يا جماعة إيه رايكم سبورتاج ولا بيجو ٣٠٠٨

[Vetibrahim]

يا جماعة إيه رايكم سبورتاج ولا بيجو ٣٠٠٨

أنا اميل للبيجو بسبب الصناعة و الاسم و الموتور و الخامات الخارجية و الداخلية لكن خايف من عدم انتشارها
وللسبورتاج التوكيل و قطع الغيار وسعر إعادة البيع

قولولي رأيكم لو سمحتم

[S O P H O S]

بيجو بصراحة ..

[eleanor]

لو مش هاتدور على سعر اعاده بيع يبقى بيجو بدون كلام

[wael30003]

بدون تفكير بيجو

ليه ؟
انت هتجيب عربية زيرو

يعنى موضوع قطع الغيار مش هيفرق معاك كتير

ثانيا الاسعر متقاربة ما تفتكرش ان قطع غيار السبورتاج هتكون اقل بكتير ده ممكن تلاقيه بنفس سعر البيجو

عشان الفئة بتاعتها عالية

البيجو هو البيجو حتى لو هتجيب 206

[Gamal.Eid]

ياباشا بتقارن ايه بأيه لا وجه للمقارنة ابدا بيجو وانت مغمض عينك انا شوفتها هنا فى السعودية عربية رائعة وبعدين اوربى والاوربى لا يقارن ابدا بالكورى وسعر اعادة البيع اكيد انت جايب عربية تركبها مش تبيعها على طول يعنى علشان تفكر تبيعه ميكونش قبل 10 سنوات على الاقل وربنا يوفقك

[Batman372]

البيجو .....

[wael30003]

طالما ما عبرناش ولا سأل فينا يبقى هيجيب سبورتاج

[وائل الجندي]

بيجو احسن من كل النواحي انا تقريبا اجمل عربية ركبتها ارتحتلها من الداخل فالفئة دي مع السيات التيا
لكن السبورتاج اجمل من برا فقط

[Vetibrahim]

طالما ما عبرناش ولا سأل فينا يبقى هيجيب سبورتاج

لا يا باشا أزلي بس كنت مشغول شوية بس ......

انا سالت كتير و شوفت كتير

هي الفكرة ان حتي عالميا بيشتكوا من مشاكل ف جير البيجو ٣٠٠٨

و الحاج غير حجز آلِسبورتاج كمان خلاها الهاي لاين وأنا طبعا مستحرم ندفع دا كلو ف سبورتاج

وبما أنها لييه مش ليا و هو مستغرب بعد كل الكلأم اللي قلتوهوله طب ازاي كل الحجز و كل السبورتاج اللي فل شارع دي

!!!!!!!!!!! اكيد المصريين مش اغبيا فشكلوا هيستلم السبورتاج الهاي لاين و أمرنا لله