مازدا 3 ولا لانسر الشكل الجديد

[ewermido]

ياريت رايكم يا جماعه من ناحيه ايه الافضل فيهم مع العلم ان لانسر 1500 سى سى والمازدا 1600 بس المازدا شكلها هيتغير السنه الجايه وكمان عايز اعرف الافضل لما اجى ابيع فا ياريت اهل الخبره يفيدونى

[محمد عز]

اكييد الافضل من ناحيه البيع لانسر بلا منازع
وطالما انت مهتم بموضوع اعادة البيع يبقى لانسر انسب اختيار

[Eng.Sameh]

كعربيه : مازدا3 افضل ( ومش هتتغير قبل 2010 يعني تنزل 2011 ) ، واصلا الحاليه شكلها تحفه

كأعادة بيع : الانسر ( بس سعرها كتير عليها )

[Ramy.Gamal]

كل عربيه ليها مميزاتها وعيوبها يعنى مميزات المازدا اللى مش موجوده فى اللانسر
الفيتيس استبترونيك انما اللانسر اوتوماتيك عادى
مساحه الشنطه الخلفيه فى المازدا اكبر من اللانسر
اللانسر الكنبه الخلفيه اكبر من المازدا
توافر قطع الغيار طبعا فى اللانسر احسن بمراحل من المازدا وكمان اسعارها ارخص فى اللانسر
اعاده البيع فى اللانسر احسن
فى الثبات اللانسر اعلى حاجه بسيطه
فى الاداء متقاربين جدا
وفى فخامه التابلوه والدواخل متشابهين جدا جدا
الشكل الخارجى ده اذواق