نيسان صنى ولا الياريس من حيث الوسع

[mo7amedmagdy]

أنا كنت ناوى أشترى صنى لأنى محتاج الوسع فى العربية بس نفسى أوى أركب ياريس فوجئت ان واحد صاحبى أقسملى ان الياريس أوسع من الصنى والانسر كمان هل ده صح و ايهما الأفضل

[احمد عزت]

رأى بحياد شديد

اليارس :اوسع فى الكنبة الخلفية وفى كل الكراسى عموما عن الصنى
موتور اليارس احسن كصناعة وتكنولوجى من الصنى
موتور اليارس بيعمل فى الصفيحة من 300 الى 320 فى ال 20 لتر بنزين 92
توكيل تويتا احسن بمراحل
الصنى: الصنى احلى وبرستيج فى الشكل طبعا من اليارس
قوة الموتور على السرعات العالية اكبر من اليارس طبعا موتور 1600
موتور الصنى بيعمل 200 الى 225 فى ال 20 لتر بنزين 92 ومشفتش حد معاة صنى عمل معدل احسن من كدة
الكنبة الخلفية ضيقة بطريقة ملحوظة
ثبات احسن من اليارس بس على حساب الخلوص وعايز اقولك ان مساعدين الصنى من كتر ماهى ناعمة ومريحة ممكن لو ركبت2 ورا تحك فى بعض المطبات واكررها بعض وليس الكل ما بالك 3
طبعا عيوب التقفيل اللى البعض اشتكا منها : عيوب فى السنتر لوك عيوب فى التكيف الكاسيت السى دى احيانا بيبوظ ساعات العربية مش بتدور
وطبعا الكاوتش سئ جدا................ولك حرية الاختيار

[mo7amedmagdy]

مشكور أوى يا باشا

بصراحة ردك على حقيقى كان ممتاز علشان كدة أنا هأثق برأيك فى الحيرة اللى أنا فيها ما بين ياريس, سيراتو, أوبترا ,ماتريكس الجديد,سيتى خصوصا انى طويل وأريدها فى نفس الوقت عائلية
وأيضا اقتصادية لو كنت مكانى تفضل أيه

تلفت الادارة نظر الأخ عضو المنتدى الى ان اللون الاحمر مخصص للاستخدامات الادارية فقط-شكرا لتفهمكم

[abousalma]

انا انصحك بالعربية كيا سيراتو واسعة وجميلة

[sab3aawy]

3
طبعا عيوب التقفيل اللى البعض اشتكا منها : عيوب فى السنتر لوك عيوب فى التكيف الكاسيت السى دى احيانا بيبوظ ساعات العربية مش بتدور
وطبعا الكاوتش سئ جدا................ولك حرية الاختيار

برغم متابعتى الطويلة للصنى لكن عيوب التقفيل اللى انت بتتكلم عنها دى اول مرة اسمع عنها؟

وبعدين العربية بتزل بكاوتش برديج ستون يابانى، ياترى لو البريدجستون اليابانى سئ يبقى اى انوع اللى كويس؟

[احمد عزت]

متزعلش منا يا سبعاوى باشا...منقدرش على زعلك

انت عارف انا كل ما اشوف الصنى بتعجبنى موت بس والله واحد صاحبى كان جاب واحدة مانيوال فى بداية التجميع المصرى وكان التكيف بيشتغل سخن بس مش بيسقع وراح التوكيل وظبطة وهوة هوة كان بيشتكى من السنتر اللى ساعات بيعلق ......وواحد تانى مرة عدة بالعربية على حديدة مدورة على الارض مفيهاش اى مسامير او حاجة الكاوتش فرقع والكاسيت السى دى عندة باظ.....والصراحة معرفش غير الاتنين دول ....ولما دخلت على منتدى الصنى هنا لقيت ناس كتير بتشتكى من كدة فحسيت ان الشكوى والموضوع جماعى وليس مقتصر على حالتين ....وطبعا يا سبعاوى انت ادرى احنا بنتعلم منك.....وجزاكم الله كل خير

[احمد عزت]

