شيفروليه لانوس أم جيلى اميجراند

[Mr.Mohamed]

السلام عليكم ورحمة الله وبركاته

محتاج رأيكم النهائى بين

شيفروليه لانوس

أم

جيلى ايمجراند e7

وياريت يا جماعة اللى يختار يقولى هو اختارها ليه علشان انا خلاص احترت خالص

[MaZaGAngeE]

الجيلي اكبر و اجمل و تقفيلها احسن
بس السعر مبالغ فيه جدا

[blazer]

الجيلى افضل وشكلها شيك واوبشن احسن واوسع بمراااحل وضمانها 5 سنين
الانوس راحت عليها بصراحه فى العربيات الزيرو
وبالنسبة لسعرها ,, كل العربيات غليت اشمعنى الصينى الى مش هيغلى

[Mr.Mohamed]

يا جماعة كل حاجة غليت واللى اعرفه ان الاتنين بيتقفلوا فى مصر والاتنين غليوا

أنا كل اللى حابب اعرفه ايه العيوب اللى فيهم وهل بصراحة اى عربية من دول يعتمد عليهم لمدة 10 سنين والا حاجة كدا

وحاجة مش متأكد منها بصراحة سمعتها قبل كدا
هل فيه 40 % من اجزاء شيفروليه لانوس صينيى ؟؟

[AlGazar2]

يا جماعة كل حاجة غليت واللى اعرفه ان الاتنين بيتقفلوا فى مصر والاتنين غليوا

أنا كل اللى حابب اعرفه ايه العيوب اللى فيهم وهل بصراحة اى عربية من دول يعتمد عليهم لمدة 10 سنين والا حاجة كدا

وحاجة مش متأكد منها بصراحة سمعتها قبل كدا
هل فيه 40 % من اجزاء شيفروليه لانوس صينيى ؟؟

اللانوس نظريا تعتمد عليها 10 سنين لان فى منها ماشى فى سنته ال 15 دلوقتى

و فى بعض الاجزاء منها صينى و اجزاء مصرى بس الى بيبوظ سهل يتغير بجديد او استيراد

الامجراند حلوه و اكبر و اوبشن احسن بس بصراحه انا بخاف من غبور

[Mr.Mohamed]

اللانوس نظريا تعتمد عليها 10 سنين لان فى منها ماشى فى سنته ال 15 دلوقتى

و فى بعض الاجزاء منها صينى و اجزاء مصرى بس الى بيبوظ سهل يتغير بجديد او استيراد

الامجراند حلوه و اكبر و اوبشن احسن بس بصراحه انا بخاف من غبور

تمام طب بالنسبة لعوامل الأمان فى الاثنين

[gabry832003]

الشيفرولية اللانوس كلها عيوب فيما عدا رخص وتوافر قطع غيارها-سهولة الصيانة-سعر اعادة بيع كويس
الامجراند ماعرفش عنها حاجة
نصيحة :بلاش شيفرولية لانوس عن تجربه.

[gabry832003]

الموضوع ده ممكن ينفعك

http://www.nilemotors.net/Nile/330724-a.html

[elpasha1]

المشكلة ان المقارنه بتاعت حضرتك صعبة شوية
بمعنى ان حضرتك بتتكلم عن عربية بقالها 15 سنه فى السوق واتعرفت من الاكسدام للاكسدام
وعربية تانية لم تختبر بعد يعنى محدش يعرف عنها حاجة
دا يصعب عملية المقارنه شوية

انا رايى ان حضرتك لو ميال للجيلى استنى شوية سنه او اثنين وشوف الناس بتقول اية

متعملش زى اللى جابو اللوجان وطلعوا بيها السما وبعدين اتصدموا فى قطع الغيار والتافيل

[S O P H O S]

كراي فقط
جيلي

[AlGazar2]

تمام طب بالنسبة لعوامل الأمان فى الاثنين

عوامل الامان طبعا مع الجيلى لان فيها 2 airbag + abs + ebd

اللانوس شاسيه بس واخد 2.5 نجمه فى اختبارات التصادم الاوروبية ( معرفش ظروف الشاسيه الجديد ايه )

و معرفش برضه نظام الفرامل و الايرباج فى الجيلى ايه

الى متأكد منه ان غبور و منصور توكيلات تيت بس مع اللانوس ممكن تستغنى عن منصور
مع الجيلى صعب تستغنى عن غبور

بصراحة لو هاتشترى كاش يبقى تدور على حاجة يابانى زى السوبارو مثلا او اوروبى زى الميجان او السيتروين كلهم هيكونوا من 2005:2007 و دى عربيات محترمة جدا و قطع غيارها عمرها طويل جدا و لو عايز حاجة منتشره ممكن اللانسر برضه تكون موديل 2005 مثلا

[p r i n c e]

لو مكانك و محتار بين العربيتين دول هجيب جيلي
بس لو خارج العربيتين دول هجيب لوجان او سانديرو
و ف الآخر لحضرتك حرية الاختيار
دا مجرد رأي

[Ultramisho]

الاتنين صيني تقفيل مصري
اللانوس شيفروليه سمعتها وحشة اوي ومالهاش علاقة بالديو لانوس الي كانت قبلها
اعطالها كتير واقرى براحتك في المنتدى بتاعها تكييف ضعيف بيكتف الموتور مافيش وسائل أمان
الجيلي امجراند7 فيها وسائل امان كتير واوسع بس لسه مااتجربتش

لو هاختار يبقى اكيد جيلي
لو هافكر في غيرهم يبقى الفيرنا وعلى فكرة دي آخر سنة ليها لان غبور خلاص هينقل على الامجراند
هو الفكرة تجيب هندي مضمونة موتور قوي وتكييف ثلاجة بس مافيش ثبات فوق 120 الي هي الفيرنا
ولا تجيب صيني سمعته طيبة (منتشر في الخليج وهذا وحده دليل على جودتها طبعا عكس الاسبيرانزا تماما الي لا وجود لها هناك) صالون واسع وامكانيات خيالية بالنسبة للسعر بس مش متجربة لسه يبقى الامجراند

اللانوس بالنسبة لي هي واللوجان خارج اللعبة

تحياتي