دلع الدلع زى الميجان و ال c4 فيهم اوبشنز مبينزلوش فى الزيرو لغايه دلوقتى

[amir]

شباب ممكن المبلغ يزيد يوصل 70
يجيبو موديلات ايه لانسر او صني او جن تو

[Sehsss]

صني أو لانسر

[amir]

انا بصراحه زهقت من التدوير و الخوف من الحاله و ايه اللي هيتغير و هتعطل ولا هتكون كويسه انا عارف ان المستعمل كده كده بيتظبط فيه حاجات بس الفكره خايف الاقي كل شويه العربيه عطلانه و الف و ادوخ بيها
انا ماليش في العربيات و مقدرش احكم علي حاله عربيه و عربيتي الصني اللي معايا نفسها كشفت عليها قبل ما اشتري في التوكيل و لبسوني في الحيط و غيرت فيها حاجات نتيجه ان الكشف كان اي كلام و العربيه اول القصيده كانت مقصات ملووحه و غيرتهم بعدها في التوكيل و العربيه بعد كده و بغض النظر عن الصيانات الدوريه جوه التوكيل و بعد الضمان بره التوكيل كويسه و عاديه بس بقيت خايف من المفاجآت في اي عربيه مستعمله
مش عارف بصراحه الاسعار زادت و المستعمل زاد
الظاهر الحل في التقسيط و زيرو و امري لله بس مش بالع الصني الجديده و كان نفسي الشكل الجديد يبقي لذيذ بس للاسف بقت كنزه و شكلها يخليك عايز تسئل اللي صممها ليه كده
و الجين عربيه كويسه يمكن قطع الغيار و المصنعيات كتيره لكن فاضل ايه سعره معقول زيرو ماهو مستحيل ادفع 90 الف في فيرنا اوتوماتك ولا افيو يبقي فئه ال100 الف فاضل فيها الصني و الجين تو
بالمناسبه هي اللانسر بومه 1600 اي بي اس و اير باج اوتوماتك زيرو بكام؟