بص بقى يامحمد انا هجبلك من الاخر

من خبرتى طبعا مش فى العربيات لكن فى اللف فى السوق وتجربتى مع اليارس والسيفيك هقولهالك بكل صراحة وباختصار ولك حرية الاختيار
اشترى لانسر بومة 1600 اتوماتيك كلاسيك او هاف اوبشن
سعر الكلاسيك 109 والوكيل اول مرة يعملها بقى عندة دلوقتى الهاف اوبشن زيادة 5 جنوط وكاسيت اصلى وفوانيش شبورة ب 111
انا ما صدقتش غير لما روحت وشفتها تقريبا عندهم مخزون وعايزين يبيعوة
وابعد عن الخليجى .........خليك مع التوكيل وموضوع استهلاك البنزين دة نسيبى انا واحد صديقى بيعمل فى الصفيحة من 210 الى 250 فى الصفيحة بس عمرة ما بيحرق بالعربية ولا بيعمل كيك دون
وصدقنى وان شاء الله عمرك ما هتندم عارف لية:
شارى عربية 1600 موتور قوى هيسعفك فى اى وقت
شكل جميل ومحدش اختلف علية
هتعرف تبيعها فى اى وقت
قطع غيارها مغرقة الدنيا
برستيج وتنفع شبابى وعائلى كمان
والسعر بتاعها كويس وراكب السوق
ياراجل دة الالنترا بتاعت العم غبور مانيوال فاضية بقت 104 الف ومفيهاش حاجة ...طبعا فاضية يعنى مفيش ايرباج ولا اى بى اس
والسيراتوا حلوة بس ما ينفعش تتحط مقارنة مع الانسر
اليارس حلوة وهية معايا بس بلاش خليك فى الانسر احسن واسمع كلامى
الصنى حلوة بس خلينا بردك نبعد عن الشر ونغنيلةوالرينج قريب سوبر الصلون ب103....لانسر هاف سبورت ب 111
الانسر الجديدة غالية ....الكرولا الجديدة جامدة بس غالية اوى ب 147 والسيفيك ب 155 فالرينج بعيد
اللى هيقولك بقى مازدا ولا سوبارو ولا سيتروين ولا اى حاجة فى رينج 120 الف ابعد ابعد ابعد
وبينى وبينك لو هتفكر ماتروحش غير لانسر 1600 يارس مانيول او اتوماتيك وحسب الاوبشن اللى انت عايزهم وماتفكرش فى حاجة تانية وريح دماغك....واستخير الله قبل الشراء

[احمد عزت]

معلش كنت اقصد هاف سبورت مش هاف اوبشن

[mo7amedmagdy]

شكرا يا باشا

يا أستاذ أحمد عزت ألف شكر على الدراسه الحلوة دى وعموما أنا خضت الوضوع دراسه وبحث ولقيت ان أنسب عربية هى الياريس ويكفينى هذة الدراسه من أحد الزملاء وياريت ان كان فيه تصححه علشان أعرف راسى من رجلى
لقد قمت بشراء السيارة ياريس فول أوبشن مانيول موديل 2007 بعد بيع سيارتى تويوتا عيون 1999 وأستطيع أن أقول تقيمى بعد تجربتى الفعلية للسيارتين أن
1)السيارات اليابانية بصفة عامة سيارات عملية جدا جدا بدليل أننى عندما بعت التويوتا عيون بعد 8 سنوات لم أقم بتغيير أى شئ فى السيارة نهائيا ما عدا الفلاتر و السيور وبعتها وهى سليمة 100%.
2)لا توجد عربية أقتصادية فى أستهلاك البنزين مثل اليابانى و أقصد هنا الاستمرارية بعد عدة سنوات من الاستخدام و أيضا عند السرعات العالية .
3)أخى معة تويوتا أستارلت 1994 لم يقم بتغيير سوى مساعد واحد فى 13 سنة ولسة مغير طقم شمبر
4)بالنسبة للقوة السيارة ياريس عزمها أكبر بفارق واضح جدا و أوسع كثيييير.

