جراند بونتو الجديدة 2013 ولا كيا ريو هاتشباك؟؟؟

[holt_ZA]

ازيكم ياجماعة؟؟؟؟
بجد انا محتاج مساعدتكم قوي انا محتار ما بين الجراند بونتو الجديدة و الريو الهاتشباك ... قلبي رايح ناحية البونتو و نفسي فيها جدا بس عقلي بيقولي ريو خاصة بردو انها لسه جديدة في السوق ... مش عارف امشي ورا مين .. انا ميال للبونتو بس خايف منها ... اعمل ايه؟؟؟

[holt_ZA]

هو محدش بيرد ليه؟؟؟؟

[Eslam.Elrefaey]

انت سكان قاهرة - اسكندرية ولا اقاليم فى الاول كده بس ؟

[holt_ZA]

مع اني مش عارف ايه الفرق بس انا من الشرقية وقاعد دلوقتي ف الرحاب و رايح جاي كده يعني

[megaman]

كيا ريو وما تفكرش فى الجراند برغم متانتها واتزانها وثباتها وخاماتها بس فيها فتيس حيكرهك فيها

[holt_ZA]

انا سمعت حوار الفتيس ده ... يعني لازم يبوز علي 40 الف و لا ده علي حسب

[aliabdo]

يا جدعان كل الموضوع ان الفتيش مختلف شويه و عايز تتعلم تتعامل معاه على فكره الفتيس ده بيدى راحه الاوتو و قوه المنيول و سهوله الصيانه و التشغيل

مش كل ما ينزل حاجه جديده الناس تعيب فيها من غير فهم و بعدين الفتيس ده موجود من زمان فى كذا عربيه

[Sehsss]

الجراند بونتو كعربية أفضل طبعا

[Eslam.Elrefaey]

مع اني مش عارف ايه الفرق بس انا من الشرقية وقاعد دلوقتي ف الرحاب و رايح جاي كده يعني

تفرق جدا لانك فى الاول كده لو من سكان اقاليم هتتعب اوى فى حوارات صيانة وقطع غيار وكده وده بالنسبة ليا حاجة تنهى الموضوع اساسا بس بما انك فى القاهرة فخلاص بالنسبة للنقطة دى بس عامة الريو احسن بالنسبة ليا فى كذا حاجة لو مش فارقين معاك يبقا تجيب الفيات علطول اولا اعادة البيع بتاعة الفيات وبعد غلو سعرها كده اظن يوم لما تيجى تبيعها ممكن تخسر النص على عكس كيا ماسكة سعر عنها جامد صيانة الكيا وقطع غيارها فى كل حتة على عكس الفيات انتشار الكيا كبر جدا وفى تزايد مستمر والماتور بتاع الريو حلو جدا عليها على عكس ماتور البنتو الايفو القديمة معرفش هما فى ال2013 غيروه ولا لأ غير كده انا اساسا بحب فيات عنها فى اى حاجة تانية

[holt_ZA]

تفرق جدا لانك فى الاول كده لو من سكان اقاليم هتتعب اوى فى حوارات صيانة وقطع غيار وكده وده بالنسبة ليا حاجة تنهى الموضوع اساسا بس بما انك فى القاهرة فخلاص بالنسبة للنقطة دى بس عامة الريو احسن بالنسبة ليا فى كذا حاجة لو مش فارقين معاك يبقا تجيب الفيات علطول اولا اعادة البيع بتاعة الفيات وبعد غلو سعرها كده اظن يوم لما تيجى تبيعها ممكن تخسر النص على عكس كيا ماسكة سعر عنها جامد صيانة الكيا وقطع غيارها فى كل حتة على عكس الفيات انتشار الكيا كبر جدا وفى تزايد مستمر والماتور بتاع الريو حلو جدا عليها على عكس ماتور البنتو الايفو القديمة معرفش هما فى ال2013 غيروه ولا لأ غير كده انا اساسا بحب فيات عنها فى اى حاجة تانية

عشان كده عقلي بيقولي ريو بس الواحد يعمل ايه ف قلبه ... علي العموم تسلم ياكبير