لو هتشتري لنفسك عربية هتختار اية من دول

[M I D O]

بسم الله الرحمن الرحيم

السلام عليكم ورحمة الله وبركاتة

لو سمحتم يا جماعة تساعدوني في الحيرة دي لو هتشتري لنفسك عربية في حدود 100 الف حد اقصي تشتري اية من دول

جين 2 مانيوال
افيو اتوماتيك
اف اس في اتوماتيك
اف ار في كروس اتوماتيك
اسبيرانزا ام 11
اسبيرانزا 516

انا عاوز عربية قطع غيارها رخيصة وتستحمل البهدلة و السفر الكتير و شكل حلو و استهلاك بنزين معقول ومش ضيقة من جوة يعني مقبولة عشان البيت بس ومش فارق معايا بقي ابعد عن الصيني و بتاع لان كلهم عربيات ومن حقهم يتقارنو ببعض عشان اختار الافضل وياريت محدش يتكلم عن الرينو عموما لاني مبطيقهاش لله في لله ومشكورين جميعا مقدما

[Batman372]

بعد التحيه ...
ميزانيتك فى رنج اليابانى و الكورى و طبعا حالات ممتازه للاوروبى ... يبقا ليه صينى ؟؟؟
ميزه الصينى انه كان ب 55% من سعر اليابانى و 65% من الكورى.
غير كده اعاده بيع اى صينى استعمال بعد 5 سنوات بنصف السعر !!

ارشح لك لو زيرو:
- نيسان صنى 2013 مانيوال 102 الف - اوتو 107 الف
- كيا ريو 2013 مانيوال 108
- هيونداى اسنت 2013 مانيوال 109

تحياتى ...

[eng.m7md.ali]

لو من دول بس .. هختار احسن حاجة فيهم وهيا الجين2

[AlGazar2]

لو فى دول بس يبقى الجين تو فى الاول طبعا
و بعدها بفارق يبقى الام 11 و الباقى ده مينفعش يتقارن معاهم بصراحه - ممكن الاف اس فى هيه حلوه فى الجرى بس كانت مانيوال مش اوتو و ثباتها حلو ( كنت شايفها على الطريق

[M I D O]

بعد التحيه ...
ميزانيتك فى رنج اليابانى و الكورى و طبعا حالات ممتازه للاوروبى ... يبقا ليه صينى ؟؟؟
ميزه الصينى انه كان ب 55% من سعر اليابانى و 65% من الكورى.
غير كده اعاده بيع اى صينى استعمال بعد 5 سنوات بنصف السعر !!

ارشح لك لو زيرو:
- نيسان صنى 2013 مانيوال 102 الف - اوتو 107 الف
- كيا ريو 2013 مانيوال 108
- هيونداى اسنت 2013 مانيوال 109

تحياتى ...

مشكور علي المرور و الصني مبحبهاش خالص شكلها وحش اوي من ورا و برضو حتة اعادة بيع الصيني دي الي مخوفاني اوي منة اصل حرام اخسر 40 الف بعد 6 سنين لما اجي ابيع يعني و للاسف الميزانية لحد 100 بالعافية يعني الريو برة و الاكسنت برة انا بدئت افكر في الامجراند و البي واي دي معا دول في المقارنة

[M I D O]

لو من دول بس .. هختار احسن حاجة فيهم وهيا الجين2

الجين 2 تحفة بس التوكيل و ان العربية واطية اوي علي الارض بيخلي في لسة مقارنة معا العربيات التانية

[M I D O]

لو فى دول بس يبقى الجين تو فى الاول طبعا
و بعدها بفارق يبقى الام 11 و الباقى ده مينفعش يتقارن معاهم بصراحه - ممكن الاف اس فى هيه حلوه فى الجرى بس كانت مانيوال مش اوتو و ثباتها حلو ( كنت شايفها على الطريق

انا بفكر في الام 11 اوي عشان شكلها شبابي و ثابتة و كمان مركز خدمة العملاء في طنطا جمبي مفيش 2 كيلو بس خايف من موضوع ضيق الكنبة الخلفية عشان البيت بس وعشان كدة محتار بينها وبين كذا عربية الي يتوفر فيها مش كل بس علي الاقل اغلبية طلباتي

[hugan]

رائي
خليك في الكوري افضل عربيه تتباع في مصر بعد استعمالك ليها
الصيني اعاده بيعه زفت الزفت

[M I D O]

رائي
خليك في الكوري افضل عربيه تتباع في مصر بعد استعمالك ليها
الصيني اعاده بيعه زفت الزفت

مشكور علي المرور بس انهي كوري بالظبط ارجو التحديد

[eng.m7md.ali]

الجين 2 تحفة بس التوكيل و ان العربية واطية اوي علي الارض بيخلي في لسة مقارنة معا العربيات التانية

هيا مشكلتها التوكيل فعلا هيخليك تكره نفسك والعربية

بس الجين2 مش واطية خالص على الارض على فكرة .. مين قال الكلام ده لحضرتك؟

[S O P H O S]

فدولا طبعا الجين مع القدرة علي استحمال التوكيل ..

[Y a r i s]

هيا ايه هيا الاف اس في
ولا الاف ار في ... معليش اصل الواحد مش متابع اخر افتكاسات العربيات. ... هما نوعهم ايه دول يا باشا تبع شركة ايه ؟؟

[S O P H O S]

هيا ايه هيا الاف اس في
ولا الاف ار في ... معليش اصل الواحد مش متابع اخر افتكاسات العربيات. ... هما نوعهم ايه دول يا باشا تبع شركة ايه ؟؟

دي عربيات تبع بريليانس يا عمدة
والاسم fsv ودي سيدان
و frv ودي هتشباك ..

[Hmatchy]

اف اس فى بس مانيوال
عربية محترمة واسعة ثابتة موفرة فى البنزين اكتر من 1300 سى سى
عيبها قطع غيار غاليه بس معمرة وطلعتها بطيئة شوية
سعر اعادة البيع مش واقع اوى
ثبتت نفسها
هتريحك فى السفر
صاج تقيل اوى اتقل من كل اللى موجود
سواقتها لذيذة اوى

[M I D O]

هيا مشكلتها التوكيل فعلا هيخليك تكره نفسك والعربية

بس الجين2 مش واطية خالص على الارض على فكرة .. مين قال الكلام ده لحضرتك؟

بصراحة شفتلها فيديو حسيت انها واطية