عندما قررت شراء سيارة جديدة تصفحت النت فى مواقع كثيرة بحثا عن سيارة ياباتى تكون مبيعتها عالية و سعرها معقول وتقيم خبراء السيارات عالميا لها مرضى فكانت السيارتين ياريس و هوندا فيت Honda fit ونتيجة لان توكيل و أداء تويوتا بالنسبة لى ممتاز للغاية فقررت بلا تردد أختيار الياريس مع العلم لا يوجد الا مواقع قليلة للغاية تتحدث عن اللانسرالشكل القديم ولكن الشكل الجديد 2008 موجود.
أهم نقاط التميز
1.موتور ياريس نفس موتور كورولا 2007 الذى يعمل بكفاءة منذ 2001 وأحد أصدقائى معة كورولا 2002 عامل بيها 240000 كم بدون أى شكوى نهائيا و هو موتور VVT-I (VARIABLE VALVE TIMING WITH INTELLIGENCE) AND DOUBLE OVERHEAD CAM AND THE FUEL INJECTION IS TOYOTA MULTIFUEL INJECTION.
2.العفشة و الجيربوكس والفرامل هما بتوع الكورولا بدون أى تغير نهائيا
3.نقطة الخلاف الوحيدة أن الباور فى اليارس كهربائى بدل الزيت (الهيدروليك) ودة أحدث تكنولوجيا حالية و التى سوف تنزل فى الكورولا 2008 وتعتبر من عوامل خفض استهلاك البنزين.
4.شكل الياريس لن يتغير قبل 5 سنوات.
5.السيارة وسعة جدا من الداخل وتأخذ 5 أفراد بسهولة جدا والشنطة معقولة جدا.
6.السيارة ثابتة جدا جدا على الطريق حتى مع الحمل الزائد لقد أختبرتها بنفسى عند 145 كم/ساعة مع التكيف.
7.التكييف لايؤثر مطلقا على الموتور سواء عند سرعات قليلة أو عالية و كفاءتة ممتازة
8.السيارة مرتفعة عن الارض و أعتقد ان دى ميزة.
9.التسارع ممتاز
10.الاكصدامات كثير من الناس يشتكى أنة ضعيف و لكن أثناء قيادتى للسيارة عند سرعة 60 كم سرحت ودخلت فى عربية دايو لانوس كانت أمامى وقفت فجاءة و أنا نازل أشوف المصيبة دى كانت عينى على الدايو حيث أننى الغلطان لقيتها سليمة مفيهاش أى حاجة و العربية بتاعتى سليمة برضة على الرغم أنى كنت بسمع قبل مشتريها أن الاكصدام أسوأ حاجة ولكن أنى أشهد الله أن الاكصدام دة كان ميزة كبيرة حيث أنة مرن بحيث يمتص الصدمات.
11.السيارة باريس حاصلة على أعلى الدرجات فى أختبار التصادم 5 نجوم
12.تجربتى الفعلية مع الياريس بالنسبة لاستهلاك البنزين داخل البلد وفى الزحمة 275-285 كم/ 20 لتر, أما على الطريق السريع فقد استهلكت من الاسكندرية الى الزقازيق حوالى 180كم/10 لتر أى حوالى 360 كم/ 20 لتر (360 كم/ صفيحة) استهلاك رائع مع العلم أن ميزة اليابانى أن أستهلاكة تقريبا بيبقى ثابت لعدة سنوات دة عن خبرة و تجربة بالاضافة أن الاستهلاك ثابت عند السرعات العالية عكس الكورى.

العيوب التى واجهتنى
1)صوت الهواء عالى عند فتح الزجاج على السرعات العالية ولكن عند غلق الزجاج لاتسمع أى شئ سواء الموتور أو الهواء هدوء تام.
2)التابلوة كبير الحجم ولكن الشركة الام تقول أنة للامان حيث يكون موقع السائق بعيد
3)الدهان بتاع العربية يتأثر بسهولة عن طريق الخدوش

النتيجة النهائية
أننى قررت شراء الياريس لان فيها كل مميزات الكورولا 2007 و 2008 وبسعر أرخص 20000 جنية عن 2007و 50000 عن 2008 بالاضافة أنها مناسبة لميزانيتى.

[احمد عزت]

مع احترامى للكلام اللى اتقال

انا بقولك انا معايا يارس وبقولك اشترى لانسر...........وفى نفس الوقت اليارس مش وحشة وعموما لاتبعد عن العربيتين
بس هقولك على شوية حاجات تضايق فى اليارس
اولا كتير هيقولك ان شكلها وحش وهيخلوك تضايق
ثانيا العربية صدقنى والله وانت سايق بعد 110 هتخاف تزود عن كدة واللى هيقولك انها ثابتة عند 140 دة بيضللك مع احترامى لية لو انت جبت العربية دة عمرك ما هتفكر تعدى ال 120 ودة اللى هيخليك توفر بنزين
ثالثا بعد سرعة 60 وانت فاتح الزجاج هتسمع صوت الهواء شديد اوى نتيجة اصطدامة بالاكصدام العريض اللى مش مصمم علشان اختراق الهواء فهتضطر دايما تقفل الزجاج وتشغل التكيف
الاكصدام الامامى يمكن بيمتص الصدمات الخفيفة بس والله هتكرة نفسك لما تاخد خبطة متوسطة وتلاقى الاكصدام راح ومعروفة دايما ان عيوب اليارس الاكصدامين
كمان ومع احترامى للجميع اللى هيقولك انها واخدة 4 ولا 5 نجوم دة اللى فيها 4 ايرباج مش اللى عندنا فى مصر
بس عموما مفيش عربية فيها كل حاجة وهية كويسة معايا ومريحة مفيهاش مقالب يعنى....انا جايبها ب 102 الف اتوماتيك
ساعات بفكر انا لية مدفعتش 6 الف وجبت الانسر 1600 اتوماتيك كلاسيك من التوكيل وهمة الاتنين يابانى والانسر لانسر بردك
يمكن اللى يرجح كفة اليارس استهلاك البنزين شوية لكن اللى هيرجح كفة الانسر :الشكل الخدمة الشاقة الاداء التسارع والامان نوعا ما
وفى النهاية يارس او لانسر المهم ما تبعدش عن الاتنين فى الفئة دة

