بيكانتو والا mg

[marwa_wso]

محتاره أوى ما بين العربيتين ... أنا كنت ناويه أجيب البيكانتو أوتوماتك بسكل ما أسأل عليها ألاقيها غليت
أخر سعر وصلتله 99 ألف شايفه إن كدا كتير عليها ...
وال mg فيها أوبشن أكتر وأوسع بس خايفه منها لإنها صينى ... محتاره أوى
ياريت تساعدونى ....

[marwa_wso]

مفيش حد بيرد عليا ليه ؟؟؟؟؟

[M.Nabeeh]

بص انا شوفت الmg
دي في كارفورالمعادي شكلها شيك من بره وجوه بس افتح الكبوت حتعرف ان العربيه دي منظر بس لحام الصاج مع الشاسيه باين خامات ارب الميه وحشه جدا تحس الخامات بتاعت الشاسيه سيئه
نصيحه بلاش الmg دي خاااااالص

[wawamoha]

هو فعلا البيكانتو مبالغ فيها جدااااااااا
بس حاولي تشوفي بديل تاني

ربنا يوفقك

[S O P H O S]

طبعا ال mg مستبعده تماما
والبيكانتو لو بالسعر ده يبقي تشتري ياريس هتشباك او ريو افضل وفئة تانية خالص
مجرد رأي ..

[rottmag]

go for proton gen 2 ..both pecanto and mg is not good

[eng/ahmed_go]

نصيحة لو عايزه تجيبي بيكانتو دوري على واحد مستعملة (كسر زيرو) بس حرام تشتريها بالسعر ده لو عايزه بدل احسن زيرو فكري في تويوتا ياريس الجديدة مانوال 112 الف تقريبا احسن مليون مرة من البيكانتو

[eng/ahmed_go]

لو عايزة تجيبي بيكانتو دوري على واحدة مستعملة كسر زيرو (الشكل القديم) ولو عايزة زيرو فكري في ياريس 2013 الجديدة ب 112 الف احسن مليون مرة من البيكانتو بس هتكون مانول

[S O P H O S]

الياريس زيرو مش ب 112 الا لو تقصد مانيوال
والمطلوب اعتقد اوتو مش مانيوال
والله اعلم

[marwa_wso]

شكرا يا جماعه على ردودكوا واهتمامكم .. وأنا فعلا صرفت نظر عن mg
وعشان أنا عاوزه أوتوماتيك اليارس هتبقى غاليه عليا
أنا سألت فى أوتو سمير ولقتها عنده 96 أعلى فئه فقررت أجبها وخلاص
أصل أنا كل ما أسأل يقولولى لسه العربيات هتغلى أكتر ..
عندى إستفسار تانى ...
هوا عنده الخليجى ب 94 وقعد يقنعنى بيها وهيا بصراحه حلوه أوى وفارقه كتير فى الخامات ..
وقالى ممكن تأمنى عليها لمده سنه ب 1300 ج هيا كده مش هتفرق فى السعر عن التوكيل بس هتبقى أفضل فى التقفيل
أنتوا إيه رأيكوا ؟؟؟؟

[marwa_wso]

مستنيه ردودكوا !!!!!!

[S O P H O S]

راي ان لحضرتك هيكون التوكيل افضل
والله اعلم ..