و جاء وقت الاختيار :) ساعدوني في اختيار العربيه (حتي 100 الف)

[Anti_virus_abdo]

دلوقتي انا الحمد لله ادرت اجمع مبلغ 100 الف عشان اجيب عربيه
دلوقتي الحاجات الي انا عايزها في العربيه
موتور كويس و في نفس الوقت موفر
امان(Abs-airbags)
يفضل انها تبقي هاتشباك و شكلها شبابي و مش فارق معايا الشنطه ولا المساحه الداخليه اوي
دلوقتي انا كنت بفاضل بين السكودا الفابيا ميني 1.4 مانوال 2008 و الابيزا ال 1.4 مانوال 2008 و فيات جراند بونتو 1.4 مانوال 2008 برده
بس الوالد مش مقتنع بيهم و بيقولي خليك في الحاجات المعروفه و المضمونه عشان سعر اعادة البيع و التوكيل و قطع الغيار و كده زي الالنترا المانوال(مافيهاس وسائل امان) و الياريس الفول اوبشنز مانوال(شكلها مش عاجبني خالص) و النيو ماتريكس(الامان و الشكل مش عجبني:))
فهل هو رأيه صح كده ؟؟
و لو مكاني هتختارو ايه يا ريت تساعدوني يا جماعه في الاختيار لحسن محتار خااالص
و لو في عربيه خارج الي قولتهم دوول و فيها المواصفات الي قولتها مفيش مشكله برده :)

[shanodaa]

برتون جين 2 فيها جميع الموصفات اللي طالبها حضرتك وربنا ويوفئك في الاختيار

[Anti_virus_abdo]

الف شكر يا باشا علي ردك بس بلاش الجين 2 :)

[bassem_sams]

بالنسبه للهاتشباك فى الأفيو جديد نازله هاتشباك وعندك هيونداى جيتز و i30 و نيو اكسنت و كيا ريو و هوندا سيتى
لكن انا افضل انك تشوف نيسان تيدا او ديهاتسو ماتيريا او سوزوكى sx4
و ربنا يوفقك

[fahd_628]

جراند بونتو لو مش فارق معاك ال 77 حصان

[Anti_virus_abdo]

شكرا يا bassem_sams علي ردك بس حضرتك قلت كل العربيات الي فالسوق تقريبا :D
و في فئات سعريه مختلفه التيدا اغلي من المعايا هي و الi30
الماتيريا اجيبها اعمل بيها ايه :D
و الsx4 كبيره اوي

[Anti_virus_abdo]

لا مش فارق معايا يا فهد ال 77 حصان
بس ايه اخبار توكيل فيات ؟؟

[hazem_khidr]

هاتش باك يبقي جراند بونتو او ابيزا بالترتيب.
سيــــدان يبقي ياريس بلا منافس

[Anti_virus_abdo]

طب يا جماعه محدش قالي رأيه في توكيل فيات و اسعار قطع الغيار و كده ! ؟؟
و توكيل سكودا ايضا و سيات

[OlaOsman]

شكلك كده ميال للأوروبي.. اما لو الياباني يمشي معاك فليه ما تفكرش في السيريون السبورتي باكيدج هاتشباك.. أمان ABS + Airbags و شكلها شبابي.

[1.8Tee]

[saiedsm]

انا من اشتري فولكس فاجن سوران والله عربيه شكلها حلو (هي قليله في الكماليات شويه) بس تعتبر ألماني
وربنا يوفق

[MohabSaeed]

لو الاختيار اختيارى ... حختار الجراند بونتو .

تحفه فنيه ملهاش حل .

بس انا ليا نظره للعربيه الى ممكن اشتريها مختلفه عن ناس كتير ....اجيب العربيه الى بحبها بغض النظر عن رأى الناس و حوار التوكيل و سعر اعاده البيع و الكلام ده ... و يغور التوكيل على قطع الغيار على سعر اعاده البيع .... المهم اجيب الحاجه الى مقتنع بيها .... وطبعا يكون تمنها معايا .
حعمل ايه ب عربيه لانسر كل الناس بتحبها و بتتباع فى لحظه لكن مش عجبانى !!!!! هو انا الى حركب العربيه ولا الناس الى حتركب العربيه ؟؟؟ ولا انا حجيب العربيه علاشان ابيعها !!

وبعدين لقدر الله انا لو جبت العربيه الى كل الناس بتركبها وبتتباع فى لحظه وجيت دمرتها فى حادثه ...... هل حيبقى ليها قيمه !!


نصيحه اخويه

اشترى الحاجه الى انتا ميال ليها بعض النظر عن رأى اى حد .....و بالنسبه للتوكيل ... كل توكيلات مصر متشابهه فى التعامل السئ او غلو الاسعار المبالغ فيه او سياسه الصوت العالى , .... غير انى مش حروح التوكيل كل يوم .

[Anti_virus_abdo]

الف شكر لكل الي ردو
و فعلا انا ميال يا OlaOsman للاوروبي شويه :) و بالنسبه للسيريون ايه الفرق بين العاديه و السبورت باكدج طيب ؟؟
بس طبعا ده مش تقليل لياباني و لا الكوري خاااالص
و السوفت يا Mohamed_SlvrLan99 برده عجبتني و بدأت افكر فيهاا و شكرا يا MohabSaeed علي الكلام الجميل ده :)
انا احترررررررررت :(

[mero5005]

عايز الحق اللى انتا طالبه ده فى العربيه لا يمكن اكرر لا يمكن ان تجد معظمه فى سياره واحده يعنى عايز الكماليات والشكل الرياضى ويغور التوكيل يبقى جراند بونتو او ابيزا
عايز سعر اعاده بيع وضمان من غير كماليات جامده يبقى الالنترا او الياريس
لكن كلو يبقى سورى يا مان هتقزح ال 100 الف