[Sharky]

انا بقولك انا معايا يارس وبقولك اشترى لانسر...........وفى نفس الوقت اليارس مش وحشة وعموما لاتبعد عن العربيتين
بس هقولك على شوية حاجات تضايق فى اليارس
اولا كتير هيقولك ان شكلها وحش وهيخلوك تضايق

موضوع الشكل دا أزواق و تقدر تشوف الإنتشار الكبير للياريس خلال سنتين و حضرتك تعرف إن كان شكلها حلو و لا وحش

ثانيا العربية صدقنى والله وانت سايق بعد 110 هتخاف تزود عن كدة واللى هيقولك انها ثابتة عند 140 دة بيضللك مع احترامى لية لو انت جبت العربية دة عمرك ما هتفكر تعدى ال 120 ودة اللى هيخليك توفر بنزين

أنا جبت بالعربية 185 كم/ساعة الثبات رائع و ممتاز لحد 140 كم/ساعة و جيد لحد 160 كم/ساعة و بعد كده بيبقى ضعيف و دا عن تجربتى و تجربة كما حازم خضر زميلنا فى المنتدى
حضرتك أكيد بتخاف من السرعات العالية فدا إللى مخليك خايف تزود عن 110 كم /ساعة

ثالثا بعد سرعة 60 وانت فاتح الزجاج هتسمع صوت الهواء شديد اوى نتيجة اصطدامة بالاكصدام العريض اللى مش مصمم علشان اختراق الهواء فهتضطر دايما تقفل الزجاج وتشغل التكيف

ملاحظتش موضوع صوت هواء شديد أوى رغم إن العربية بقالها معايا سنة و نصف
هو أكيد حتسمع صوت بعد سرعة 60كم/ساعة لكن دا طبيعى و موجود فى معظم العربيات

الاكصدام الامامى يمكن بيمتص الصدمات الخفيفة بس والله هتكرة نفسك لما تاخد خبطة متوسطة وتلاقى الاكصدام راح ومعروفة دايما ان عيوب اليارس الاكصدامين
كمان ومع احترامى للجميع اللى هيقولك انها واخدة 4 ولا 5 نجوم دة اللى فيها 4 ايرباج مش اللى عندنا فى مصر

فيه مثال قدام حضرتك خبط فى عربية على 60كم/ساعة و برضه مش مصدق !!
هو حضرتك معاه ياريس و متعرفش إن فيها إيرباج برضه

بس عموما مفيش عربية فيها كل حاجة وهية كويسة معايا ومريحة مفيهاش مقالب يعنى....انا جايبها ب 102 الف اتوماتيك
ساعات بفكر انا لية مدفعتش 6 الف وجبت الانسر 1600 اتوماتيك كلاسيك من التوكيل وهمة الاتنين يابانى والانسر لانسر بردك
يمكن اللى يرجح كفة اليارس استهلاك البنزين شوية لكن اللى هيرجح كفة الانسر :الشكل الخدمة الشاقة الاداء التسارع والامان نوعا ما
وفى النهاية يارس او لانسر المهم ما تبعدش عن الاتنين فى الفئة دة

تسارع و أداء و أمان الياريس 1300 سى سى أفضل من اللانسر 1300 سى سى و عن تجربة السيارتين و إمتلاكهم

[mo7amedmagdy]

