أجيب إيه ؟!

[AmrSalahYehia]

السلام عليكم
أنا كنت عايز نصيحتكم في عربية تكون شبابية ومتورها كويس أنا كنت نازل كمان يومين اشتري وأخيرًا بفكر في واحدة من العربيات دول ( Peugeot 308-nissan juke-kia rio highline new ford fiesta ) دول بعد مااستبعدت ال استرا عشان سمعت إن متورها مش الماني ومجري أو حاجة كده وهي برده مش شكلها شبابي وtoyota اوريس عالشن الفئة الأولى فاضية وانا عايز حاجة فيها ابشن

فيياريت تنصحوني أنهي أفضل من دول
( Peugeot 308-nissan juke-kia rio highline -new ford fiesta )

[AlGazar2]

الافضل فى دول البيجو طبعا ماتور جامد و واخد احسن ماتور فى 2012 اسمه prince تقريبا و بينزل فى عربيات كتير جدا عادى و بتربو

بعديها الجوك عربيه حلوه عاليه عن الارض لطيفه من جوه بس تابلوها خاماته وحشه جدا تابلوه اللانوس احسن منه كخامات

الريو و الفيستا مش عربيات مواتير الاتنين مواتير 1400 سى سى عاديه بس طبعا الفيستا احلى و اثبت و اشد و خصوصا على السرعات العاليه

ممكن تبص بصه على الميجان 3 و السى 4 و الدى اس 3 و السوبارو امبريزا لو عايز سيدان بس من الاختيارات انت عايز هاتش باك

[AmrSalahYehia]

الافضل فى دول البيجو طبعا ماتور جامد و واخد احسن ماتور فى 2012 اسمه prince تقريبا و بينزل فى عربيات كتير جدا عادى و بتربو

بعديها الجوك عربيه حلوه عاليه عن الارض لطيفه من جوه بس تابلوها خاماته وحشه جدا تابلوه اللانوس احسن منه كخامات

الريو و الفيستا مش عربيات مواتير الاتنين مواتير 1400 سى سى عاديه بس طبعا الفيستا احلى و اثبت و اشد و خصوصا على السرعات العاليه

ممكن تبص بصه على الميجان 3 و السى 4 و الدى اس 3 و السوبارو امبريزا لو عايز سيدان بس من الاختيارات انت عايز هاتش باك

أنا لسة جي من توكيل فورد وال موديل الجديد نازل 1600 HP 106

http://www.netcarshow.com/ford/2014-fiesta/1600x1200/wallpaper_05.htm

والميجان مفيش الموديل القديم وال جديد نازل في شهر ستة وانا إن شاء الله هاشتري حاليا وستروين مش منتشرة في السوق خالص

[AmrSalahYehia]

الافضل فى دول البيجو طبعا ماتور جامد و واخد احسن ماتور فى 2012 اسمه prince تقريبا و بينزل فى عربيات كتير جدا عادى و بتربو

بعديها الجوك عربيه حلوه عاليه عن الارض لطيفه من جوه بس تابلوها خاماته وحشه جدا تابلوه اللانوس احسن منه كخامات

الريو و الفيستا مش عربيات مواتير الاتنين مواتير 1400 سى سى عاديه بس طبعا الفيستا احلى و اثبت و اشد و خصوصا على السرعات العاليه

ممكن تبص بصه على الميجان 3 و السى 4 و الدى اس 3 و السوبارو امبريزا لو عايز سيدان بس من الاختيارات انت عايز هاتش باك

شكرا لاهتمام حضرتك

[AlGazar2]

يبقى توكل على الله فى البيجو عربيه حلوه جدا و خاماتها الداخليه ممتازه عكس الجوك

طبعا الريو مينفعش تدخل مع العربيات دى مع احترامى ليها

و الفورد لو نازله بماتور 1600 106 حصان يبقى ده ماتور جديد غير ماتور الفوكاس لانه 115 حصان و سمير ريان كان عارضها 1400 سى سى قبل زياده الاسعار

[AmrSalahYehia]

لسة مكلم التوكيل وقال لي آخر عربية اتباعت و 2013 كمان شهرين :(

[AmrSalahYehia]

طيب دلوقتي أجيب الjuke وانا كنت بفكر في Hyundai velosterـ برضه بس حاسس إنها غالية 184000 وفي ناس بتقول فيها مشاكل كتيرة ؟!

[elshrpeny]

طيب هو حضرتك ناسى أو مخدتش بالك من الجولف 7 أو حتى الجولف 6 لو لسه فى منها زيرو , ولا مستبعدها من الأساس , و كمان الأودى a3 بس ممكن تكون غالية شوية , و السيات ليون برده جامدة
ولا حضرتك تعرف كل دا و مش لاافتين إنتباهك أساساً ؟؟
لأنهم بصراحة من وجهة نظرى أفضل من كل الخيارات إلى حضرتك عرضتها

تحياتى

[AlGazar2]

طيب دلوقتي أجيب الjuke وانا كنت بفكر في hyundai velosterـ برضه بس حاسس إنها غالية 184000 وفي ناس بتقول فيها مشاكل كتيرة ؟!

فوليستر ايه يا راجل بس حرام عليك انت تفكيرك اوروبى و عربيات محترمه حرام طبعا تجيب عربيه زى دى

الجوك عربيه حلوه بس ضيقه من جوه و خامات التابلوه سيئه جدا جدا جدا تابلوه اللانوس احسن منها - عامله زى تابلوه الفيرنا كده - و فى اختيارات احسن منها

ممكن تبص بصه على السوبارو xv طالما عايز حاجة هاتش باك دى احسن من الجوك بمراحل

ممكن الجولف 6-7 و الاودى بس دى فئات تانيه باسعار تانيه

ممكن تبص على الفورد فوكاس هاتش باك عربيه حلوه جدا و شكلها جميل و واسعه و تقفيلها حلو

[Nashaat Rady]

سوبارو xv، باختصار شديد فيها كل اللي تتمناه، روح واتفرج و اسمع بنفسك،،و حاترجع بالعربية.

اعتراضي الوحيد علي الجولف و الاودي، الفتيس الDSG ومشاكله اللعينة في مصر نتيجة الحر.

[AmrSalahYehia]

طبعا فكرت في الجولف والسيات بس مفيش جولف 6 وجولف 7 و السوبارو xv غالين وleon برضه بقت غالية 190000 يعني أنا عايز حاجة مش أكتر من 180000 بالكتير

[elshrpeny]

يا راجل الجولف 6 خلصت ؟!!!
سبحان الله لو كنت لحقت من فترة بسيطة كانت معروضه ب 180 على كونتاكت كارز و كنت حتى بسأل نفسى هو لسة بيبيع ال 6 بال 180 أومال فين يا جدعان الجولف 7 , مفيش لسه من كام يوم لاقيتهم غيروا الصورة و تقريباً بقت الجولف 7 , بس على فكرة بنفس السعر بردة 180 ألف :) خش على كونتاكت كارز و إنت تلاقيها إن شاء الله بال 180

تحياتى

[S O P H O S]

juke

[elshrpeny]

الجولف 7 بقى هاه :)

[Sehsss]

البيجو أفضلهم، بس قطع غيار ناااااااار