حقيقى حيرتونى

حقيقى حيرتونى أشترى اليارس ولا لأ بصراحه أنا رحت شفت العربيه وركبتها وفعلا لاقيت العربية واسعة من جوة وهى فعلا أوسع من الصنى ركبتها أنا وأخويا وأنا قلت قبل كدة أنى طويل وكذلك أخويا والشنطة بيقولوا عليها معقولة لأ طبعا الشنطة فعلا واسعة واسعة ومتصممة بذكاء ودة يهمنى أوى وجربنا لانسر 1600 هى واسعة ماشى لاكن اللى هيقعد ورا السائق هيتظلم المهم انى فرحت جدا باليارس والوسع اللى فيها وكل اللى اتقال عنها لكن ترددت مرة أخرى بعد موضوع صوت الهواء الشديد اللى ذكرة الأستاذ/ أحمد عزت واللى أنكرة الأستاذ/ أحمد محمد سعيد وقال دة فى معظم العربيات بعد ال60 ودة فى رأيي موضوع مهم فأرجو من الأخوة اللى معاهم ياريس يفيدونى فى هذا الموضوع بحيادية شديد

[ابوشريف]

حقيقى حيرتونى أشترى اليارس ولا لأ بصراحه أنا رحت شفت العربيه وركبتها وفعلا لاقيت العربية واسعة من جوة وهى فعلا أوسع من الصنى ركبتها أنا وأخويا وأنا قلت قبل كدة أنى طويل وكذلك أخويا والشنطة بيقولوا عليها معقولة لأ طبعا الشنطة فعلا واسعة واسعة ومتصممة بذكاء ودة يهمنى أوى وجربنا لانسر 1600 هى واسعة ماشى لاكن اللى هيقعد ورا السائق هيتظلم المهم انى فرحت جدا باليارس والوسع اللى فيها وكل اللى اتقال عنها لكن ترددت مرة أخرى بعد موضوع صوت الهواء الشديد اللى ذكرة الأستاذ/ أحمد عزت واللى أنكرة الأستاذ/ أحمد محمد سعيد وقال دة فى معظم العربيات بعد ال60 ودة فى رأيي موضوع مهم فأرجو من الأخوة اللى معاهم ياريس يفيدونى فى هذا الموضوع بحيادية شديد

فعلا فى صوت هواء تقريبا بعد ال 80 كيلو

وده طبيعى فى معظم السيارات ولكن يزداد قليلا معدله فى الياريس

وده مش بسبب الاكصدام العريض للياريس

هو بسبب طول مساحة زجاج الباب الامامى للياريس عن مثيلاتها

وده مش مشكله كبيره لما تكون ناوى تسافر وتمشى بسرعات عاليه اقفل الزجاج

ومش ضرورى تفتح التكييف افتح باب دخول الهواء الخارجى دون فتح مروحة التكييف

واضبط الفتحات حسب الشده المطلوبه

ومين فينا بيسيب زجاج الباب مفتوح وهو مسافر ؟؟

ثانيا ميزه مهمه فى موتور الياريس نسى ذكرها الاعضاء غير الاستهلاك الاقتصادى الرائع

كتينة موتور الياريس حديد لا تغير

العيب الوحيد فى وجهة نظرى بعد تجربتى المتواضعه لها هو عدم وجود عداد حراره

كنت متوقع أن وضعية العدادات فى وسط التابلوه عيب كبير لكن سرعان ما تعودت عليه

ووجدت انه ميزه حيث ان فى الوضعيه العاديه فان طارة الدركسيون تحجب جزءا كبيره من العدادات

لكن وجوده فى الوسط جعل رؤيته فى منتهى الوضوح دون عوائق

انا بحثت كثير جدا وخدت وقت كبير وجربت وعملت استخاره وكانت الياريس من نصيبى والحمدلله

ربنا يبارك لى فيها ويبارك لكل من نصحنى بها

[ابوشريف]

نسيت ارد على سؤالك الرئيسى لموضوعك

انا جربت القعده فى الصنى من الخلف

بعد ضبط الكراسى الاماميه لشخص متوسط الحجم وجدت القعده فى الخلف ضيقه على الركبتين

وجربت الياريس بعد ضبط الكراسى الاماميه لشخص كبير الحجم (اى ترجع الكرسى لآخره )

وجدت القعده فى الكنبه الخلفيه للياريس مريحه جدا

ده غير ان الارضيه الخلفيه للياريس مستويه تماما

مما يتيح التنقل بين جانبى الكنبه بكل سهوله وارتياح

[احمد عزت]

ياعم محير نفسك لييييييييييييييييييييييييييييييية

انا قولتلك يارس او لانسر 1600 ماقولتش لانسر 1300 خالص
وعموما الاتنين زى الفل وان شاء الله مش هتندم فىاى اختيار منهم .............اركب الاتنين فى نفس الوقت فى اى معرض عارضهم وروح بيتكم صلى استخارة وابدأ فى خطوات التنفيذ واللى هتلاقية ربنا مسهلة اشترية.....ومتغلبش نفسك الاتنين كويسين